လံာ်စီၤၡမူၤအ့လးအခီၣ်ထံးတဘ့ၣ် 29:1 - Sgaw Karen Common Bible

¹ ပှၤဖလ့ၡသးဖိတဖၣ်ဟဲပာ်ဖှိၣ်ထီၣ်အသုးမုၢ်သံၣ်ဘိခဲလၢာ်ဖဲ ဝ့ၢ်အဖ့းဖဲပှၤအံၣ်စရ့လးဖိတဖၣ်သူၣ်အဒဲဖဲတၢ်တြီၤယံးစရ့ လးအထံထီၣ်ပၢၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:9

ဖဲန့ၣ်စီၤအဘံန့ၢ်ဒုးကဲထီၣ်စီၤအံၤၡဘိၡ့းလၢစီၤပၤလၢ လီၢ်ကဝီၤတဖၣ်လၢအမ့ၢ်ကံးလဧး, အၤၡူၢ်, ယံးစရ့လး, အ့ဖရဲၣ်, ဒီးဘံၣ်ယၤမံၣ်အဖီခိၣ်ဒီးလၢအံၣ်စရ့လးခဲလၢာ် အဖီခိၣ်နီၢ်နီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:17

ပှၤဖလ့ၡသးဖိတဖၣ်ဘၣ်တၢ်တဲဘၣ်အီၤလၢစီၤဒၤဝံး ဘၣ်တၢ်ဒုးကဲထီၣ်အီၤလၢကီၢ်အံၣ်စရ့လးအစီၤပၤအဃိ, အဝဲသ့ၣ်အသုးမုၢ် ဟးထီၣ်ဒ်သိးကဟဲဃုဖီၣ်စီၤဒၤဝံးအဂီၢ်န့ၣ်လီၤ. ဖဲစီၤဒၤဝံးနၢ်ဟူဘၣ်တၢ်ဂ့ၢ်အံၤန့ၣ်, အဝဲလဲၤဆူတၢ်လီၢ်တပူၤဖဲတၢ်မၤခၢၣ်သနၢၣ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:30

ပှၤအိၣ်မူလီၤတဲာ်ဒံးတဖၣ်ဃ့ၢ်ပူၤဖျဲးဝဲဆူဝ့ၢ်အဖ့းအပူၤ ဒီးဖဲန့ၣ်ဝ့ၢ်ခိၣ်ဒူတဖၣ်လီၤပှီၢ်ဝဲလၢပှၤခံကလးနွံကထိဂၤ အလိၤန့ၣ်လီၤ. စီၤဘ့ၣ်ဟဒးစ့ၢ်ကီးဃ့ၢ်ပူၤဖျဲးဝဲဆူဝ့ၢ်ပူၤဒီးလဲၤအိၣ် သဒၢအသးဖဲဟံၣ်တဟံၣ်အဒၢးလၢတၢ်သးကံၢ်ပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 21:1

လၢစီၤပၤအၤဃာ်အနီလၢဝ့ၢ်ယံးစရ့လးအကပၤန့ၣ်စီၤနၤဘိး အစပံးလီၢ်အိၣ်ဝဲဒၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:23

ဒီးဖဲအဘၣ်ထွဲဒီးနီၢ်အံၤစ့ဘ့ၤလးန့ၣ်, ယွၤစံးဝဲဒၣ်လၢထွံၣ်တဖၣ်ကအီၣ်ကွံာ်အစိၣ်လၢဝ့ၢ်ယံးစရ့လး အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:30

စီၤယ့ၤဟူလဲၤတုၤဝဲဆူဝ့ၢ်ယံးစရ့လးန့ၣ်လီၤ. နီၢ်အံၤစ့ဘ့ၤလးနၢ်ဟူဘၣ်တၢ်မၤတ့ၢ်လံအသးန့ၣ်အဃိ, တိၤဃံလၤထီၣ်အမဲာ်ဖံး, ကတဲာ်ကတီၤအခိၣ်သူဒီးဆၢထၢၣ်ကွၢ်လီၤ တၢ်လၢနူၢ်ဧိၤစီၤဧိၤအပဲတြီဖိတဘ့ၣ်အပူၤဆူကျဲမုၢ်ခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 9:36

ဖဲအဝဲသ့ၣ်က့ၤပာ်ဖျါထီၣ်တၢ်ဂ့ၢ်အံၤဆူစီၤယ့ၤဟူအအိၣ်န့ၣ်, အဝဲစံးဝဲ, “တၢ်အံၤမ့ၢ်တၢ်လၢယွၤစံးတ့ၢ်လၢကမၤအသးဖဲ အဝဲကတိၤတ့ၢ်တၢ်ခီဖျိအခ့အပှၤစီၤအ့ၤလံယၤ, လၢထွံၣ်တဖၣ်ကအီၣ်နီၢ်အံၤစ့ဘ့ၤလးအညၣ်လၢယံးစရ့လးအလီၢ် ကဝီၤပူၤန့ၣ်လီၤ.

