လံာ်စီၤၡမူၤအ့လးအခီၣ်ထံးတဘ့ၣ် 28:7 - Sgaw Karen Common Bible

⁷ အန့ၣ်ဒီးစီၤစီလူးဟ့ၣ်လီၤအကလုၢ်ဆူအသုးခိၣ်သုးနၢ်တဖၣ် အအိၣ်ဒီးစံးဝဲ, “ဃုန့ၢ်ယၤပှၤပိာ်မုၣ်တဂၤလၢအကိးပှၤအကလၤဒီးယကလဲၤဒီးသံကွၢ်တၢ်ဒီးအီၤန့ၣ်လီၤ.” အဝဲသ့ၣ်စံးဘၣ်အီၤ, “အိၣ်လၢဝ့ၢ်ဧ့ၣ်ဒိၢ်အပူၤတဂၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:7 Iomraidhean Croise

လံာ်စီၤပၤခံဘ့ၣ်တဘ့ၣ် 6:33

တချုးလၢအဝဲစံးတၢ်အံၤဝံၤဒၣ်လဲာ်န့ၣ်, စီၤပၤအပှၤစိာ်တၢ် ကစီၣ်ဟဲတုၤဝဲလီၤ. စီၤပၤဟဲတုၤစ့ၢ်ကီးဒီးစံးဝဲ, “တၢ်ကီတၢ်ခဲလၢအလီၤဘၣ်လၢပလိၤအံၤမ့ၢ်ယွၤဟဲစိာ်အီၤန့ၣ်လီၤ. ဘၣ်မနုၤအဃိယကြၢးခိးဒံးအီၤလၢအဝဲကမၤတၢ်တမံၤမံၤအဂီၢ်လဲၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 10:13

စီၤစီလူးသံဝဲ, မ့ၢ်လၢတတီဒီးယွၤအဃိန့ၣ်လီၤ. အဝဲတဒိကနၣ်, ယွၤအတၢ်မၤလိာ်တဖၣ်ဘၣ်. အဝဲကျဲးစၢးတ့ၢ်ဒ်သိးကမၤန့ၢ်တၢ်နဲၣ်ကျဲတဖၣ်ခီဖျိဃ့တၢ် ဟ့ၣ်ကူၣ်လၢပှၤသံအကလၤတဖၣ်အအိၣ်, လၢကဃ့ဝဲလၢယွၤအအိၣ်အလီၢ်န့ၣ်လီၤ.

စံးထီၣ်ပတြၢၤ 83:10

နမၤနၢၤကွံာ်အဝဲသ့ၣ်လၢဧံၤဒိၣ် ဒီးအခိၣ်တဖၣ်အုၣ်ကွံာ်လၢ ဟီၣ်ခိၣ်လိၤလီၤ.

လံာ်ယၡါယၤ 19:3

ယကတြီတံာ်တာ်ပှၤအဲၤကူပတူးဖိအတၢ်ကူၣ်ကျဲၤတဖၣ်ဒီး မၤဟးဂီၤအဝဲသ့ၣ်အသးန့ၣ်လီၤ. အဝဲသ့ၣ်ကဃ့အတၢ်ဂီၤတၢ် ဖီၣ်တဖၣ်လၢတၢ်မၤစၢၤအီၤအဂီၢ်, ကလဲၤဃ့တၢ်ဟ့ၣ်ကူၣ်လၢ ပှၤကွဲပှၤသံအကလၤတဖၣ်, ဒီးသံကွၢ်ပှၤသံအကလၤတဖၣ်လၢ တၢ်ဟ့ၣ်ကူၣ်ဟ့ၣ်ဖးအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 19:31

လဲၤဆူပှၤမၤန့ၢ်ပှၤသံအကလၤအအိၣ်ဒီးဟံးန့ၢ်အတၢ်ကူၣ်လိာ်တဂ့ၤ. နမ့ၢ်မၤဒ်န့ၣ်ဒီးနကကဲထီၣ်တၢ်တကဆှီဘၣ်န့ၣ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်ဃဘးကူာ် 2:3

