လံာ်စီၤၡမူၤအ့လးအခီၣ်ထံးတဘ့ၣ် 3:10 - Sgaw Karen Common Bible

¹⁰ ယွၤဟဲဒီးဆၢထၢၣ်ဖဲန့ၣ်ဒီးကိးထီၣ်ဒ်အကိးတ့ၢ်ဝဲလၢညါအသိး, “စီၤၡမူၤအ့လး, စီၤၡမူၤအ့လးဧၢ,” န့ၣ်လီၤ. စီၤၡမူၤအ့လးစံးဆၢဝဲ, “ကတိၤတၢ်တက့ၢ်. နခ့နပှၤဒိကနၣ်တၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 3:10 Iomraidhean Croise

လံာ်စီၤယိၤၡူ 5:14

အဝဲစံးဆၢဝဲ, “တမ့ၢ်ဘၣ်. ယဟဲယဲဒ်ယွၤအသုးမုၢ်အခိၣ်တဂၤအသိးန့ၣ်လီၤ.” စီၤယိၤၡူထိၣ်လီၤပှီၤအသးလၢဟီၣ်ခိၣ်လိၤဒီးဘူၣ်ထီၣ်ဘါထီၣ် အီၤဒီးစံး, “ယမ့ၢ်နကုၢ်နပှၤလီၤကစၢ်ဧၢ, နသးအိၣ်လၢယကမၤတၢ်မနုၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 12:2

ဒီးခဲအံၤသုအိၣ်ဒီးအီၤလၢကပၢဆှၢသုလီၤ. မ့မ့ၢ်ယဲဒၣ်တခီ, ယသးပှၢ်ခိၣ်ဝါလံဒီးယဖိခွါတဖၣ်အိၣ်ဒီးသုလီၤ. ယမ့ၢ်တ့ၢ်သုခိၣ်သုနၢ်စးထီၣ်လၢယသးစၢ်တုၤခဲကနံၣ်အံၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:11

ယွၤစံးဘၣ်အီၤ, “မုၢ်တနံၤနံၤန့ၣ်ယကမၤဘၣ်ကီၢ်အံၣ်စရ့လး အပှၤဂီၢ်မုၢ်လၢတၢ်တမံၤမံၤ, တၢ်လၢအလီၤပျံၤလီၤဖုးတုၤဒၣ်လဲာ်ပှၤတဂၤလၢ်လၢ်လၢ အနၢ်ဟူတၢ်ဂ့ၢ်န့ၣ်အသးကလီၤကတုၤဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:15

စီၤၡမူၤအ့လးအိၣ်လၢလီၢ်မံခိၣ်တုၤလၢမုၢ်ဆ့ၣ်ဝါလီၤ. ဝံၤဒီးဂဲၤဆၢထၢၣ်ဝဲဒီးအိးထီၣ်ယွၤအဟံၣ်အတြဲၤတဖၣ်လီၤ. အဝဲပျံၤတၢ်လၢကတဲစီၤဧ့လံၤဘၣ်ဃးဒီးတၢ်ထံၣ်လၢညါခီအဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:21

ယွၤလီၣ်ဖျါထီၣ်ဒံးအသးဆူညါလၢဝ့ၢ်ၡံလိၤအပူၤတၢ်လီၢ်ဖဲ အလီၣ်ဖျါထီၣ်တ့ၢ်အသးဆူစီၤၡမူၤအ့လးဒီးကတိၤတ့ၢ်တၢ်ဒီး အီၤအလီၢ်န့ၣ်လီၤ. ဒီးဖဲစီၤၡမူၤအ့လးကတိၤတၢ်န့ၣ်အံၣ်စရ့လးဒီကီၢ် ဒိကနၣ်အီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:8

ယွၤကိးထီၣ်စီၤၡမူၤအ့လးသၢဘျီတဘျီလီၤ. အဝဲဂဲၤဆၢထၢၣ်ဒီးလဲၤဆူစီၤဧ့လံၤအအိၣ်ဒီးစံး, “နကိးယၤဒီးယအိၣ်ဖဲအံၤလီၤ.” တုၤနုၤတစု, စီၤဧ့လံၤသ့ၣ်ညါလီၤတံၢ်လၢပှၤကိးဖိသၣ်ပိာ်ခွါန့ၣ်မ့ၢ်ယွၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:9

မၤသးဒ်န့ၣ်ဒီးစီၤဧ့လံၤစံးဘၣ်အီၤ, “က့ၤမံတက့ၢ်. ဒီးအဝဲမ့ၢ်ကိးထီၣ်ကဒီးနၤန့ၣ်, စံး, ယွၤဧၢ, ကတိၤတၢ်တက့ၢ်. နခ့နပှၤဒိကနၣ်တၢ်လီၤ.” မၤသးဒ်န့ၣ်ဒီးစီၤၡမူၤအ့လးက့ၤမံဝဲလီၤ.