လံာ်စီၤၡမူၤအ့လးအခီၣ်ထံးတဘ့ၣ် 30:31 - Sgaw Karen Common Bible

³¹ ဒီးဆူဝ့ၢ်ဃ့ဘြိၣ်လီၤ. အဝဲဆှၢလီၤတၢ်န့ၣ်ဆူကယဲၢ်တၢ်လီၢ်ကိးပူၤဒဲးဖဲအဝဲဒီးအတံၤသကိးတဖၣ်လဲၤဟးညီနူၢ်တ့ၢ်ဝဲ န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:31 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:10

ဘၣ်ဆၣ်ဒီးအဝဲဆှၢလီၤပှၤစိာ်တၢ်ကစီၣ်တဖၣ် ဆူကယဲၢ်ကီၢ်အံၣ်စရ့လးအဒူၣ်ခဲလၢာ်အအိၣ်ဒ်သိးအကစံးဘၣ်အဝဲသ့ၣ်လၢ, ဖဲသုနၢ်ဟူဘၣ်ကွဲၤတဖၣ်အတၢ်သီၣ်ထီၣ်န့ၣ်, ကိးပသူထီၣ်ဒီးစံး, “စီၤအးဘၡါလိၣ်ကဲထီၣ်လံဝ့ၢ်ဃ့ဘြိၣ်အစီၤပၤလံ, န့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 2:1

တၢ်အံၤဝံၤအလီၢ်ခံ, စီၤဒၤဝံးသံကွၢ်ယွၤ, “ယဘၣ်လဲၤမၤန့ၢ်ဒီးပၢၤဃာ်ကီၢ်ယူဒၤအဝ့ၢ်တဖျၢၣ်ဖျၢၣ်ဧါ.” ယွၤစံးဆၢဝဲဒၣ်, “မ့ၢ်လီၤ.” စီၤဒၤဝံးသံကွၢ်ဝဲ, “ဝ့ၢ်လၢလဲၣ်တဝ့ၢ်လဲၣ်.” ယွၤစံးဝဲဒၣ်, “ဝ့ၢ်ဃ့ဘြိၣ်” လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:4

အန့ၣ်ဝံၤဒီးပှၤကီၢ်ယူဒၤဖိတဖၣ်ဟဲဆူဝ့ၢ်ဃ့ဘြိၣ်ဒီးဖှူ စီၤဒၤဝံးဒ်ကီၢ်ယူဒၤအစီၤပၤအသိးန့ၣ်လီၤ. ဖဲစီၤဒၤဝံးနၢ်ဟူတ့ၢ်လၢပှၤဂီၢ်မုၢ်လၢဝ့ၢ်ယၤဘ့ၣ်အိၣ်လၢ ကီၢ်ကံးလဧးအပူၤခူၣ်လီၤဘျၢလီၤစီၤစီလူးန့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 4:1

ဖဲစီၤစီလူးအဖိခွါစီၤအံၤၡဘိၡ့းနၢ်ဟူလၢစီၤအဘံန့ၢ် ဘၣ်တၢ်မၤသံကွံာ်အီၤလၢဝ့ၢ်ဃ့ဘြိၣ်န့ၣ်အဝဲပျံၤတၢ်, ဒီးကယဲၢ်ကီၢ်အံၣ်စရ့လးအပှၤဂီၢ်မုၢ်ဖုးသံပျီၢ်သံဘၣ်မးအသးလီၤ.

လံာ်တၢ်ဂံၢ် 13:22

အဆိကတၢၢ်အဝဲသ့ၣ်လဲၤဆူကီၢ်န့ၣ်အကလံၤထံးတကပၤ တုၤဆူဝ့ၢ်ဃ့ဘြိၣ်, တၢ်လီၢ်ဖဲစီၤအဃံမ့ၣ်, စီၤၡ့ၤၡဲ, ဒီးစီၤတးလမဲအဒူၣ်ထၢတဖၣ်ပှၤဟဲလီၤစၢၤလၢပှၤတကလုာ်လၢအနီၢ် ဒိၣ်နီၢ်သွါတဖၣ်လၢပှၤကိးအီၤလၢပှၤဧနးဖိအိၣ်ဝဲဆိးဝဲအလီၢ်န့ၣ်လီၤ. (ဝ့ၢ်ဃ့ဘြိၣ်န့ၣ်ဘၣ်တၢ်သူၣ်ထီၣ်အီၤဆိန့ၣ်ဝ့ၢ်စိၤဧၢ်လၢကီၢ် အဲၤကူပတူးအပူၤနွံနံၣ်န့ၣ်လီၤ.)

လံာ်စီၤယိၤၡူ 15:13

ဒ်ယွၤမၤလိာ်စီၤမိၤၡ့အသိး, ပှၤယူဒၤဖိအကီၢ်တနီၤဘၣ်တၢ်ဟ့ၣ်လီၤအီၤဆူစီၤယဖူန့ၤအဖိ ခွါစီၤကၤလ့းလၢယူဒၤအဒူၣ်တခီန့ၣ်လီၤ. အဝဲဒိးန့ၢ်ဘၣ်ဃ့ဘြိၣ်, ဝ့ၢ်လၢအဘၣ်ဃးဒီးစီၤအၢ်ဘၤလၢအမ့ၢ်စီၤဧနးအပၢ်န့ၣ်လီၤ.

လံာ်စီၤယိၤၡူ 21:11

အဝဲသ့ၣ်ဘၣ်တၢ်ဟ့ၣ်လီၤအီၤလၢဝ့ၢ် အၢ်ဘၤ (အၢ်ဘၤမ့ၢ်စီၤဧနးအပၢ်) လၢအခဲအံၤဘၣ်တၢ်ကိးအီၤလၢဃ့ဘြိၣ် လၢယူဒၤကစၢၢ်အလိၤဃုာ်ဒီးတၢ်အီၣ်ဆၣ်အလီၢ်ဝးတရံးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:22

လဲၤဒီးမၤလီၤတံၢ်ကဒီးလၢခံတဘျီတက့ၢ်. ဃုသ့ၣ်ညါလီၤတံၢ်လၢအိၣ်ဝဲဖဲလဲၣ်ဒီးမတၤထံၣ်အီၤဖဲလဲၣ် န့ၣ်တက့ၢ်. ယနၢ်ဟူလၢအဝဲမ့ၢ်ပှၤကူၣ်တၢ်ကဘျံးကဘျၣ်သ့ ဒိၣ်မးန့ၣ်လီၤ.