လံာ်စီၤၡမူၤအ့လးအခီၣ်ထံးတဘ့ၣ် 28:16 - Sgaw Karen Common Bible

¹⁶ စီၤၡမူၤအ့လးစံးဝဲဒၣ်, “တုၤကစၢ်ယွၤကဲထီၣ်နဒုၣ်နဒါဒီး တကနၣ်ဃုာ်နၤန့ၣ်ဘၣ်မနုၤနကိးယၤလဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 28:16 Iomraidhean Croise

လံာ်စီၤပၤခံဘ့ၣ်တဘ့ၣ် 6:27

ကီၢ်အံၣ်စရ့လးအစီၤပၤစံးဆၢဝဲဒၣ်, “ယွၤမ့ၢ်, တမၤစၢၤနၤဘၣ်ဒီးယဟ့ၣ်မၤစၢၤနၤမနုၤကသ့န့ၣ်လဲၣ်. မ့ၢ်ယအိၣ်ဒီးဘုကၠူၣ်မ့ၢ်ဂ့ၤစပံးထံမ့ၢ်ဂ့ၤတမံၤမံၤန့ၣ် ဧါ.

လံာ်သးသယုၢ်တၢ် 2:4

ပညိၣ်ဃီၤတ့ၢ်ဝဲအပျၢ်တဖၣ်ဆူပအိၣ်ဒ်ဒုၣ်ဒါတဂၤအသိးလီၤ. မၤသံကွံာ်ဝဲကယဲၢ်ပှၤလၢအမ့ၢ်ပတၢ်သးခုဒီးပတၢ်သးမုာ်တဖၣ် န့ၣ်လီၤ. ဖဲအံၤလၢဝ့ၢ်ယရူၤၡလ့ၣ်အပူၤန့ၣ်ပကလၢၢ်ဘၣ်တ့ၢ်အသးဒိၣ်ကဲၤ ထီၣ်န့ၣ်လီၤ.

လံာ်သးသယုၢ်တၢ် 2:5

ယွၤ, ဒ်ဒုၣ်ဒါတဂၤအသိးန့ၣ်မၤဟးဂီၤတ့ၢ်အံၣ်စရ့လးလီၤ. ပာ်တ့ၢ်ကွံာ်ဝဲအတိာ်တဖၣ်ဒီးနူၢ်ဧိၤစီၤဧိၤတဖၣ်လၢတၢ်ဟးဂူာ် ဟးဂီၤအပူၤလီၤ. ဟဲစိာ်တ့ၢ်ဝဲတၢ်သးအုးလၢအကတၢၢ်တ အိၣ်ဘၣ်ဆူကီၢ်ယူဒၤအပှၤဂီၢ်မုၢ်အလိၤလီၤ.

လံာ်လီၣ်ဖျါ 18:20

သးခုလၢအဝဲဒၣ်အတၢ်ဟးဂီၤကွံာ်အဃိတက့ၢ်. မူခိၣ်ဧၢ, သးခုတက့ၢ်, ကစၢ်ယွၤအပှၤဂီၢ်မုၢ်ဒီးတၢ်မၢဖိဒီးဝံသ့ၣ်တဖၣ်ဧၢ, အဂ့ၢ်ဒ်အံၤ, ကစၢ်ယွၤစံၣ်ညီၣ်ဃၣ်လံအီၤလၢတၢ်လၢ အမၤတ့ၢ်သုန့ၣ်အဃိလံ.

လံာ်လီၣ်ဖျါ 18:24

ဝ့ၢ်ဘၤဘူၤလိၣ်ဘၣ်တၢ်စံၣ်ညီၣ်အီၤ, အဂ့ၢ်မ့ၢ်လၢဝံဒီးကစၢ်ယွၤအပှၤဂီၢ်မုၢ်တဖၣ်အသွံၣ်ဘၣ်တၢ်ထံၣ် န့ၢ်အီၤလၢဝ့ၢ်န့ၣ်အပူၤအဃိလီၤ. မ့ၢ်စဲဃဲၤလီၤ, မ့ၢ်ကယဲၢ်ပှၤလၢအဘၣ်တၢ်မၤသံတ့ၢ်အီၤလၢဟီၣ်ခိၣ်ချၢ တဖၣ်အသွံၣ်ဘၣ်တၢ်ထံၣ်န့ၢ်အီၤလၢဝ့ၢ်တဖျၢၣ်န့ၣ်အပူၤ အဃိလီၤ.

လံာ်ပှၤစံၣ်ညီၣ်ကွီၢ် 5:31

မ်နဒုၣ်နဒါခဲလၢာ်သံဝဲဒ်န့ၣ်အသိး, ယွၤဧၢ, ဘၣ်ဆၣ်ဒီးမ်နတံၤသကိးတဖၣ်ကပီၤထီၣ်ဒ်မုၢ်ဟဲထီၣ်အသိးတက့ၢ်. ဒီးတၢ်မုာ်တၢ်ခုၣ်အိၣ်ထီၣ်လၢကီၢ်ပူၤအနံၣ်လွံၢ်ဆံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:15

စီၤၡမူၤအ့လးစံးဘၣ်စီၤစီလူး, “ဘၣ်မနုၤနမၤတံာ်တာ်ယၤလဲၣ်. ဘၣ်မနုၤနမၢယဟဲက့ၤလဲၣ်.” စီၤစီလူးစံးဆၢဝဲဒၣ်, “ယအိၣ်လၢတၢ်ကီတၢ်ခဲဖးဒိၣ်အပူၤလီၤ. ပှၤဖလ့ၡသးဖိတဖၣ်ဒုးတၢ်ဒီးယၤလီၤ. ဒီးကစၢ်ယွၤတကနၣ်ဃုာ်ယၤဘၣ်. အဝဲတစံးဆၢယၤခီဖျိ ဝံမ့ၢ်ဂ့ၤ, တၢ်မံမီၢ်မ့ၢ်ဂ့ၤနီတစဲးလၢၤဘၣ်. လၢတၢ်န့ၣ်အဃိ ယကိးနၤလၢနကတဲဘၣ်ယၤ, လၢကဘၣ်မၤမနုၤလဲၣ်အဂ့ၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:17

ယွၤမၤဘၣ်တ့ၢ်နၤဒ်အစံးတ့ၢ်ဝဲခီဖျိယၤအသိးန့ၣ်လီၤ. အဝဲဟံးထီၣ်ကွံာ်ဘီမုၢ်လၢနစုပူၤဒီးလၢနလီၢ်န့ၣ်ဟ့ၣ်လီၤ ဝဲဆူစီၤဒၤဝံးအအိၣ်လၢနလီၢ်လံ.