လံာ်စီၤၡမူၤအ့လးအခီၣ်ထံးတဘ့ၣ် 28:9 - Sgaw Karen Common Bible

⁹ ပိာ်မုၣ်န့ၣ်စံးဆၢအီၤ, “နသ့ၣ်ညါသပှၢ်တၢၢ်လၢစီၤစီလူးမၤတၢ်မနုၤမနုၤန့ၣ်လီၤ. အဝဲမၢဆူၣ်ပှၤဖးတၢ်ဟဲဝံဟဲစိာ်တဖၣ်ဒီးပှၤကိးတၢ်အကလၤတဖၣ် လၢအကဟးထီၣ်ကွံာ်လၢကီၢ်အံၣ်စရ့လးအပူၤလီၤ. အန့ၣ်သတးဒီး, နဂဲၤလိာ်ပာ်ပျံၤသကွီၤလၢယဂီၢ်ဒီးလၢတၢ်ကမၤသံယၤအဂီၢ်န့ၣ်ဘၣ်မနုၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 28:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:13

ဘၣ်ဆၣ်ဒီးယမ့ၢ်တစူၢ်ဘၣ်စီၤပၤအကလုၢ်ဒီးမၤသံကွံာ်စီၤအးဘၡါလိၣ်န့ၣ်, စီၤပၤကနၢ်ဟူဘၣ်တၢ်ဂ့ၢ်န့ၣ်, ဒီးတမ့ၢ်နကဒီဒၣ်အိၣ်ပှိၤယၤဘၣ်. အဂ့ၢ်ဒ်အံၤ, အဝဲညီနူၢ်နၢ်ဟူတၢ်ကိးမံၤဒဲးန့ၣ်လီၤ.”

လံာ်စီၤပၤခံဘ့ၣ်တဘ့ၣ် 5:7

တုၤကီၢ်အံၣ်စရ့လးအစီၤပၤဖးလံာ်ပရၢအံၤဝံၤန့ၣ်အဝဲဖှီယာ် အကူအသိးတဖၣ်လၢတၢ်ကမၢကမၣ်အပူၤဒီးစံးဝဲဒၣ်, “ကီၢ်စူၤရံအစီၤပၤဆၢဝဲလၢယကမၤဘျါက့ၤပှၤတဂၤအံၤကသ့ ဝဲဒ်လဲၣ်. မ့ၢ်အဝဲဆိကမိၣ်ဝဲလၢယမ့ၢ်ကစၢ်ယွၤ, လၢအအိၣ်ဒီးတၢ်မူဒီးတၢ်သံအတၢ်စိတၢ်ကမီၤန့ၣ်ဧါ. တၢ်အံၤမ့ၢ်တၢ်လၢအဖျါဝဲလၢအဝဲစးထီၣ်ဃုတၢ်အ့ၣ်လိာ်အသးဒီး ယၤန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 19:31

လဲၤဆူပှၤမၤန့ၢ်ပှၤသံအကလၤအအိၣ်ဒီးဟံးန့ၢ်အတၢ်ကူၣ်လိာ်တဂ့ၤ. နမ့ၢ်မၤဒ်န့ၣ်ဒီးနကကဲထီၣ်တၢ်တကဆှီဘၣ်န့ၣ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:10

တုၤနုၤတစုစီၤစီလူးမၤတၢ်ဆိၣ်စီဆှံတခါစံးဝဲ, “ယအၢၣ်လီၤခီဖျိယွၤလၢအမူဝဲတဂၤအမံၤ, လၢနမၤတၢ်အံၤအဃိဒီးနတဘၣ်တၢ်စံၣ်ညီၣ်နၤဘၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:3

ခဲအံၤ, စီၤၡမူၤအ့လးသံဝဲလံ. ဒီးကယဲၢ်ပှၤအံၣ်စရ့လးဖိ ခဲလၢာ်ဟီၣ်တၢ်ယၢၤတၢ်လၢအဂီၢ်ဒီးခူၣ်လီၤကွံာ်အီၤလၢအဟံၣ် အိၣ်အလီၢ်လၢဝ့ၢ်ရၤမါအပူၤလီၤ. စီၤစီလူးမၢဆူၣ်ပှၤဖးတၢ်ဟဲဝံဟဲစိာ်ဒီးပှၤကိးတၢ်အကလၤတဖၣ် လၢကဟးထီၣ်ကွံာ်လၢကီၢ်အံၣ်စရ့လးအပူၤလီၤ.