လံာ်စီၤၡမူၤအ့လးအခီၣ်ထံးတဘ့ၣ် 30:22 - Sgaw Karen Common Bible

²² ဘၣ်ဆၣ်ဒီးပှၤအအၢအသီဒီးပှၤအလုၢ်အပှ့ၤတအိၣ်တဖၣ် လၢအလဲၤပိာ်တ့ၢ်စီၤဒၤဝံးအခံန့ၣ်စံးဝဲ, “အဝဲသ့ၣ်တလဲၤဃုာ်ဒီးပှၤဘၣ်. အဃိဒီးပတဟ့ၣ်အဝဲသ့ၣ်တၢ်ဂုာ်ဆူၣ်ပျိဆူၣ်တဖၣ်လၢပဒိးန့ၢ်အီၤန့ၣ်ဘၣ်. အဝဲသ့ၣ်ဟံးန့ၢ်က့ၤအဖိအမါတဖၣ်ဒီးဟးထီၣ်ကွံာ်ဝဲသ့လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 30:22 Iomraidhean Croise

လံာ်စီၤပၤအခီၣ်ထံးတဘ့ၣ် 21:10

မၤန့ၢ်ပှၤအၢပှၤသီခံဂၤလၢအကအုၣ်အသးထီဒါမဲာ်ပူၤအီၤဒ် အမ့ၢ်ပှၤဆိၣ်အၢကစၢ်ယွၤဒီးစီၤပၤတက့ၢ်. ဝံၤဒီးထုးထီၣ်ကွံာ်အီၤလၢဝ့ၢ်ပူၤဒီးကွံာ်သံအီၤလၢလၢၢ်တ က့ၢ်.”

လံာ်စီၤပၤအခီၣ်ထံးတဘ့ၣ် 21:13

လၢကမျၢၢ်အမဲာ်ညါန့ၣ်ပှၤအၢပှၤသီခံဂၤအုၣ်အသးထီဒါစီၤနၤ ဘိးလၢအဆိၣ်အၢကစၢ်ယွၤဒီးစီၤပၤန့ၣ်လီၤ. ဒီးလၢတၢ်န့ၣ်အဃိအဝဲဘၣ်တၢ်ထုးထီၣ်ကွံာ်အီၤဆူ ဝ့ၢ်အချၢဒီးကွံာ်သံကွံာ်အီၤလၢလၢၢ်န့ၣ်လီၤ.

လံာ်မးသဲ 7:12

ဒ်နဆၢလၢပှၤဂၤကမၤနၤအသိးန့ၣ်, မၤအီၤဒ်န့ၣ်အသိးတက့ၢ်. အအံၤမ့ၢ်စီၤမိၤၡ့အတၢ်သိၣ်တၢ်သီ ဒီးဝံတဖၣ်အတၢ်သိၣ်လီၤသီလီၤတဖၣ်အခီပညီန့ၣ်လီၤ.

လံာ်သိၣ်လီၤသီလီၤတၢ် 13:13

ပှၤတဂိာ်တသီၣ်တၢ်တနီၤအိၣ်လၢသုပှၤကလုာ်အကျါလၢအဆှၢကမၣ်တ့ၢ် ပှၤဂီၢ်မုၢ်လၢအဝ့ၢ်ဒၣ်ဝဲဒ်သိးကဘါထီၣ်ကစၢ်တဖၣ်လၢသုတဘါထီၣ် တ့ၢ်အီၤလၢညါနီတစုဘၣ်အဂ့ၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 19:22

ဖဲအဝဲသ့ၣ်သူၣ်ဖှံသးညီအကတီၢ်န့ၣ်သတူၢ်ကလာ်ပှၤအလုၢ် အလၢ်တဂ့ၤလၢဝ့ၢ်ပူၤတနီၤကဝီၤဃာ်ဟံၣ်န့ၣ်ဒီးဒိတကျိာ်တြဲၤလီၤ. အဝဲသ့ၣ်စံးဘၣ်ပှၤသးပှၢ်န့ၣ်, “ဟဲကိးထီၣ်ပှၤတဂၤလၢအဟဲက့ၤပိာ်နခံဆူနဟံၣ်တက့ၢ်. ပအဲၣ်ဒိးမံဃုာ်ဒီးအီၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 22:2

