လံာ်စီၤၡမူၤအ့လးအခီၣ်ထံးတဘ့ၣ် 30:17 - Sgaw Karen Common Bible

¹⁷ လၢမုၢ်ဆ့ၣ်ထီၣ်ဂီၤဂီၤန့ၣ်, စီၤဒၤဝံးဒုးအဝဲသ့ၣ်တုၤလၢ မုၢ်ဟါလီၤတစုန့ၣ်လီၤ. မ့တမ့ၢ်ဘၣ်လၢပှၤသးစၢ်အဂၤလွံၢ်ကယၤဒိးထီၣ်ကီၤလၤအူးဒီး ဃ့ၢ်ကွံာ်အဃိန့ၣ်ပှၤပူၤဖျဲးတအိၣ်ဘၣ်နီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 30:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:1

စီၤစီလူးသံဝံၤအလီၢ်ခံန့ၣ်, စီၤဒၤဝံးဟဲက့ၤကဒါက့ၤဝဲ လၢတၢ်မၤနၢၤပှၤဧမၤလ့းဖိတဖၣ်ဒီးအိၣ်ဝဲဒၣ်ဖဲဝ့ၢ်စံးကလး ခံသီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:12

လၢအမ့ၢ်ကီၢ်အဒိၣ်, ကီၢ်မိၤအး, ကီၢ်ဧၤမိၣ်, ကီၢ်ဖလ့ၡသး, ဒီးကီၢ်ဧမၤလ့း, ဃုာ်ဒီးတၢ်ဂုာ်န့ၢ်တနီၤလၢအဟဲက့ၤစိာ်ဝဲ လၢစီၤဟးဒးဧ့စ့ၢ်အအိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 7:5

တုၤနုၤတစု, ဖဲတၢ်စးထီၣ်ခံးလီၤဝဲန့ၣ်, အဝဲသ့ၣ်လဲၤဆူ ပှၤစူၤရံဖိသူၣ်ဒဲအလီၢ်, ဘၣ်ဆၣ်ဖဲအဝဲသ့ၣ်လဲၤတုၤဝဲန့ၣ်, ပှၤတအိၣ်ဖဲန့ၣ်နီတဂၤလၢၤဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 4:43

ဖဲန့ၣ်အဝဲသ့ၣ်မၤသံကွံာ်ဝဲပှၤဧမၤလ့းဖိလၢအအိၣ်လီၤတဲာ် တဖၣ်ဒီးအဝဲသ့ၣ်အိၣ်ဝဲဆိးဝဲဖဲန့ၣ်တုၤမုၢ်မဆါတနံၤအံၤ န့ၣ်လီၤ.

စံးထီၣ်ပတြၢၤ 18:42

ယမၤသဘှံးအဝဲသ့ၣ်ဒီးကဲထီၣ်ဒ်ဖၣ်ကမူၣ် လၢကလံၤအူဒံကွံာ်အီၤအသိး, ယယီၢ်တံၢ်အဝဲသ့ၣ်ဒ် ကပံာ်လၢကျဲအလိၤအသိးန့ၣ်လီၤ.

လံာ်ယံးရမံယၤ 41:15

ဘၣ်ဆၣ်, စီၤယံးၡမၤအ့လးဒီး အပှၤဃိးဂၤထူၣ်ဖျဲးကွံာ် လၢစီၤယိဃၤနၣ်အစုပူၤဒီး ဃ့ၢ်ပူၤဖျဲးဝဲဆူပှၤဧၣ်မိၣ်ဖိအ ကီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:16

စီၤဘါရးလူၤထွဲလ့ၣ်ကဟၣ်ဒုးသုးတဖၣ်ဒီးပှၤသုးဖိတဖၣ်အခံ တုၤဆူပှၤကလုာ်ဂၤတဖၣ်အဝ့ၢ်ဃရိၡ့းဒီးစီၤစံစရၤအသုးမုၢ် ဒီဖုဘၣ်တၢ်မၤသံကွံာ်အီၤခဲလၢာ်လီၤ. ပှၤတအိၣ်လီၤတဲာ်ဘၣ်နီတဂၤဘၣ်.

လံာ်ပှၤစံၣ်ညီၣ်ကွီၢ် 7:12

ဒီးပှၤမံးဒယၣ်ဖိ, ပှၤဧမၤလ့းဖိဒီးပှၤမဲးမုၢ်ခိၣ်အဒူၣ်တဖၣ် ရၤလီၤအသးလၢတၢ်ပျီပူၤဒ်ဒွဲၣ်ဧိၤတြၤဧိၤအဖုအဂီၢ်အသိး န့ၣ်လီၤ. အဝဲသ့ၣ်အိၣ်ဒီးကီၤလၤအူးအါမးဒ်မဲးဧိၤဟီၣ်ဧိၤလၢပီၣ် လဲၣ်ကၢၢ်နံၤအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:11

မုၢ်ဆ့ၣ်ထီၣ်တနံၤဂီၤဂီၤန့ၣ်စီၤစီလူးနီၤဖးအပှၤပိာ်ခွါ တဖၣ်သၢဖုဒီးဖဲမုၢ်ဆ့ၣ်ထီၣ်လၢဂီၤဂီၤတၢ်ခံးဒံးန့ၣ်, အဝဲသ့ၣ်ဃ့ၢ်သဖှိဃီၤဆူဒုၣ်ဒါအသူၣ်လီၤဒဲအလီၢ်န့ၣ်ဒီးဒုးတၢ်ထီဒါ ပှၤဧၣ်မိၣ်ဖိတဖၣ်လီၤ. တုၤမုၢ်ထူၣ်ဒီးအဝဲသ့ၣ်ကျီသံကွံာ်ပှၤဧၣ်မိၣ်ဖိတဖၣ်န့ၣ်လီၤ. ပှၤအိၣ်မူတ့ၢ်တဖၣ်န့ၣ်လီၤမုၢ်ပြံပြါဝဲဒီးပှၤတဂၤစုာ်စုာ် န့ၣ်ဃ့ၢ်ဝဲဒၣ်ထဲအနီၢ်ကစၢ်ဒၣ်ဝဲဧိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:3

လဲၤဒီးဒုးပှၤဧမၤလ့းဖိတဖၣ်ဒီးမၤဟးဂီၤကွံာ်ကယဲၢ်အတၢ် ကိးမံၤလၢအအိၣ်ဒီးအဝဲသ့ၣ်တဖၣ်န့ၣ်တက့ၢ်. ပာ်တ့ၢ်တၢ်နီတမံၤတဂ့ၤ. မၤသံကွံာ်ကယဲၢ်ပှၤပိာ်ခွါကိးဂၤဒဲး, ပိာ်မုၣ်တဖၣ်, ဖိသၣ်တဖၣ်ဒီးဖိသၣ်ဆံးတဖၣ်, ဂီၤဘုၣ်ဂီၤဖံးတဖၣ်, သိတဖၣ်, ကီၤလၤအူးတဖၣ်ဒီးကသ့ၣ်ယီၤတဖၣ်တက့ၢ်.”