လံာ်စီၤၡမူၤအ့လးအခီၣ်ထံးတဘ့ၣ် 31:2 - Sgaw Karen Common Bible

² ဘၣ်ဆၣ်ဒီးပှၤဖလ့ၡသးဖိတဖၣ်ချုးန့ၢ်အဝဲသ့ၣ်ဒီးမၤသံကွံာ် စီၤစီလူးအဖိခွါသၢဂၤ, စီၤယိနၤသၣ်, စီၤအဘံနဒာ်ဒီးစီၤမၤလကံၡူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:6

အဝဲဒၣ်စံးဆၢဝဲ, “ယလဲၤဘၣ်အတီၤလၢကစၢၢ်ကံးလဘိ အဒီခိၣ်, ဒီးယထံၣ်လၢစီၤစီလူးထိၣ်လီၤဃံၤအသးလၢအဘီ ဖီခိၣ်ဒီးဒုၣ်ဒါအလ့ၣ်ကဟၣ်ဒုးသုးတဖၣ်ဒီးကသ့ၣ်ဒုးသုးတဖၣ် ဘူးတ့ၢ်မးလၢကတုၤဆူအအိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:7

ဖဲစီၤစံးဒကံယၤကွၢ်တၢ်အဖၢမုၢ်န့ၣ်, အဝဲအဖိခွါတဖၣ်ဘၣ်တၢ် မၤသံအီၤဝံၤဒီးစီၤနဘူၤကးန့စၢ်အူခွဲးထီၣ်ကွံာ်စီၤစံး ဒကံယၤအမဲာ်ချံစၢဃာ်အီၤလၢထးသွဲဒီးက့ၤမိၤအီၤဆူ ဝ့ၢ်ဘၤဘူၤလိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 10:2

ဘၣ်ဆၣ်ပှၤဖလ့ၡသးဖိသ့ၣ်တဖၣ်ဖီၣ်န့ၢ်အဝဲသ့ၣ်ဒီးမၤသံကွံာ် စီၤစီလူးအဖိခွါသၢဂၤ, လၢအမ့ၢ်ဝဲ, စီၤယိနၤသၣ်, စီၤအဘံနဒာ်ဒီးစီၤမးလကံၡူၤသ့ၣ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 8:33

စီၤန့ၢ်မ့ၢ်စီၤကံၣ်အပၢ်, ဒီးစီၤကံၣ်မ့ၢ်စီၤပၤစီၤစီလူးအပၢ်န့ၣ်လီၤ. စီၤစီလူးအိၣ်ဒီးအဖိခွါလွံၢ်ဂၤလၢအမ့ၢ်, စီၤယိနၤသၣ်, စီၤမၤလကံၡူၤ, စီၤအဘံနဒာ်ဒီးစီၤအ့ၡဘဧၤလးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:39

စီၤန့ၢ်ထီၣ်ဖိစီၤကံၣ်, ဒီးစီၤကံၣ်ထီၣ်ဖိစီၤစီလူးန့ၣ်လီၤ. စီၤစီလူးအိၣ်ဒီးအဖိခွါလွံၢ်ဂၤလၢအမ့ၢ်ဝဲ, စီၤယိနၤသၣ်, စီၤမၤလကံၡူၤ, စီၤအဘံနဒာ်ဒီးစီၤအ့ၡလဧၤလး န့ၣ်လီၤ.

လံာ်တၢ်ဟးထီၣ်ကွံာ် 20:5

သကူးလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါဒီးဘါထီၣ်အီၤတဂ့ၤ. အဂ့ၢ်ဒ်အံၤယမ့ၢ်ယွၤ, သုကစၢ်ယွၤလၢဝံသးစူၤပှၤပြၢလိာ်အသးဒီးအီၤတဖၣ်န့ၣ်တကဲဘၣ်န့ၣ်လီၤ. ယဒုးလီၤဘၣ်တၢ်စံၣ်ညီၣ်လၢပှၤတဖၣ်လၢအသးဟ့ယၤအလိၤဒီးလၢအစၢၤ အသွဲၣ်တဖၣ်အလိၤတုၤလၢပှၤသၢစိၤဒီးလွံၢ်စိၤတစိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:16

