လံာ်စီၤၡမူၤအ့လးအခီၣ်ထံးတဘ့ၣ် 28:23 - Sgaw Karen Common Bible

²³ စီၤစီလူးဂ့ၢ်လိာ်ဝဲဒီးစံးလၢအဝဲတအီၣ်တၢ်နီတမံၤဘၣ်. ဘၣ်ဆၣ်ဒီးအသုးခိၣ်သုးနၢ်တဖၣ်မၢဆူၣ်အီၤဒ်သိးကအီၣ်တၢ်အဂီၢ်လီၤ. လၢခံကတၢၢ်န့ၣ်အဝဲတူၢ်လိာ်ဝဲဒီးဂဲၤဆၢထၢၣ်လၢဟီၣ်ခိၣ်ဒီး ဆ့ၣ်နီၤလၢလီၢ်မံခးအလိၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:23 Iomraidhean Croise

လံာ်စီၤပၤအခီၣ်ထံးတဘ့ၣ် 21:4

စီၤအၤဃာ်က့ၤကဒါက့ၤဆူဟံၣ်လၢတၢ်သူၣ်လီၤဘှံးသးလီၤတီၤ, ဒီးတၢ်သူၣ်ဒိၣ်သးဖျိးအပူၤလၢတၢ်လၢစီၤနၤဘိးစံးဘၣ်တ့ၢ် အီၤအဃိန့ၣ်လီၤ. အဝဲမံလီၤလၢအလီၢ်မံခိၣ်, ဃၣ်အမဲာ်ဆူတၢ်အဒူၣ်ဒီးတအီၣ်ဘၣ်တၢ်ဘၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 4:8

ဘၣ်မုၢ်တနံၤ, စီၤအလံၤၡါလဲၤဝဲဒၣ်ဆူဝ့ၢ်ၡူန့ၣ်, ဖဲပိာ်မုၣ်ထူးတီၤတဂၤအိၣ်ဆိးဝဲန့ၣ်လီၤ. ပိာ်မုၣ်န့ၣ်ကွဲဃီၤအီၤဆူတၢ်အီၣ်တဘျီ, ဒီးစးထီၣ်ဖဲန့ၣ်, ဖဲအလဲၤဝဲဆူဝ့ၢ်ၡူန့ၣ်ကိးဘျီဒဲးန့ၣ်, အဝဲကအီၣ်တၢ်ဖဲပိာ်မုၣ်န့ၣ်အဟံၣ်လီၤ.

လံာ်စီၤပၤခံဘ့ၣ်တဘ့ၣ် 5:13

အခ့အပှၤတဖၣ်လဲၤဆူအအိၣ်ဒီးစံးဘၣ်အီၤ, “တၢ်ဒိၣ်ဧၢ, ဝံမ့ၢ်တဲဘၣ်နၤလၢနကဘၣ်မၤတၢ်အကီအခဲတမံၤမံၤန့ၣ်နကမၤနဲလီၤ. ခဲကနံၣ်အံၤဒ်အဝဲစံးတ့ၢ်အသိး, ထဲနကလဲၤလုၣ်ထံလၢနနီၢ်ကစၢ် ဒၣ်နဲဒီးဘၣ်တၢ်မၤဘျါက့ၤနၤန့ၣ်, ဘၣ်မနုၤနမၤတကဲန့ၣ်လဲၣ်.”

လံာ်နီၢ်အ့ၤစတၢ် 1:6

စီၤပၤအတၤသၣ်လီၢ်အဂၢၤန့ၣ်ဘၣ်တၢ်ကယၢကယဲအီၤဒီးယၣ်ဘျးသဒၢ လၢအလါအဲးဒီးအဝါတဖၣ်လၢတၢ်စၢဃာ်အီၤဒီးပျံၤဂီၤလုးတ ကုာ်, ဒီးဘျးလီၤအီၤလၢကွီၤစ့လၢအအိၣ်လၢထူၣ်လၢၢ်ဝါ, အလိၤန့ၣ်လီၤ. လီၢ်မံခးထူဒီးစ့တဖၣ်ဘၣ်တၢ်ပာ်အီၤလၢဂၢၤလၢ အဘၣ်တၢ်ဒါလီၤအီၤဒီးလၢၢ်ဘဟး, လၢၢ်ဝါ, လၢၢ်ဒၢ်ဒီးလၢၢ်သူတဖၣ်အပူၤန့ၣ်လီၤ.

