လံာ်စီၤၡမူၤအ့လးအခီၣ်ထံးတဘ့ၣ် 30:20 - Sgaw Karen Common Bible

²⁰ အဝဲမၤန့ၢ်ကဒါက့ၤစ့ၢ်ကီး, သိအဖုတဖၣ်, ဂီၤဘုၣ်ဂီၤဖံးတဖၣ်လီၤ. အပှၤတဖၣ်နီၣ်ထီၣ်ဆၣ်ဖိကီၢ်ဖိအဒၢတဖၣ်လၢအဝဲသ့ၣ်အမဲာ်ညါဒီးစံးဝဲ, “အဝဲအံၤဘၣ်ဃးဒီးစီၤဒၤဝံးလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 30:20 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 14:15

အဝဲသ့ၣ်လဲၤထီၣ်ဒုးစ့ၢ်ကီးပှၤကွၢ်သိတနီၤအသူၣ်ဒဲအလီၢ်တ ဖၣ်, မၤန့ၢ်သိဒီးကီၤလၤအူးအါအါဂီၢ်ဂီၢ်န့ၣ်လီၤ. ဝံၤဒီးအဝဲသ့ၣ်က့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:25

စီၤယဟိၡၤဖးဒီးအပှၤသုးဖိတဖၣ်ဟဲနုာ်လၢကဟံးန့ၢ်တၢ်ဂုာ် န့ၢ်တဖၣ်ဒီးအဝဲသ့ၣ်ထံၣ်ဘၣ်ဂီၤဘုၣ်ဂီၤဖံးအါအါဂီၢ်ဂီၢ်, တၢ်လၢပှၤသူအီၤအလီၢ်အိၣ်တဖၣ်, တၢ်ကူတၢ်ကၤဒီးတၢ်ပီးတၢ်လီလုၢ်ဒိၣ်ပှ့ၤဒိၣ်အဂုၤအဂၤတဖၣ်န့ၣ်လီၤ. အဝဲသ့ၣ်ထၢဖှိၣ်တၢ်ဂုာ်န့ၢ်ယံာ်ဝဲသၢသီ, ဘၣ်ဆၣ်, တၢ်အိၣ်ဝဲ ဂီၢ်မုၢ်ဂီၢ်ပၤတုၤဒၣ်လဲာ်အဝဲသ့ၣ်က့ၤစိာ်တၢ်တန့ၢ်ခဲလၢာ်ဘၣ်န့ၣ်လီၤ.

လံာ်ယၡါယၤ 53:12

မၤသးဒ်န့ၣ်ဒီး, ယကဟ့ၣ်အီၤတၢ်လၤတၢ်ကပီၤအလီၢ်တတီၤ, တၢ်လီၢ်တတီၤလၢပှၤအဒိၣ်စိဒိၣ်ကမီၤတဖၣ်အကျါလီၤ. အဝဲဟ့ၣ်လီၤကွံာ်အသးလၢတၢ်သးအိၣ်အပူၤ ဒီးတူၢ်သကိးတၢ်ဒီးတၢ်ဘူၣ်တၢ်တီၢ်လၢအလီၤဘၣ်ပှၤ အၢပှၤသီတဖၣ်န့ၣ်လီၤ. အဝဲဟံးန့ၢ်ပှၤတၢ်ဒဲးဘးဖိအါဂၤအလီၢ်ဒီးဘါထုကဖၣ်ဝဲလၢ အဝဲသ့ၣ်အတၢ်ဒဲးဘးကဘၣ်တၢ်ပျၢ်အီၤအဂီၢ်လီၤ.”

ရိမ့ၤ 8:37

မ့မ့ၢ်လၢတၢ်န့ၣ်တဖၣ်ခဲလၢာ်အပူၤပမ့ၢ်ပှၤလၢအမၤ နၢၤတၢ်လၢလၢပှဲၤပှဲၤခီဖျိပှၤလၢအအဲၣ်ပှၤအဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:21

အန့ၣ်ဝံၤဒီး, စီၤဒၤဝံးက့ၤကဒါက့ၤဆူပှၤအဂၤခံကယၤလၢ အဂံၢ်အဘါစၢ်ဒိၣ်မးလၢအကလဲၤပိာ်အခံအဂီၢ်အဃိ, အိၣ်လီၤတဲာ်လၢထံကျိဖိအကၢၢ်ခိၣ်တဖၣ်အအိၣ်န့ၣ်လီၤ. အဝဲသ့ၣ်ဟဲထီၣ်ဆူညါဒ်သိးကသဂၢၢ်စီၤဒၤဝံးဒီးအပှၤတဖၣ်ဒီး စီၤဒၤဝံးလဲၤဆူအဝဲသ့ၣ်အအိၣ်ဒီးဆၢဂ့ၤဆၢဝါအဝဲသ့ၣ် ပှဲၤဒီးတၢ်သူၣ်အိၣ်သးအိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:26

ဖဲစီၤဒၤဝံးဟဲက့ၤဆူဝ့ၢ်စံကလးန့ၣ်အဝဲဆှၢလီၤ, တၢ်ဂုာ်န့ၢ်တနီၤဆူအတံၤသကိးပှၤခိၣ်ပှၤနၢ်တဖၣ်လၢကီၢ်ယူဒၤ အအိၣ်ဃုာ်ဒီးတၢ်ကစီၣ်စံးဝဲ, “အအံၤမ့ၢ်တၢ်ဟ့ၣ်တမံၤလၢသုဂီၢ်လၢပဟဲက့ၤစိာ်အီၤလၢ ယွၤအဒုၣ်အဒါတဖၣ်အအိၣ်န့ၣ်လီၤ.”