လံာ်စီၤၡမူၤအ့လးအခီၣ်ထံးတဘ့ၣ် 4:10 - Sgaw Karen Common Bible

¹⁰ ပှၤဖလ့ၡသးဖိတဖၣ်ဒုးတၢ်ဆူၣ်ဆူၣ်ဒီးမၤနၢၤကွံာ်ပှၤအံၣ်စရ့လးဖိလၢအက့ၤဃ့ၢ်ဆူ အဟံၣ်တဖၣ်အအိၣ်န့ၣ်လီၤ. တၢ်မၤသံမၤဝီဖးဒိၣ်အိၣ်ဝဲဒီးပှၤအံၣ်စရ့လးသုးဖိသၢကလး ဘၣ်တၢ်မၤသံကွံာ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:17

အဝဲသ့ၣ်ဟံးထီၣ်စီၤအးဘၡါလိၣ်အစိၣ်ဒီးကွံာ်လီၤဝဲဆူ တၢ်ပူၤယိာ်တခါအပူၤလၢပှၢ်ပူၤ, ဒီးကးဘၢအီၤလၢလၢၢ်ဖးဒိၣ် ပူၣ်ထီၣ်အသးတဖၣ်န့ၣ်လီၤ. ကယဲၢ်ပှၤအံၣ်စရ့လးဖိတဖၣ်ထွးထီၣ်ဃ့ၢ်ကွံာ်ခဲလၢာ်, တဂၤက့ၤဆူအဟံၣ်ဒၣ်ဝဲစုာ်စုာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:7

ပှၤအံၣ်စရ့လးဖိတဖၣ်ဘၣ်တၢ်မၤနၢၤကွံာ်အီၤလၢစီၤဒၤဝံးအပှၤတဖၣ်န့ၣ်လီၤ. တၢ်န့ၣ်မ့ၢ်တ့ၢ်ဝဲတၢ်ဃၣ်ကွံာ်လၢအလီၤပျံၤလီၤဖုးတမံၤအိၣ် ဒီးပှၤအဂၤခံကလးဘၣ်တၢ်မၤသံကွံာ်အီၤလၢနံၤအဝဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:8

တုၤနုၤတစု, စီၤပၤဂဲၤဆၢထၢၣ်ဒီးလဲၤဆ့ၣ်နီၤဝဲဘူးဒီး ဝ့ၢ်အတြဲၤန့ၣ်လီၤ. အပှၤတဖၣ်နၢ်ဟူဘၣ်လၢအဝဲအိၣ်ဖဲန့ၣ်, သတးဒီးအဝဲသ့ၣ်ခဲလၢာ်လဲၤပာ်ဖှိၣ်ထီၣ်အသးဝးတရံးအီၤန့ၣ်လီၤ. အကတီၢ်ဖဲန့ၣ်, ကယဲၢ်ပှၤအံၣ်စရ့လးဖိခဲလၢာ် ဃ့ၢ်ကွံာ်ဝဲတဂၤဆူအဟံၣ်ဒၣ်ဝဲစုာ်စုာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:1

တၢ်မၤအသးလၢဝ့ၢ်ကံးလကၤလးအပူၤန့ၣ်ပှၤတဂိာ်တသီၣ်ဘၣ်တၢ်အိၣ် ဝဲတဂၤလၢပှၤဘံၣ်ယၤမံၣ်အဒူၣ်အကျါ, လၢအမ့ၢ်စီၤကံးဘြံၤအဖိခွါစီၤၡဘၤန့ၣ်လီၤ. အဝဲအူထီၣ်ကွဲၤဒီးကိးပသူထီၣ်ဝဲဒၣ်, “မ်စီၤဒၤဝံးဘၣ်တၢ်ပာ်လီၤကွံာ်အလီၢ်အလၤတက့ၢ်. ပတပိာ်အခံဘၣ်. ပှၤကီၢ်အံၣ်စရ့လးဖိသ့ၣ်ဧၢ, မ်ပက့ၤကဒါက့ၤဆူဟံၣ်တက့ၢ်.”

လံာ်စီၤပၤအခီၣ်ထံးတဘ့ၣ် 12:16

တုၤပှၤဂီၢ်မုၢ်ထံၣ်ဘၣ်ဝဲလၢစီၤပၤတကနၣ်ဃုာ်အဝဲသ့ၣ်ဘၣ်န့ၣ်, အဝဲသ့ၣ်ကိးထီၣ်ဝဲ, “မ်စီၤဒၤဝံးအဟံၣ်ဖိဃီဖိအလီၢ်လီၤ ကွံာ်တက့ၢ်. အဝဲသ့ၣ်မၤတ့ၢ်တၢ်မနုၤလၢပဂီၢ်န့ၣ်လဲၣ်. ကီၢ်အံၣ်စရ့လးအပှၤကညီသ့ၣ်ဧၢ, မ်ပက့ၤကဒါက့ၤဆူပဟံၣ်ဒၣ်ဝဲ တက့ၢ်. မ်စီၤရဃၤဘၣ်ကွၢ်လီၤထွဲက့ၤအသးဒၣ်ဝဲတက့ၢ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ပူထီၣ်တၢ်,

လံာ်စီၤပၤအခီၣ်ထံးတဘ့ၣ် 22:36

ဘူးလၢမုၢ်ကလီၤနုာ်အကတီၢ်န့ၣ်, တၢ်ကလုၢ်တမံၤဘၣ်တၢ်ဟ့ၣ်လီၤ အီၤဆူပှၤအံၣ်စရ့လးဖိအသုးမုၢ်သံၣ်ဘိအကျါစံးဝဲ, “မ်ပှၤကိးဂၤဒဲးက့ၤကဒါက့ၤဆူအထံအကီၢ်ဒီးအဝ့ၢ်ဒၣ်ဝဲတက့ၢ်.”

