လံာ်စီၤၡမူၤအ့လးအခီၣ်ထံးတဘ့ၣ် 28:14 - Sgaw Karen Common Bible

¹⁴ စီၤစီလူးသံကွၢ်ဝဲ “တၢ်န့ၣ်လီၤဂာ်ဒီးမနုၤလဲၣ်.” ဒီးပိာ်မုၣ်န့ၣ်စံးဆၢဝဲ, “တၢ်န့ၣ်မ့ၢ်ပှၤပိာ်ခွါသးပှၢ် တဂၤဟဲထီၣ်ဝဲလီၤ. အဝဲသိးဃာ်ဆ့ကၤဖးထီတဘ့ၣ်လီၤ.” တုၤနုၤတစု, စီၤစီလူးသ့ၣ်ညါဝဲလၢအမ့ၢ်စီၤၡမူၤအ့လး ဒီးတီၤလီၤဝဲဒၣ်ဆူဟီၣ်ခိၣ်လိၤလၢတၢ်ယူးယီၣ်ပာ်ကဲအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:14 Iomraidhean Croise

လံာ်စီၤပၤအခီၣ်ထံးတဘ့ၣ် 19:19

စီၤအ့ၤလံယၤဟးထီၣ်ဝဲဒီးထံၣ်ဘၣ်စီၤအလံၤၡါထဲၣ်တၢ်ဒီး ဂီၤဖံးဖါတဖုလီၤ. လၢအဝဲအမဲာ်ညါန့ၣ်ဂီၤဖံးဖါအိၣ်ဝဲတဆံတဆိ ဒီးအဝဲနီၣ်ဂီၤဖံးဖါလၢခံကတၢၢ်တဆိန့ၣ်လီၤ. စီၤအ့ၤလံယၤဘ့ၣ်လီၤကွံာ်အဆ့ကၤဖးထီဒီးပာ်ထီၣ်ဝဲလၢစီၤ အလံၤၡါအလိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 1:7

စီၤပၤသံကွၢ်ဝဲဒၣ်, “ပှၤတဂၤန့ၣ်ဒိၣ်တၢ်မၤအသးဒ်လဲၣ်.”

လံာ်စီၤပၤခံဘ့ၣ်တဘ့ၣ် 2:8

အန့ၣ်ဒီး, စီၤအ့ၤလံယၤဘ့ၣ်လီၤအဆ့ကၤဖးဒိၣ်ဒီးထူထီၣ်ဝဲ ဒီးတီၢ်ထံလၢဆ့ကၤန့ၣ်, ဒီးထံသ့ၣ်ဖးကွံာ်ဝဲနီၤဖးကွံာ်အသးခံခီဒီးအဝဲဒီးစီၤ အလံၤၡါခီဂာ်ဝဲဆူထံကျိအဝၢ်ဘးခီလၢခိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:27

တုၤနုၤတစု, စီၤၡမူၤအ့လးဃၣ်အသးဒ်သိးကဟးထီၣ်ဝဲလီၤ. ဘၣ်ဆၣ်ဒီးစီၤစီလူးဟံးဃာ်အီၤလၢအဆ့ကၤဖးဒိၣ်ဒီးဆ့ကၤ န့ၣ်ယာ်ပြဲးဘၣ်အသးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:8

အန့ၣ်ဝံၤဒီးစီၤဒၤဝံးဟးထီၣ်လၢအလီၢ်ဒီးကိးအီၤလီၤ, “နဲဒၣ်စီၤပၤဖးဒိၣ်ဧၢ” ဒီးစီၤစီလူးဃၣ်တရံးအသးဒီး စီၤဒၤဝံးတီၤလီၤဆူဟီၣ်ခိၣ်လိၤအိၣ်ဒီးတၢ်ယူးယီၣ်,

လံာ်စီၤၡမူၤအ့လးအခီၣ်ထံးတဘ့ၣ် 28:13

စီၤစီလူးစံးဘၣ်ပိာ်မုၣ်န့ၣ်, “ပျံၤတၢ်တဂ့ၤ. နထံၣ်တၢ်မနုၤလဲၣ်.” ပိာ်မုၣ်စံးဆၢဝဲ, “ယထံၣ်ဘၣ်ပှၤအကလၤတဂၤဟဲထီၣ်လၢဟီၣ်ခိၣ်လာ်လီၤ.”