စီၤစီလူး, အဖိခွါစီၤယိနၤသၣ်ဒီးအပှၤတဖၣ်သူၣ်ထီၣ်အဒဲ ဖဲဝ့ၢ်ကံဘၤလၢပှၤဘံၣ်ယၤမံၣ်ဖိအကီၢ်ပူၤန့ၣ်လီၤ. ပှၤဖလ့ၡသးဖိတဖၣ်အသူၣ်ဒဲအလီၢ်အိၣ်ဖဲဝ့ၢ်မံးကမၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:2

စီၤစီလူးဃုထၢထီၣ်ပှၤပိာ်ခွါအဂၤသၢကထိဒီးပာ်ဝဲပှၤအဂၤခံကထိဃုာ်ဒီးအီၤ ဖဲဝ့ၢ်မံးကမၣ်ဒီးလၢကစၢၢ်ကလိအဝ့ၢ်ဘ့ၤသ့လးအပူၤလီၤ. ပှၤတကထိန့ၣ်ဆှၢဝဲဆူဝ့ၢ်ကံးဘဧးအိၣ်လၢပှၤဘံၣ်ယၤမံၣ်အဒူၣ်အကီၢ်ပူၤလီၤ. ပှၤအဂၤအိၣ်လီၤတဲာ်တဖၣ်န့ၣ်စီၤစီလူးဆှၢက့ၤဆူအဟံၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:22

ပှၤအဂၤလၢအပာ်ခူသူၣ်အသးလၢကီၢ်အ့ဖရဲၣ်အတၢ်လူၢ်ဒီခိၣ်တဖၣ် နၢ်ဟူလၢပှၤဖလ့ၡသးဖိတဖၣ်ထွးထီၣ်ဃ့ၢ်သတးဒီးအဝဲ သ့ၣ်စ့ၢ်ကီးပာ်ဖှိၣ်ဃုာ်အသးဒီးစီၤစီလူးဒီးဒုးတၢ်ထီဒါ ပှၤဖလ့ၡသးဖိတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:49

စီၤစီလူးအဖိခွါတဖၣ်မ့ၢ်ဝဲ, စီၤယိနၤသၣ်, စီၤယံးၡဝံ, ဒီးစီၤမးလကံၡူၤန့ၣ်လီၤ. အဝဲအဖိမုၣ်လၢအဒိၣ်တဂၤန့ၣ်ဘၣ်တၢ်ကိးအမံၤလၢနီၢ်မ့ရ့ာ်, ဒီးအဖိမုၣ်အဆံးတဂၤမ့ၢ်နီၢ်မံၤကၤလးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:17

ဒီးစံးဘၣ်အီၤ, “ပျံၤတၢ်တဂ့ၤ. ယပၢ်စီၤစီလူးမၤဆါနၤ တန့ၢ်ဘၣ်. အဝဲသ့ၣ်ညါဝဲဂ့ၤဂ့ၤကလဲာ်လၢနမ့ၢ်ပှၤတဂၤလၢကကဲထီၣ်ကီၢ်အံၣ် စရ့လးအစီၤပၤဒီးယကမ့ၢ်ပှၤအလီၢ်ဖုၣ်န့ၣ်နၤတဂၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:19

အဝဲကဟ့ၣ်လီၤနၤဒီးကီၢ်အံၣ်စရ့လးဆူပှၤဖလ့ၡသးဖိတဖၣ်အစု ပူၤလီၤ. ခဲမုၢ်ဆ့ၣ်န့ၣ်နၤဒီးနဖိခွါတဖၣ်ကလဲၤသကိးဒီးယၤ ဒီးယွၤကဟ့ၣ်လီၤကီၢ်အံၣ်စရ့လးအသုးမုၢ်ဆူပှၤဖလ့ၡသးဖိတဖၣ်အစုပူၤလီၤ.”