လံာ်စီၤၡမူၤအ့လးအခီၣ်ထံးတဘ့ၣ် 30:8 - Sgaw Karen Common Bible

⁸ စီၤဒၤဝံးသံကွၢ်ကစၢ်ယွၤ, “မ့ၢ်ယဘၣ်လဲၤလူၤပှၤဂုာ်ဆူၣ်တၢ်တဖၣ်ဒီးမ့ၢ်ယကဘၣ်ဖီၣ်န့ၣ်အဝဲသ့ၣ်ဧါ.” ယွၤစံးဆၢဝဲဒၣ်, “လဲၤလူၤအဝဲသ့ၣ်ဒီးမၤပူၤမၤဖျဲးပှၤဘၣ်တၢ်စိာ်မၢကဲကုၢ်အီၤတဖၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 30:8 Iomraidhean Croise

လံာ်တၢ်ကဲထီၣ်အခီၣ်ထံး 14:16

ဒီးဒိးန့ၢ်ဘၣ်ကဒါက့ၤကယဲၢ်တၢ်ခဲလၢာ်လၢအဘၣ်တၢ်ဟံးန့ၢ်ဆူၣ် သ့ၣ်တဖၣ်လီၤ. ဒီးဟဲက့ၤကိးစ့ၢ်ကီးအဖိဒိၣ်စီၤလိာ်ဒီးအတၢ်ဖိတၢ်လံၤခဲ လၢာ်, ဒီးပိာ်မုၣ်ပိာ်မၢၤတဖၣ်ဒီးပှၤဘၣ်တၢ်ဖီၣ်န့ၢ်အီၤအဂၤတဖၣ်န့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:19

စီၤဒၤဝံးသံကွၢ်ယွၤ, “မ့ၢ်ယကဘၣ်ဒုးပှၤဖလ့ၡသးဖိတဖၣ်န့ၣ်ဧါ. မ့ၢ်နကဟ့ၣ်ယၤလၢတၢ်မၤနၢၤန့ၣ်ဧါ.” ယွၤစံးဆၢဝဲဒၣ်, “မ့ၢ်, လဲၤဒုးတက့ၢ်. ယကဟ့ၣ်နၤလၢတၢ်မၤနၢၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 5:23

မၤကဒီးတစု, စီၤဒၤဝံးသံကွၢ်တၢ်လၢယွၤဒီးယွၤစံးဆၢ အီၤ, “လဲၤဒုးအဝဲသ့ၣ်ဖဲအံၤတဂ့ၤ. မ့မ့ၢ်လဲၤတရံးဒီးကတဲာ်ကတီၤသုသးဒ်သိးသုကလဲၤဒုးအီၤလၢ အဂၤတကပၤဖဲအဘူးဒီးပံၢ်သလီအထူၣ်တဖၣ်န့ၣ်တက့ၢ်.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 91:15

တုၤအကိးထီၣ်ယၤန့ၣ်ယကစံးဆၢအီၤ, ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ, ယကမၤပူၤမၤဖျဲးအီၤဒီးမၤလၤကပီၤအီၤလီၤ.

လံာ်တၢ်ဟးထီၣ်ကွံာ် 15:9

ဒုၣ်ဒါန့ၣ်စံးဝဲဒၣ်, ယကလူၤထွဲဒီးဖီၣ်န့ၢ်အဝဲသ့ၣ်, ယကနီၤဖးအတၢ်စုလီၢ်ခီၣ်ခိၣ်ဒီးဟံးန့ၢ်ကယဲၢ်တၢ်လၢယသးလီခဲလၢာ်, ယကထုးထီၣ်ယနးဒီးဟံးန့ၢ်တၢ်အိၣ်ဒီးအဝဲသ့ၣ်ခဲလၢာ်န့ၣ်လီၤ.

လံာ်တၢ်ဂံၢ် 27:21

အဝဲကဘၣ်သန့ၤအသးလၢပှၤလုၢ်တၢ်အခိၣ်စီၤအလၤဧစၢ်, ပှၤတဂၤလၢအကမၤလိတၢ်ဘၣ်ယသးခီဖျိအူရံၣ်ဒီးထူမံၣ်န့ၣ်လီၤ. လၢကျဲဒ်အံၤန့ၣ်စီၤအလၤဧစၢ်ကနဲၣ်န့ၢ်စီၤယိၤၡူဒီးကီၢ်အံၣ်စရ့လး အကမျၢၢ်ဒီဖုန့ၣ်အကျဲလၢကယဲၢ်အတၢ်ဂ့ၢ်တၢ် ကျိၤခဲလၢာ်အပူၤန့ၣ်လီၤ.”

လံာ်ပှၤစံၣ်ညီၣ်ကွီၢ် 20:18

ဒီးပှၤအံၣ်စရ့လးဖိတဖၣ်လဲၤဆူတၢ်ဘူၣ်တၢ်ဘါအလီၢ်ဖဲ ဘ့ၤသ့လးဒီးသံကွၢ်ကစၢ်ယွၤ, “မ့ၢ်မတၤအဒူၣ်ကဘၣ်ဒုးပှၤဘံၣ်ယၤမံၣ်ဖိတဖၣ်အဆိကတၢၢ်လဲၣ်.” ဒီးယွၤစံးဆၢဝဲဒၣ်, “ပှၤယူဒၤဖိအဒူၣ်လီၤ.”