ကွဲးလီၤတၢ်အံၤတက့ၢ်. အဂ့ၢ်ဒ်အံၤ, အဆၢကတီၢ်တဘၣ်ဒံးလၢကလၢ ထီၣ်ပှဲၤထီၣ်အဂီၢ်ဘၣ်. ဘၣ်ဆၣ်ဒီးတၢ်ဆၢကတီၢ်ဟဲဝဲချ့သဒံးဒီးတၢ်လၢယဒုးနဲၣ်နၤ ကလၢထီၣ်ပှဲၤထီၣ်လီၤ. အတၢ်ဟဲကအိၣ်ဖျါဃၢဝဲဘၣ်ဆၣ် အိၣ်ခိးအီၤတက့ၢ်. တၢ်အံၤကမၤအသးသပှၢ်ကတၢၢ်ဒီး တသုးနံၤသုးသီဘၣ်.”

မၤတၢ် 16:16

ဘၣ်တနံၤဖဲပလဲၤဃီၤပဝဲဆူတၢ်ထုကဖၣ်အလီၢ်န့ၣ်, ပဘၣ်တၢ်သဂၢၢ်ပှၤလၢကုၢ်ပိာ်မုၣ်သးစၢ်တဂၤလၢအအိၣ်ဒီးတၢ်နါ လၢအဒုးဖးအီၤတၢ်လၢအကမၤအသးလၢခံတဖၣ်န့ၣ်လီၤ. ခီဖျိအဝဲဒၣ်ဖးတၢ်အဃိန့ၣ်, မၤန့ၢ်စ့အါအါဂီၢ်ဂီၢ်လၢအကစၢ် တဖၣ်အဂီၢ်လီၤ.

လံာ်သိၣ်လီၤသီလီၤတၢ် 18:11

လၣ်တၢၢ်လၣ်ဖွဲတဖၣ်မ့ၢ်ဂ့ၤ, ဒီးပျဲအဝဲသ့ၣ်သံကွၢ်သံဒိးတၢ် လၢပှၤသံကလၤတဖၣ်န့ၣ်တဂ့ၤ.

လံာ်စီၤယိၤၡူ 17:11

လၢယံးစၣ်ကၢ်ဒီးအၤၡ့ၢ်အကီၢ်တဖၣ်အပူၤန့ၣ်, မနၤၡ့ၤအိၣ်ဒီးဝ့ၢ်ဘ့ၤသၡၣ်ဒီးဝ့ၢ်ယံးဘျၣ်ဃုာ်ဒီးဝ့ၢ်ဖိတဖၣ် လၢအအိၣ်ဝးတရံးအီၤ, ဃုာ်ဒီးဝ့ၢ်ဒိၢ်, (လၢပီၣ်လဲၣ်ကၢၢ်ခိၣ်) ဝ့ၢ်ဧ့ၣ်ဒိၢ်, ဝ့ၢ်တၤနး, ဝ့ၢ်မကံးဒိၤဒီးဝ့ၢ်ဖိတဖၣ်လၢအအိၣ်ဝးတရံးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:3

ခဲအံၤ, စီၤၡမူၤအ့လးသံဝဲလံ. ဒီးကယဲၢ်ပှၤအံၣ်စရ့လးဖိ ခဲလၢာ်ဟီၣ်တၢ်ယၢၤတၢ်လၢအဂီၢ်ဒီးခူၣ်လီၤကွံာ်အီၤလၢအဟံၣ် အိၣ်အလီၢ်လၢဝ့ၢ်ရၤမါအပူၤလီၤ. စီၤစီလူးမၢဆူၣ်ပှၤဖးတၢ်ဟဲဝံဟဲစိာ်ဒီးပှၤကိးတၢ်အကလၤတဖၣ် လၢကဟးထီၣ်ကွံာ်လၢကီၢ်အံၣ်စရ့လးအပူၤလီၤ.