လံာ်စီၤၡမူၤအ့လးအခီၣ်ထံးတဘ့ၣ် 31:9 - Sgaw Karen Common Bible

⁹ အဝဲသ့ၣ်ကူးတဲာ်စီၤစီလူးအခိၣ်ဒီးဘ့ၣ်လီၤကွံာ်ဝဲအသဃိး ဒီးဆှၢလီၤပှၤစိာ်တၢ်ကစီၣ်တဖၣ်သကူၤကီၢ်ဖလ့ၡသးဒ်သိးကတဲ တၢ်သးခုကစီၣ်ဆူအတၢ်ဂီၤတၢ်ဖီၣ်တဖၣ်ဒီးအပှၤဂီၢ်မုၢ်အအိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:20

ဘိးဘၣ်သ့ၣ်ညါအီၤလၢဝ့ၢ်ကၤသးအပူၤ မ့တမ့ၢ်လၢဝ့ၢ်အၤၡးကလိၣ်အကျဲဘိတဖၣ်အပူၤ န့ၣ်တဂ့ၤ. ဒုးသးခုပှၤပိာ်မုၣ်တဖၣ်လၢကီၢ်ဖလ့ၡသးတဂ့ၤ. ပျဲပှၤတစူၢ်တနာ်ယွၤအဖိမုၣ်တဖၣ်သူၣ်ဖှံသးညီတဂ့ၤ.

လံာ်စီၤၡမူၤအ့လးအခီၣ်ထံးတဘ့ၣ် 17:51

အဝဲဃ့ၢ်ဆူစီၤကၤလယးအအိၣ်, ဆၢထၢၣ်လၢအဖီခိၣ်, ဟံးန့ၢ်အနးလၢအတြိးပူၤဒီး ကျီတဲာ်ကွံာ်ဝဲအခိၣ်ဒီးမၤသံကွံာ်အီၤန့ၣ်လီၤ. ဖဲပှၤဖလ့ၡသးဖိတဖၣ်ထံၣ်ဘၣ်ဝဲလၢအဝဲသ့ၣ်အပှၤဒူပှၤဃိၤသံ လံန့ၣ်, ထွးထီၣ်ဃ့ၢ်ကွံာ်ဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:54

စီၤဒၤဝံးဟံးထီၣ်စီၤကၤလယးအခိၣ်ဒီးဟဲက့ၤစိာ်အီၤဆူဝ့ၢ်ယရူၤၡလ့ၣ်လီၤ. မ့မ့ၢ်စီၤကၤလယးအစုကဝဲၤတဖၣ်န့ၣ်ပာ်ဃးဝဲလၢအဒဲပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:4

အဝဲစံးဘၣ်ပှၤသးစၢ်တဂၤလၢအစိာ်အစုကဝဲၤတဖၣ်န့ၣ်, “ထုးထီၣ်နနးဒီးမၤသံယၤဒ်သိးပှၤတစူၢ်တနာ်ယွၤ, ပှၤဖလ့ၡသးဖိတဖၣ်အံၤအသုတကတိၤဒိၣ်လီၤအကိာ်လၢယဖီခိၣ်ဒီး မၤသံယၤတဂ့ၤန့ၣ်တက့ၢ်.” ဘၣ်ဆၣ်ဒီးပှၤသးစၢ်တဂၤန့ၣ်ပျံၤတၢ်နးနးကလဲာ်လၢကမၤတၢ်အံၤ န့ၣ်လီၤ. မၤသးဒ်န့ၣ်ဒီး, စီၤစီလူးထုးထီၣ်အနးဒၣ်ဝဲဒီးဆဲးလီၤက့ၤ အသးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:8

ဖဲတၢ်ဒုးတၢ်ယၤဝံၤလၢခံတနံၤန့ၣ်, ပှၤဖလ့ၡသးဖိတဖၣ်လဲၤလၢ ကဂုာ်န့ၢ်ပှၤသံစိၣ်တဖၣ်အတၢ်ဖိတၢ်လံၤဒီးအဝဲသ့ၣ်ထံၣ်ဘၣ်စီၤ စီလူးဒီးအဖိခွါသၢဂၤလီၤဃံၤသံလၢကစၢၢ်ကံးလဘိအလိၤန့ၣ်လီၤ.