လံာ်စီၤၡမူၤအ့လးအခီၣ်ထံးတဘ့ၣ် 30:25 - Sgaw Karen Common Bible

²⁵ စီၤဒၤဝံးဒုးကဲထီၣ်တၢ်အံၤလၢတၢ်သိၣ်တၢ်ဘျၢတခါ, ဒီးတၢ်န့ၣ်ဘၣ်တၢ်မၤထွဲအီၤလၢကီၢ်အံၣ်စရ့လးအပူၤ စးထီၣ်ဖဲတနံၤန့ၣ်လံၤလံၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:25 Iomraidhean Croise

လံာ်တၢ်ဟးထီၣ်ကွံာ် 27:21

စီၤအၤဟရိၣ်ဒီးအဖိခွါတဖၣ်ကဘၣ်ဒွဲၣ်ကပီၤထီၣ်မ့ၣ်အူဒၢလၢယ အိၣ်ယဆိးအဒဲစီဆှံပူၤဖဲယၣ်ဘျးသဒၢအချၢလၢအအိၣ်လၢတၢ်အၢၣ် လီၤအီလီၤတလါစီဆှံအမဲာ်ညါန့ၣ်လီၤ. ဖဲန့ၣ်ဖဲယအိၣ်ယဆိးအလီၢ်န့ၣ်မ့ၣ်အူဒၢကဘၣ်ဒွဲၣ်ကပီၤထီၣ်အီၤ စးထီၣ်လၢမုၢ်ဟါတုၤမုၢ်ဂီၤန့ၣ်လီၤ. တၢ်မၤလိာ်အံၤကဘၣ်တၢ်တိၢ်န့ၢ်ဖံးဃာ်အီၤလီၤထူလီၤယိာ်လၢပှၤ အံၣ်စရ့လးဖိတဖၣ်ဒီးအစၢၤအသွဲၣ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:13

စီၤၡမူၤအ့လးဟံးန့ၢ်သ့ၣ်စၤယံးအသိဒီးဖှူစီၤဒၤဝံးလၢ အဒီပုၢ်ဝဲၢ်ခွါတဖၣ်အမဲာ်ညါလီၤ. သတူၢ်ကလာ်န့ၣ်ယွၤအသးမုၢ်စီဆှံပၢၤဃးစီၤဒၤဝံးဒီးအိၣ် ဒီးအီၤစးထီၣ်လၢမုၢ်တနံၤန့ၣ်လီၤ. အန့ၣ်ဝံၤဒီးစီၤၡမူၤအ့လးက့ၤကဒါက့ၤဆူဝ့ၢ်ရၤမါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:24

တၢ်လၢသုစံးတ့ၢ်တဖၣ်န့ၣ်ပှၤဘၣ်သူၣ်ဘၣ်သးတသ့နီတဂၤဘၣ်. ပှၤကိးဂၤဒဲးကဘၣ်ဒိးန့ၢ်အတၢ်နီၤဖးဒ်သိးသိးလီၤ. ပှၤတဂၤလၢ်လၢ်လၢအိၣ်လီၤတဲာ်ဃုာ်ဒီးတၢ်အီၣ်တၢ်အီ, တဖၣ်န့ၣ်, ကဘၣ်မၤန့ၢ်တၢ်ဒ်သိးသိးဒီးပှၤလၢအလဲၤဆူ တၢ်ဒုးတၢ်ယၤအပူၤတဖၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 30:26

ဖဲစီၤဒၤဝံးဟဲက့ၤဆူဝ့ၢ်စံကလးန့ၣ်အဝဲဆှၢလီၤ, တၢ်ဂုာ်န့ၢ်တနီၤဆူအတံၤသကိးပှၤခိၣ်ပှၤနၢ်တဖၣ်လၢကီၢ်ယူဒၤ အအိၣ်ဃုာ်ဒီးတၢ်ကစီၣ်စံးဝဲ, “အအံၤမ့ၢ်တၢ်ဟ့ၣ်တမံၤလၢသုဂီၢ်လၢပဟဲက့ၤစိာ်အီၤလၢ ယွၤအဒုၣ်အဒါတဖၣ်အအိၣ်န့ၣ်လီၤ.”