လံာ်စီၤၡမူၤအ့လးအခီၣ်ထံးတဘ့ၣ် 31:7 - Sgaw Karen Common Bible

⁷ ဖဲပှၤအံၣ်စရ့ဖးဖိတဖၣ်လၢတၢ်တြီၤယံးစရ့လးအဘးခီဒီးထံကျိယၢ်ဒ့ၣ်အမုၢ်ထီၣ်တခီ နၢ်ဟူလၢပှၤအံၣ်စရ့လးဖိအသုးမုၢ်ထွးထီၣ်ဃ့ၢ်ကွံာ်ဒီး စီၤစီလူးဒီးအဖိခွါတဖၣ်ဘၣ်တၢ်မၤသံကွံာ် အီၤန့ၣ်, အဝဲသ့ၣ်ပာ်တ့ၢ်ကွံာ်အခူအဝ့ၢ်ဒီးထွးထီၣ်ဃ့ၢ်ကွံာ်ဝဲဒၣ်လီၤ. တုၤနုၤတစုပှၤဖလ့ၡသးဖိတဖၣ်ဟဲဒီးဟံးန့ၢ်ကွံာ်ဝ့ၢ်တဖၣ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:7 Iomraidhean Croise

လံာ်တၢ်ဘူၣ်ထီၣ်ဘါထီၣ် 26:32

ဒီးယကမၤဟးဂီၤကွံာ်သုထံဧိၤကီၢ်ဧိၤလၢာ်လၢာ်ဆ့ဆ့တုၤ ဒၣ်လဲာ်သုဒုၣ်သုဒါတဖၣ်လၢအမၤန့ၢ်အီၤန့ၣ်ကကမၢကမၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 26:36

ဒီးသုဝဲပှၤလၢအအိၣ်လၢဒုၣ်ဒါအကီၢ်ပူၤတဖၣ်န့ၣ်ယကမၤပျံၤမၤဖုးသုတုၤဒၣ်လဲာ်သ့ၣ်လၣ်ဟူး ဝးအသီၣ်န့ၣ်ကဒုးထွးထီၣ်ဃ့ၢ်သုန့ၣ်လီၤ. သုကဃ့ၢ်ဒ်သုဘၣ်တၢ်လူၤဖီၣ်န့ၢ်သုလၢတၢ်ဒုးတၢ်ယၤအပူၤအသိး, ဒီးသုကလီၤဃံၤဝဲဖဲသုဒုၣ်သုဒါတလူၤဘၣ်သုအခါဒၣ်လဲာ်န့ၣ်လီၤ.

လံာ်သိၣ်လီၤသီလီၤတၢ် 28:33

ပှၤကလုာ်တကလုာ်လၢထံဂၤကီၢ်ဂၤတခီကဟံးန့ၢ်ကွံာ်ကယဲၢ်တၢ်မုၢ် တၢ်ဘိတၤသူတၤသၣ်တဖၣ်လၢသုကျဲးစၢးမၤတ့ၢ်ဆူၣ်ဆူၣ်ဒီးသူၣ် လီၤဖျးလီၤအီၤ, ဖဲသုတဒိးန့ၢ်တၢ်နီတမံၤဘၣ်, မ့မ့ၢ်တခီသုဘၣ်တၢ်မၤနၢၤမၤပ့ၤ, မၤအၢမၤနးသုဆါဆါကလဲာ် တပယူာ်ဃီန့ၣ်လီၤ.

လံာ်ပှၤစံၣ်ညီၣ်ကွီၢ် 6:2

ပှၤမံးဒယၣ်ဖိတဖၣ်အဂံၢ်အဘါဆူၣ်န့ၢ်ဒံးအံၣ်စရ့လး, ဒီးအံၣ်စရ့လးအပှၤဂီၢ်မုၢ်ပာ်ခူသူၣ်အသးလၢလၢၢ်ကအိလ့ကအိတဖၣ်အပူၤ ဒီးတၢ်လီၢ်ပူၤဖျဲးအဂၤတဖၣ်လၢကစၢၢ်ကလိအကျါန့ၣ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:6

အန့ၣ်ဝံၤဒီးအဝဲသ့ၣ်ဒုးတၢ်ထီဒါပှၤအံၣ်စရ့လးဖိတဖၣ်လၢတၢ် ဒုးဆူၣ်ဆူၣ်ကိၤကိၤတခါဒီးဒုးကဲထီၣ် တၢ်လီၤပျံၤလီၤဖုးဖးဒိၣ်တမံၤလၢအဝဲသ့ၣ်အဂီၢ်လီၤ. ပှၤအံၣ်စရ့လးဖိတနီၤပာ်ခူသူၣ်အသးလၢလၢၢ်ကအိဒီးတၢ်ပူၤ တဖၣ်အပူၤမ့ၢ်ဂ့ၤ, လၢလ့ကျါမ့ၢ်ဂ့ၤ, တၢ်ပူၤဖိတဖၣ်အပူၤ, ဒီးထံပူၤတဖၣ်အပူၤမ့ၢ်ဂ့ၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:7

ပှၤအဂၤခီဂာ်ထံကျိယၢ်ဒ့ၣ်ဆူဝ့ၢ်ကးဒီးဝ့ၢ်ကံးလကၤလးအတၢ်ပၢအပူၤလီၤ. စီၤစီလူးအိၣ်ဒံးဝဲလၢဝ့ၢ်ကံးလကၤလးဒီးပှၤဂီၢ်မုၢ်အိၣ် ဒီးအီၤတဖၣ်ကနိးကစုာ်လၢတၢ်ပျံၤတၢ်ဖုးအဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:6

ဒီးတၢ်န့ၣ်မ့ၢ်စီၤစီလူးဒီးအဖိခွါသၢဂၤဒီးပှၤသးစၢ်တဂၤ သံဝဲဒ်လဲၣ်အဂ့ၢ်လီၤ. ကယဲၢ်စီၤစီလူးအပှၤတဖၣ်သံဝဲခဲလၢာ်လၢမုၢ် နံၤအဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:8

ဖဲတၢ်ဒုးတၢ်ယၤဝံၤလၢခံတနံၤန့ၣ်, ပှၤဖလ့ၡသးဖိတဖၣ်လဲၤလၢ ကဂုာ်န့ၢ်ပှၤသံစိၣ်တဖၣ်အတၢ်ဖိတၢ်လံၤဒီးအဝဲသ့ၣ်ထံၣ်ဘၣ်စီၤ စီလူးဒီးအဖိခွါသၢဂၤလီၤဃံၤသံလၢကစၢၢ်ကံးလဘိအလိၤန့ၣ်လီၤ.