စံးထီၣ်ပတြၢၤ 83:7

ကံးဘလး, ဧၣ်မိၣ်, ဒီးဧမၤလ့းအပှၤဂီၢ်မုၢ်, ပှၤဖလ့ၡသးဖိဒီးပှၤစိၢ်ဖိ,

လံာ်စီၤယိၤၡူ 17:16

အဝဲသ့ၣ်စံးဆၢဝဲ, “ကစၢၢ်ကလိအကီၢ်အံၤတလၢလၢပဂီၢ်ဘၣ်. ဘၣ်ဆၣ်ဒီးပှၤကနၤဧၣ်ဖိလၢပျီတဖၣ်န့ၣ်အိၣ်ဒီးလ့ၣ်ကဟၣ်ထးဒီးဒ်န့ၣ်အသိး, ပှၤလၢအအိၣ်လၢဝ့ၢ်ဘ့ၤသၡၣ်ဒီးဝ့ၢ်ဖိဝးတရံးအီၤတဖၣ်ဒီးပှၤ လၢအအိၣ်လၢဝ့ၢ်ယံးစရ့လးအကစၢၢ်ကဆူးတဖၣ်န့ၣ်အိၣ်စ့ၢ်ကီးဒီး လ့ၣ်ကဟၣ်ထးလီၤ.”

လံာ်စီၤယိၤၡူ 19:18

ဒီးအကီၢ်န့ၣ်ပၣ်ဃုာ်ဒီးယံးစရ့လး, ယံးစူးလိး, ၡူန့ၣ်,

လံာ်စီၤယိၤၡူ 19:30

ဧူးမၤ, အဖ့း, ရဃိာ်, ဝ့ၢ်ခဲလၢာ်မ့ၢ်ဝဲခံဆံခံဖျၢၣ်ဃုာ် ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:33

ဒီးကယဲၢ်ပှၤမံးဒယၣ်ဖိခဲလၢာ်, ပှၤဧမၤလ့းဖိဒီးပှၤအဒူၣ်တဖၣ်လၢမဲးမုၢ်ခိၣ်ပာ်ဖှိၣ်ထီၣ်အသး, ဒီးခီဂာ်ထံကျိယၢ်ဒ့ၣ်ဒီးသူၣ်လီၤအဒဲဖဲ ယံးစရ့လးအတၢ်ပျီပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 7:1

ဘၣ်တနံၤ, စီၤကံးဒဧိၣ်ဒီးအပှၤတဖၣ်ဆၢထၢၣ်ဂီၤဂီၤဒီး သူၣ်ထီၣ်အဒဲဖဲထံထီၣ်ပၢၢ်ဃရိးအကပၤန့ၣ်လီၤ. ပှၤမံးဒယၣ်ဖိအဒဲတခီ အိၣ်လၢအကလံၤစိးတကပၤ ဖဲတၢ်လူၢ်မိၤရံအခီၣ်ထံးတၢ်ပျီပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:25

အဝဲပာ်လီၤတၢ်အီၣ်တၢ်အီလၢစီၤစီလူးဒီးအသုးခိၣ်သုးနၢ် တဖၣ်အမဲာ်ညါဒီးအဝဲသ့ၣ်အီၣ်ဝဲလီၤ. ဒီးလၢတနၤဃီအပူၤန့ၣ်အဝဲသ့ၣ်ဟးထီၣ်ကွံာ်ဝဲဒၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:4

ပှၤဖလ့ၡသးဖိအသုးမုၢ်တဖၣ်ပာ်ဖှိၣ်ထီၣ်အသးဒီးသူၣ်လီၤအဒဲ ဖဲအဘူးဒီးဝ့ၢ်ၡူန့ၣ်လီၤ. စီၤစီလူးပာ်ဖှိၣ်ပှၤအံၣ်စရ့လးဖိတဖၣ်ဒီးသူၣ်လီၤအဒဲဖဲ ကစၢၢ်ကံးလဘိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:1

အကတီၢ်ဝဲန့ၣ်ပှၤဖလ့ၡသးဖိတဖၣ်ပာ်ဖှိၣ်ထီၣ်အသးလၢကဒုးတၢ် ထီဒါကီၢ်အံၣ်စရ့လးန့ၣ်လီၤ. မၤသးဒ်န့ၣ်ဒီး, ပှၤအံၣ်စရ့လးဖိတဖၣ်ကျဲၤအသးလၢကဒုးအဝဲသ့ၣ်န့ၣ်လီၤ. ပှၤအံၣ်စရ့လးဖိတဖၣ်သူၣ်ထီၣ်အဒဲဖဲဝ့ၢ်အ့ဘ့ၣ်န့စၢ်ဒီးပှၤ ဖလ့ၡသးဖိတဖၣ်သူၣ်ထီၣ်အဒဲဖဲဝ့ၢ်အဖ့းအပူၤလီၤ.