လံာ်စီၤပၤခံဘ့ၣ်တဘ့ၣ် 14:12

စီၤပၤအမၤစယါအသုးမုၢ်ဘၣ်တၢ်မၤနၢၤကွံာ်အီၤဒီးအပှၤသုးဖိ ခဲလၢာ်ထွးထီၣ်ဃ့ၢ်ပူၤဖျဲးအသးဆူအဟံၣ်ဒၣ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:17

စီၤအဘံယၤဒီးအသုးမုၢ်ဒုးနၢၤဒီးမၤဃၣ်ကွံာ်ပှၤအံၣ်စရ့လး ဖိတဖၣ်ဒိၣ်ဒိၣ်မုၢ်မုၢ်, တုၤအံၣ်စရ့လးအပှၤသုးဖိအဂ့ၤကတၢၢ် ယဲၢ်ကလီၢ်ဂၤဘၣ်တၢ်မၤသံကွံာ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:22

ဒီးပှၤယူဒၤအသုးမုၢ်ဘၣ်တၢ်မၤနၢၤကွံာ်အီၤ, ဒီးပှၤသုးဖိတဖၣ်က့ၤဃ့ၢ်ဆူအဝဲသ့ၣ်အဟံၣ်ဒၣ်ဝဲန့ၣ်လီၤ.

စံးထီၣ်ပတြၢၤ 78:9

ပှၤအ့ဖရဲၣ်ဖိလၢအအိၣ်ဒီးစုကဝဲၤ လၢအမ့ၢ်ချံၣ်တဖၣ်ဒီးပျၢ်တဖၣ်န့ၣ် ဃ့ၢ်ကွံာ်ဝဲလၢတၢ်ဒုးသုးအမုၢ်တနံၤန့ၣ်လီၤ.

လံာ်ယံးရမံယၤ 7:12

လဲၤဆူဝ့ၢ်ၡံလိၤ, တၢ်လီၢ်အဆိကတၢၢ်လၢယဃုထၢတ့ၢ်အီၤ လၢပှၤကဘူၣ်ထီၣ်ဘါထီၣ်ယၤအဂီၢ်, ဒီးကွၢ်တၢ်လၢယမၤဘၣ်တ့ၢ် အီၤ, လၢယပှၤဂီၢ်မုၢ်အံၣ်စရ့လးအတၢ်ဒဲးဘးတဖၣ်အဃိ န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 26:17

ဒီးယကဃၣ်ဒူချၢယသးလၢသုဒ်သိးသုကဘၣ်တၢ်မၤနၢၤသု ဒီးပှၤလၢအသးဟ့သုကပၢသုလီၤ. သုကပျံၤတၢ်ဖုးတၢ်တုၤဒၣ်လဲာ်ပှၤမ့ၢ်တလူၤသုဘၣ်ဆၣ်, သုကဃ့ၢ်လီၤ.

လံာ်သိၣ်လီၤသီလီၤတၢ် 28:15

မ့မ့ၢ်, သုမ့ၢ်တစူၢ်ဘၣ်ယွၤ, သုကစၢ်ယွၤဒီးတတိၢ်န့ၢ်ဖံးဃာ် ဘၣ်ကယဲၢ်အဝဲအတၢ်မၤလိာ်တဖၣ်ဒီးတၢ်ဘူၣ်တၢ်ဘါအတၢ်သိၣ်တၢ်သီ တဖၣ်လၢယဟ့ၣ်လီၤသုတနံၤအံၤလၢတၢ်သးတီန့ၣ်, ကယဲၢ်တၢ်အၢတၢ် သီတဖၣ်အံၤကလီၤဘၣ်လၢသုလိၤန့ၣ်လီၤ.

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:11

ယွၤစံးဘၣ်အီၤ, “မုၢ်တနံၤနံၤန့ၣ်ယကမၤဘၣ်ကီၢ်အံၣ်စရ့လး အပှၤဂီၢ်မုၢ်လၢတၢ်တမံၤမံၤ, တၢ်လၢအလီၤပျံၤလီၤဖုးတုၤဒၣ်လဲာ်ပှၤတဂၤလၢ်လၢ်လၢ အနၢ်ဟူတၢ်ဂ့ၢ်န့ၣ်အသးကလီၤကတုၤဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:2

ပှၤဖလ့ၡသးဖိတဖၣ်ဒုးတၢ်ဒီးတၢ်ဒုးဆူၣ်ဝဲဝံၤအလီၢ်ခံအဝဲ သ့ၣ်မၤနၢၤကွံာ်ပှၤအံၣ်စရ့လးဖိတဖၣ်ဒီးမၤသံကွံာ်ပှၤလွံၢ် ကထိလၢတၢ်ဒုးပျီပူၤန့ၣ်လီၤ.