လံာ်ပှၤစံၣ်ညီၣ်ကွီၢ် 20:23

လၢတၢ်န့ၣ်အဃိ, အံၣ်စရ့လးအသုးမုၢ်အသးဆူၣ်ထီၣ်ဒီးပာ်လီၤ ကဒီးအသုးမုၢ်အလီၢ်ဒ်လၢအပူၤကွံာ်တနံၤအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 20:28

ပှၤဂီၢ်မုၢ်သံကွၢ်ယွၤ, “ဂ့ၤပလဲၤထီၣ်ဒုးကဒီးပဒီပုၢ်ဝဲၢ် ပှၤဘံၣ်ယၤမံၣ်ဖိတဖၣ်ဧါ. မ့တမ့ၢ်ပကဘၣ်ဆိကတီၢ်လဲၣ်.” ဒီးယွၤစံးဆၢဝဲဒၣ်, “ဒုးတက့ၢ်. ခဲမုၢ်ဆ့ၣ်တနံၤန့ၣ်ယကဟ့ၣ်သုလၢတၢ်မၤနၢၤလၢအဝဲသ့ၣ် အဖီခိၣ်လီၤ.

လံာ်ပှၤစံၣ်ညီၣ်ကွီၢ် 8:4

ဖဲအကတီၢ်အံၤန့ၣ်, စီၤကံးဒဧိၣ်ဒီးအပှၤသၢကယၤဂၤဟဲတုၤဆူ ထံကျိယၢ်ဒ့ၣ်ဒီးခီဂာ်အီၤလီၤ. အဝဲသ့ၣ်လီၤဘှံးလီၤတီၤဘၣ်ဆၣ်ဒီးလူၤဒံးဝဲအဒုၣ်အဒါတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:22

အဝဲသ့ၣ်သံကွၢ်ယွၤ, “မ့ၢ်ပှၤအဂၤအိၣ်တဂၤဂၤဒံးဧါ.” ယွၤစံးဆၢဝဲဒၣ်, “စီၤစီလူးအိၣ်ဖဲန့ၣ်ဒီးအိၣ်ခူသူၣ်လၢ တၢ်ဖိတၢ်လံၤအကျါလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:37

မၤသးဒ်န့ၣ်ဒီး, စီၤစီလူးသံကွၢ်ကစၢ်ယွၤ, “မ့ၢ်ယဘၣ်ဒုးပှၤဖလ့ၡသးဖိတဖၣ်ဧါ. မ့ၢ်နကဟ့ၣ်ပှၤတၢ်မၤနၢၤဧါ.” ဘၣ်ဆၣ်ဒီးလၢမုၢ်နံၤအဝဲန့ၣ်ကစၢ်ယွၤတစံးဆၢတၢ်နီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 23:2

မၤသးဒ်န့ၣ်ဒီးအဝဲသံကွၢ်တၢ်လၢယွၤ, “မ့ၢ်ယကဘၣ်လဲၤဒုး ပှၤဖလ့ၡသးဖိတဖၣ်န့ၣ်ဧါ.” ယွၤစံးဆၢအီၤ, “မ့ၢ်လီၤ, လဲၤဒုးအဝဲသ့ၣ်ဒီးမၤပူၤမၤဖျဲးက့ၤဝ့ၢ်ကံလၤ တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 23:4

မၤသးဒ်န့ၣ်ဒီး, စီၤဒၤဝံးသံကွၢ်ကဒီးတၢ်လၢကစၢ်ယွၤဒီးယွၤ စံးဘၣ်အီၤ, “လဲၤဒီးဒုးဝ့ၢ်ကံလၤတက့ၢ်. အဂ့ၢ်ဒ်အံၤ, ယဟ့ၣ်လီၤသုတၢ်မၤနၢၤလၢပှၤဖလ့ၡသးဖိတဖၣ်အဖီ ခိၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:6

မၤသးဒ်န့ၣ်ဒီး, အဝဲသံကွၢ်ယွၤလၢကဘၣ်မၤတၢ်မနုၤလဲၣ်န့ၣ်လီၤ. ဘၣ်ဆၣ်ဒီးလၢတၢ်မံမီၢ်မ့ၢ်ဂ့ၤ, လၢအူရံၣ်ဒီးတူမံၢ်မ့ၢ်ဂ့ၤ, ခီဖျိဝံတဖၣ်မ့ၢ်ဂ့ၤန့ၣ်, ယွၤတစံးဆၢအီၤနီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 30:18

စီၤဒၤဝံးမၤပူၤမၤဖျဲးက့ၤပှၤကိးဂၤဒဲးဒီးတၢ်ကိးမံၤဒဲးလၢ ပှၤဧမၤလ့းဖိတဖၣ်စိာ်ကွံာ်ဝဲ, ဃုာ်ဒီးအမါခံဂၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:19

တၢ်လီၤမၢ်တအိၣ်ဘၣ်နီတမံၤဘၣ်. စီၤဒၤဝံးမၤန့ၢ်က့ၤကယဲၢ်အပှၤတဖၣ်အဖိခွါအဖိမုၣ်တဖၣ်ခဲလၢာ် ဒီးကယဲၢ်တၢ်လၢပှၤဧမၤလ့းဖိဂုာ်ဆူၣ် ပျိဆူၣ်တ့ၢ်ဝဲတဖၣ်န့ၣ်လီၤ.