လံာ်စီၤၡမူၤအ့လးအခီၣ်ထံးတဘ့ၣ် 3:1 - Sgaw Karen Common Bible

¹ လၢမုၢ်နံၤတဖၣ်အပူၤ, ဖဲဖိသၣ်စီၤၡမူၤအ့လးမၤယွၤအတၢ်မၤ လၢစီၤဧ့လံၤအတၢ်နဲၣ်ကျဲအဖီလာ်အခါန့ၣ်, တၢ်ကစီၣ်ဟဲလၢယွၤစှၤဒိၣ်မးလီၤ. ဒီးတၢ်ထံၣ်လၢညါခီတဖၣ် လၢအဟဲလၢအအိၣ်န့ၣ်ကၤဒိၣ်မးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:1 Iomraidhean Croise

စံးထီၣ်ပတြၢၤ 74:9

ပတထံၣ်ဘၣ်ပတၢ်ပနီၣ်စီဆှံတဖၣ်လၢၤဘၣ်, ဝံတအိၣ်လၢၤနီတဂၤဘၣ်, ဒီးတၢ်အံၤကယံာ်ဆံးယံာ်လဲၣ်န့ၣ် ပှၤလၢပကျါတသ့ၣ်ညါနီတဂၤဘၣ်.

တၢ်ကတိၤဒိ. 29:18

တၢ်ထံၣ်လၢညါမ့ၢ်တအိၣ်နီတမံၤဘၣ်ဒီးပှၤဂီၢ်မုၢ်ဟးဂီၤဝဲ လီၤ. မ့မ့ၢ်ပှၤလၢအတိၢ်န့ၢ်ကစၢ်ယွၤအတၢ်သိၣ်တၢ်သီန့ၣ်, ဘၣ်ဆိၣ်ဂ့ၤဝဲလီၤ.

လံာ်ယၡါယၤ 13:12

ပှၤလၢအအိၣ်တ့ၢ်ဒံးတဖၣ်အနီၣ်ဂံၢ်ကစှၤဝဲဒီးကကၤ ဒိၣ်န့ၢ်ဒံးထူတက့ၢ်လီၤ.

လံာ်ယဃ့းစက့လး 7:26

တၢ်တတၢးတနါတမံၤကပိာ်ထွဲထီၣ်အဂၤတမံၤအခံ, ဒီးတၢ်သးအုးအကစီၣ်ကတုၤအိၣ်သုတထံၣ်ဃီလီၤ. သုကဃ့ကညးဝံတဖၣ်လၢကလီၣ်ဖျါန့ၢ်သုတၢ်လၢအဝဲသ့ၣ်ထံၣ် ဆိဝဲလီၤ. ပှၤလုၢ်တၢ်အခိၣ်တဖၣ်ကသိၣ်လိပှၤဂီၢ်မုၢ်အဂီၢ် တၢ်တအိၣ်ဒီးအီၤနီတမံၤဘၣ်, ဒီးပှၤသးပှၢ်တဖၣ်တမ့ၢ်ကအိၣ်ဒီးတၢ်ဟ့ၣ်ကူၣ်လၢကဟ့ၣ်ဝဲနီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:11

ဒီးစီၤအ့လကါနၤက့ၤကဒါက့ၤဆူအဟံၣ်လၢဝ့ၢ်ရၤမါလီၤ. မ့မ့ၢ်စီၤၡမူၤအ့လးအိၣ်တ့ၢ်ဝဲလၢဝ့ၢ်ၡံလိၤဒီးမၤယွၤ အတၢ်မၤလၢစီၤဧ့လံၤအဖီလာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:18

အကတီၢ်ဖဲန့ၣ်, ဖိသၣ်စီၤၡမူၤအ့လးမၤကစၢ်ယွၤအတၢ်မၤဆူညါ ဒီးသိးဃာ်ဝဲဆ့စီဆှံလၢတၢ်ကံးယာ်ထါအသးလၢလုၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:35

ယကဃုထၢထီၣ်ပှၤလုၢ်တၢ်အခိၣ်တဂၤလၢအသူၣ်ကတီသးကလိၤဒီးယၤ ဒီးမၤကယဲၢ်တၢ်ကိးမံၤလၢယအဲၣ်ဒိးအကမၤဝဲဒၣ်န့ၣ်လီၤ. ယကဟ့ၣ်အီၤလၢအစၢၤအသွဲၣ်တဖၣ်လၢအကမၤတၢ်လၢ စီၤပၤလၢယဃုထၢထီၣ်အီၤအမဲာ်ညါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:36

နစၢၤနသွဲၣ်တဂၤလၢ်လၢ်လၢအအိၣ်မူတ့ၢ်ဝဲန့ၣ်ကဘၣ်လဲၤဆူပှၤလုၢ် တၢ်အခိၣ်ဖဲန့ၣ်အအိၣ်ဒီးဃ့အီၤတိၢ်ဒီးတၢ်အီၣ်တၢ်အီ ဒီးဃ့ကညးအီၤလၢအကပျဲအမၤစၢၤ ပှၤလုၢ်တၢ်အခိၣ်တဖၣ်ဒ်သိးအကအီၣ်ဘၣ်တၢ်အီၣ်တမံၤမံၤအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:15

စီၤၡမူၤအ့လးအိၣ်လၢလီၢ်မံခိၣ်တုၤလၢမုၢ်ဆ့ၣ်ဝါလီၤ. ဝံၤဒီးဂဲၤဆၢထၢၣ်ဝဲဒီးအိးထီၣ်ယွၤအဟံၣ်အတြဲၤတဖၣ်လီၤ. အဝဲပျံၤတၢ်လၢကတဲစီၤဧ့လံၤဘၣ်ဃးဒီးတၢ်ထံၣ်လၢညါခီအဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:21

ယွၤလီၣ်ဖျါထီၣ်ဒံးအသးဆူညါလၢဝ့ၢ်ၡံလိၤအပူၤတၢ်လီၢ်ဖဲ အလီၣ်ဖျါထီၣ်တ့ၢ်အသးဆူစီၤၡမူၤအ့လးဒီးကတိၤတ့ၢ်တၢ်ဒီး အီၤအလီၢ်န့ၣ်လီၤ. ဒီးဖဲစီၤၡမူၤအ့လးကတိၤတၢ်န့ၣ်အံၣ်စရ့လးဒီကီၢ် ဒိကနၣ်အီၤလီၤ.