ပှၤဂီၢ်မုၢ်လၢဘၣ်တၢ်မၤနးမၤဖှီၣ်အီၤတဖၣ်မ့ၢ်ဂ့ၤ, အဒ့ၣ်ကမၣ်အိၣ်မ့ၢ်ဂ့ၤ, အသးတမံတဖၣ်မ့ၢ်ဂ့ၤလဲၤဆူအအိၣ်, ပှၤခဲလၢာ်အဂၤလွံၢ်ကယၤဃၣ်ဃၣ်ဒီးအဝဲကဲထီၣ်အဝဲသ့ၣ်အခိၣ်အနၢ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:17

ဆိကမိၣ်ကွၢ်တၢ်အံၤဒီးစံၣ်ညီၣ်တဲာ်တၢ်လၢနကဘၣ်မၤအီၤတက့ၢ်. တၢ်အံၤကဲထီၣ်တၢ်တတၢးတနါလၢပကစၢ်အဂီၢ်ဒီးအဒူၣ်ဖိ ထၢဖိခဲလၢာ်အဂီၢ်သ့ဝဲလီၤ. အဝဲဒၣ်အခိၣ်ကိၤအၢသီတုၤဒၣ်လဲာ်တကနၣ်ဘၣ်ပှၤနီတဂၤဘၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:25

ဝံသးစူၤပာ်သူၣ်ပာ်သးဒီးကနၣ်ဃုာ်စီၤနၤဘလးန့ၣ်တဂ့ၤ. အဝဲတဂ့ၤလၢတၢ်နီတမံၤအဂီၢ်ဘၣ်. ဒ်အမံၤအခီပညီလၢအမ့ၢ်တၢ်ပျုၢ်အသိးန့ၣ်အဝဲမ့ၢ်နီၢ်နီၢ်ပှၤ အမၢးတဂၤလီၤ. တၢ်ဒိၣ်ဧၢ, ဖဲနခ့နပှၤတဖၣ်ဟဲတုၤန့ၣ်ယတအိၣ်ဘၣ်ဖဲန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 30:21

အန့ၣ်ဝံၤဒီး, စီၤဒၤဝံးက့ၤကဒါက့ၤဆူပှၤအဂၤခံကယၤလၢ အဂံၢ်အဘါစၢ်ဒိၣ်မးလၢအကလဲၤပိာ်အခံအဂီၢ်အဃိ, အိၣ်လီၤတဲာ်လၢထံကျိဖိအကၢၢ်ခိၣ်တဖၣ်အအိၣ်န့ၣ်လီၤ. အဝဲသ့ၣ်ဟဲထီၣ်ဆူညါဒ်သိးကသဂၢၢ်စီၤဒၤဝံးဒီးအပှၤတဖၣ်ဒီး စီၤဒၤဝံးလဲၤဆူအဝဲသ့ၣ်အအိၣ်ဒီးဆၢဂ့ၤဆၢဝါအဝဲသ့ၣ် ပှဲၤဒီးတၢ်သူၣ်အိၣ်သးအိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:23

ဘၣ်ဆၣ်ဒီးစီၤဒၤဝံးစံးဝဲဒၣ်, “ယဒီပုၢ်ဝဲၢ်သ့ၣ်ဧၢ, တၢ်လၢယွၤဟ့ၣ်ပှၤန့ၣ်သုမၤအီၤဒ်အံၤတသ့ဘၣ်. အဝဲကဟုဘံၣ်ကယာ်ဘၢပှၤဒီးဟ့ၣ်ပှၤတၢ်မၤနၢၤလၢ ပှၤဂုာ်ဆူၣ်ပျိဆူၣ်တၢ်တဖၣ်အဖီခိၣ်လီၤ.