လံာ်စီၤၡမူၤအ့လးအခီၣ်ထံးတဘ့ၣ် 4:18 - Sgaw Karen Common Bible

¹⁸ တုၤပှၤတဂၤန့ၣ်ယၢၤထီၣ်ယွၤအတၢ်အၢၣ်လီၤအီလီၤအတလါစီဆှံအဂ့ၢ်န့ၣ် စီၤဧ့လံၤလီၤကဒါဆူလီၢ်ခံလၢအလီၢ်ဆ့ၣ်နီၤဖီခိၣ်ဘူးဒီး ကျဲစၢၤန့ၣ်လီၤ. အဝဲအသးပှၢ်ဒိၣ်မးဒီးဘီၣ်ဒိၣ်မးတုၤဒၣ်လဲာ် အတၢ်လီၤဃံၤန့ၣ်မၤကၢ်ကွံာ်အကိာ်ဒီးသံဝဲဒၣ်လီၤ. အဝဲမ့ၢ်တ့ၢ်ကီၢ်အံၣ်စရ့လးအခိၣ်အနၢ်တဂၤလၢအနံၣ်လွံၢ်ဆံ အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:18 Iomraidhean Croise

စံးထီၣ်ပတြၢၤ 26:8

ယွၤဧၢ, ယအဲၣ်ဟံၣ်လၢနအိၣ်နဆိး, တၢ်လီၢ်လၢနလၤကပီၤအိၣ်ဝဲအလီၢ်န့ၣ်လီၤ.

စံးထီၣ်ပတြၢၤ 42:10

ယဘၣ်တၢ်ဆီၣ်တံၢ်ဆီၣ်သနံးယၤလၢအဝဲသ့ၣ် အတၢ်ကတိၤဒုၣ်ဒွဲၣ် ခီဖျိအတၢ်သံကွၢ်ယၤတထံၣ်ဃီ “နကစၢ်ယွၤအိၣ်ဖဲလဲၣ်” အဃိန့ၣ်လီၤ.

စံးထီၣ်ပတြၢၤ 42:3

ဖဲယဒုၣ်ယဒါတဖၣ်သံကွၢ်ယၤတထံၣ်ဃီလၢ “နကစၢ်ယွၤအိၣ်ဖဲလဲၣ်” န့ၣ်ဒီး, ယမဲာ်ထံမဲာ်နိမ့ၢ်ယတၢ်အီၣ်လၢ မုၢ်ဆါဆဲးလၢမုၢ်နၤန့ၣ်လီၤ.

စံးထီၣ်ပတြၢၤ 69:9

အဂ့ၢ်ဒ်အံၤ, ယတၢ်သးဆူၣ်လၢနဟံၣ်အဂီၢ်န့ၣ် အီၣ်ကွံာ်ယၤဒ်မ့ၣ်အူအသိး ဒီးပှၤအတၢ်ဒုၣ်ဒွဲၣ်နၤန့ၣ် လီၤဘၣ်လၢယလိၤလီၤ.

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.

လံာ်ပှၤစံၣ်ညီၣ်ကွီၢ် 15:20

ဒီးစီၤၡံၣ်ၡိၣ်ဆှၢပှၤအံၣ်စရ့လးဖိအနံၣ်ခံဆံဖဲပှၤဖလ့ၡသးဖိပၢဘၣ်ကီၢ်အခါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:13

စီၤဧ့လံၤလၢအသူၣ်ကိၢ်သးဂီၤတၢ်လၢတၢ်အၢၣ်လီၤအီလီၤအတလါစီဆှံအဃိန့ၣ်, ဆ့ၣ်နီၤဝဲလၢတၢ်လီၢ်တတီၤလၢကျဲကပၤန့ၣ်ဒီး ကွၢ်ဃီၤတၢ်စူကညူးလီၤ. ပှၤတဂၤန့ၣ်ရၤလီၤတၢ်ကစီၣ်သကုၤဝ့ၢ်ဒီဝ့ၢ်ညါဒီးပှၤကိးဂၤ ကိးပသူထီၣ်လၢတၢ်ပျံၤတၢ်ဖုးအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:17

ပှၤစိာ်တၢ်ကစီၣ်စံးဆၢဝဲ, “ပှၤအံၣ်စရ့လးဖိဃ့ၢ်ကွံာ်လၢပှၤဖလ့ၡသးဖိအအိၣ်လံ. မ့ၢ်တၢ်မၤနၢၤကွံာ်ပှၤလီၤပျံၤလီၤဖုးလီၤ. လၢန့ၣ်အမဲာ်ညါန့ၣ်နဖိခွါစီၤဃၤဖနံဒီးစီၤဖံနဃၣ်တဖၣ်ဘၣ် တၢ်မၤသံအီၤဒီးကစၢ်ယွၤအတၢ်အၢၣ်လီၤအီလီၤအတလါစီဆှံန့ၣ် ဘၣ်တၢ်မၤန့ၢ်အီၤလံ.”

လံာ်စီၤၡမူၤအ့လးအခီၣ်ထံးတဘ့ၣ် 4:19

စီၤဧ့လံၤအဒဲၣ်မုၣ်, စီၤဖံနဃၣ်အမါအိၣ်ဒီးအဟုးအသးဒီးဘူး ထီၣ်လၢကဆံးစၢ်ထီၣ်အဖိလံ. ဖဲအနၢ်ဟူဝဲလၢကစၢ်ယွၤအတၢ်အၢၣ်လီၤအီလီၤအတလါစီဆှံ ဘၣ်တၢ်မၤန့ၢ်အီၤဒီးအမံၤပှၢ်ဒီးအဝၤသံဝဲဒၣ်အဂ့ၢ်န့ၣ်အဝဲ အဟုးဆါထီၣ်သတူၢ်ကလာ်ဒီးဆံးစၢ်ထီၣ်အဖိလီၤ.