တၢ်ကတိၤဒိ. 25:20

တၢ်သးဝံၣ်န့ၢ်တၢ်လၢပှၤအသးလီၤစၢ်လီၤဘှါတဂၤအဂီၢ်န့ၣ်, လီၤဂာ်ဒ်တၢ်ဘ့ၣ်ကွံာ်အကူအသိးတဖၣ်လၢတၢ်ဂိၢ်အမုၢ်တနံၤ, မ့တမ့ၢ်, တၢ်လံာ်လူာ်အံသၣ်လၢတၢ်ပူၤလီၢ်တပူၤအသိးန့ၣ်လီၤ.

လံာ်ယဃ့းစက့လး 23:41

အဝဲသ့ၣ်ကဆ့ၣ်နီၤလၢလီၢ်ဆ့ၣ်နီၤဃံလၤတဖျၢၣ်အလိၤဒီးလၢအဝဲ သ့ၣ်အမဲာ်ညါန့ၣ်, ကအိၣ်ဒီးစီၤနီၤခိၣ်တဖျၢၣ်လၢအပှဲၤဝဲဒီးတၢ်အဂ့ၤ တဖၣ်လၢအအိၣ်ဃုာ်ဒီးတၢ်နၢမူဒီးသ့ၣ်စၤယံးအသိလၢယဟ့ၣ်တ့ၢ် အဝဲသ့ၣ်န့ၣ်လီၤ.

လံာ်လူၤကၣ် 14:23

လၢတၢ်န့ၣ်အဃိကစၢ်စံးဘၣ်အတၢ်ခ့တၢ်ပှၤ, ‘လဲၤဆူဒူသဝီကျဲမုၢ်ဒီးကျဲဖိတဖၣ်, ဒီးမၢပှၤဟဲဒ်သိးယဟံၣ်ကပှဲၤအဂီၢ်န့ၣ်တက့ၢ်.

လံာ်လူၤကၣ် 24:29

ဘၣ်ဆၣ်, အဝဲသ့ၣ်တြီအီၤဒီးစံးဝဲ, “အိၣ်ဒီးပှၤတက့ၢ်. ဘူးတ့ၢ်လံလၢမုၢ်ကဟါဝဲဒီးတၢ်ခံးလီၤဝဲလံ. လၢတၢ်န့ၣ်အဃိအဝဲဒၣ်လဲၤနုာ်အိၣ်ဒီးအဝဲသ့ၣ်လီၤ.

မၤတၢ် 16:15

အဝဲဒၣ်ဒီးအပှၤဟံၣ်ဖိဃီဖိတဖၣ်ဘၣ်တၢ်ဘျၢအီၤလၢထံလီၤ. အန့ၣ်ဝံၤအလီၢ်ခံအဝဲဒၣ်ကွဲပှၤဒီးစံးဝဲ, “သုမ့ၢ်ပာ်ယၤလၢယမ့ၢ်ပှၤစူၢ်က့ၤနာ်က့ၤကစၢ်နီၢ်နီၢ်န့ၣ်, ဟဲအိၣ်လၢယဟံၣ်တက့ၢ်.” ဒီးအဝဲဒၣ်ကိးပှၤသပှၢ်ပှၢ်တုၤ ပလဲၤတစုလီၤ.

၂ ကရံၣ်သူး 5:14

ပဘၣ်တၢ်ပၢၤဃာ်ပှၤလၢခရံာ်အတၢ်အဲၣ်န့ၣ်လီၤ. အဂ့ၢ်မ့ၢ်လၢ, ခဲကနံၣ်အံၤ, ပပာ်သူၣ်ပာ်သးလၢပှၤတဂၤသံလၢပှၤခဲလၢာ် အဂီၢ်, အခီပညီမ့ၢ်ဝဲ, ပှၤကိးဂၤဒဲးသံဃုာ်ဒီးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:22

ခဲအံၤဝံသးစူၤမၤဒ်ယဃ့ကညးနၤအသိးတက့ၢ်. ပျဲယကတဲာ်ကတီၤတၢ်အီၣ်တနီၤလၢနဂီၢ်တက့ၢ်. နဘၣ်အီၣ်တၢ်ဒ်သိးနဂံၢ်နဘါကအိၣ်လၢတၢ်လဲၤတၢ်က့ၤအဂီၢ်လီၤ.”