လံာ်စီၤၡမူၤအ့လးအခီၣ်ထံးတဘ့ၣ် 27:10 - Sgaw Karen Common Bible

¹⁰ စီၤအၤကံၣ်သံကွၢ်အီၤ, “ခဲအံၤတဘျီနလဲၤဒုးတၢ်ဂုာ်တၢ်ဖဲလဲၣ်.” စီၤဒၤဝံးစံးဆၢဝဲလၢ, အဝဲလဲၤလီၤဆူကီၢ်ယူဒၤအကလံၤထံး, မ့တမ့ၢ်ဆူပှၤယရၤဃမအ့လးဖိအဒူၣ်ထၢအလီၢ်ကဝီၤ, မ့တမ့ၢ်ပှၤက့ၣ်ဖိအိၣ်ဆိးအလီၢ်ကဝီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 27:10 Iomraidhean Croise

လံာ်တၢ်ကဲထီၣ်အခီၣ်ထံး 27:24

သံကွၢ်ကဒီးဝဲ, “နမ့ၢ်စီၤဧ့ၡီၤသပှၢ်တၢၢ်ဧါ” ဒီးစီၤယၤကိာ်စံးဆၢဝဲ, “ယၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 17:20

စီၤအးဘၡါလိၣ်အသုးခိၣ်သုးနၢ်တဖၣ်ဟဲဆူဟံၣ်န့ၣ်ဒီးသံကွၢ် ပှၤပိာ်မုၣ်န့ၣ်, “စီၤယိၤနၤသၣ်ဒီးစီၤအဃံမ့ၤဧးအိၣ်ဖဲလဲၣ်.” ပိာ်မုၣ်န့ၣ်စံးဆၢဝဲ, “အဝဲသ့ၣ်လဲၤခီဂာ်ကွံာ်ထံကျိလံ.” ပှၤတဖၣ်န့ၣ်လူၤဃုအဝဲသ့ၣ်ဘၣ်ဆၣ်ဒီးတထံၣ်ဘၣ်ဝဲဘၣ်. လၢတၢ်န့ၣ်အဃိ, အဝဲသ့ၣ်က့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 2:25

စီၤဃ့စရိၣ်အဖိဝဲၢ်ကိစီၤယရၤဃမအ့လးအိၣ်ဒီးအဖိခွါယဲၢ် ဂၤလၢ, အဝဲၢ်ကိမ့ၢ်စီၤရၣ်, ဒီးအဂၤတဖၣ်မ့ၢ်ဝဲစီၤဘူနၤ, စီၤအိရ့ၣ်, စီၤအိစ့ၣ်ဒီးစီၤအဃံယၤလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 2:9

စီၤဃ့စရိၣ်အိၣ်ဒီးအဖိခွါသၢဂၤလၢအမ့ၢ်ဝဲ, စီၤယရၤဃမအ့လး, စီၤရၣ်ဒီးစီၤကၤလ့းတဖၣ်န့ၣ်လီၤ.

စံးထီၣ်ပတြၢၤ 119:163

တၢ်ကတိၤကဘျံးကဘျၣ်န့ၣ်ယသးဟ့အီၤ, ဒီးယသးဘၣ်အၢအီၤလီၤ. မ့မ့ၢ်နတၢ်သိၣ်တၢ်သီန့ၣ်ယအဲၣ်အီၤလီၤ.

စံးထီၣ်ပတြၢၤ 119:29

ပၢၤဃးယၤလၢတၢ်ကဘျံးကဘျၣ်အကျဲတဖၣ်, ဒီးမၤဘျုးမၤဖှိၣ်ယၤခီဖျိ နတၢ်သိၣ်တၢ်သီန့ၣ်တက့ၢ်.

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

လံာ်တၢ်ဂံၢ် 24:21

လၢအတၢ်ထံၣ်လၢညါခီအပူၤန့ၣ်အဝဲထံၣ်ဘၣ်ပှၤက့ၣ်ဖိတဖၣ်ဒီး အဲးထီၣ်အထးခိၣ်လၢဝံအကျိာ်ဒ်အံၤလီၤ. “တၢ်လီၢ်ဖဲသုအိၣ်ဆိးန့ၣ်အိၣ်လၢတၢ်ပူၤဖျဲးအပူၤ, အိၣ်ဘံၣ်အိၣ်ဘၢဒ်ထိၣ်အသွံတခါလၢအအိၣ်လၢလ့ဖးထီအဒီခိၣ်,

အ့းဖ့းစူး 4:25

လၢတၢ်န့ၣ်အဃိ, တဘၣ်လီလၢၤတၢ်တဂ့ၤ. ပှၤကိးဂၤဒဲးကဘၣ်ကတိၤလိာ်သကိးအသးလၢတၢ်မ့ၢ်တၢ် တီ, မ့ၢ်လၢပဝဲခဲလၢာ်ပမ့ၢ်ခရံာ်အနီၢ်ခိအက့ၢ်အဂီၤသကိး သကိးအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 1:16

ဒီးပှၤက့ၣ်ဖိ, စီၤမိၤၡ့အမံၤပှၢ်အစၢၤအသွဲၣ်တဖၣ်လဲၤဃုာ်တၢ် ဒီးယူဒၤအပှၤဂီၢ်မုၢ်စးထီၣ်လၢဝ့ၢ်ယရံၤဃိ, ဝ့ၢ်လၢအအိၣ်ဒီးသ့ၣ်စူၣ်ပလူၣ်တဖၣ်ဒီးပၢၢ်တုၤဆူကီၢ်ယူဒၤ အဝ့ၢ်ဧရးအကလံၤထံးဖဲတၢ်မုၢ်တၢ်ဘိတကဲထီၣ်ဘၣ်အလီၢ်န့ၣ်လီၤ. ဒီးဖဲန့ၣ်အဝဲသ့ၣ်အိၣ်ဆိးဃုာ်ဒီးပှၤဧမၤလ့းဖိတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:11

ဖဲအကတီၢ်အဝဲန့ၣ်, ပှၤက့ၣ်ဖိစီၤဃ့ဘ့ၢ်သူၣ်ထီၣ်အဒဲဘူးဒီးက့ဒ့ၣ်, ဖဲပျီစၤဧနဲၣ်အသ့ထိးဖၣ်တထံးအဃၢၤန့ၣ်လီၤ. အဝဲဟးဖးတ့ၢ်ဒီးပှၤက့ၣ်ဖိအဂၤတဖၣ်လၢအမ့ၢ်စီၤမိၤၡ့အမံၤပှၢ်စီၤဃိဘာ်အစၢၤအသွဲၣ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 5:24

ပိာ်မုၣ်လၢအဘူၣ်အတီၢ်ဂ့ၤကတၢၢ်မ့ၢ်ဝဲနီၢ်ယဧ့လး, ပှၤက့ၣ်ဖိစီၤဃ့ဘ့ၢ်အမါ, ပှၤအဘူၣ်အတီၤဂ့ၤကတၢၢ်လၢပိာ်မုၣ်တဖၣ်အကျါလၢအအိၣ်ဆိးလၢဒဲ တဖၣ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:6

အဝဲဆှၢလီၤတၢ်ဟ့ၣ်ပလီၢ်ဆူပှၤက့ၣ်ဖိတဖၣ်, ပှၤလၢအမိၢ်ပၢ်ဖံဖုလၢပျၢၤတဖၣ်သူၣ်အိၣ်သးအိၣ်တ့ၢ်ပှၤ အံၣ်စရ့လးဖိတဖၣ်ဖဲအဝဲသ့ၣ်ဟးက့ၤလၢကီၢ်အဲၤကူပတူးအပူၤဒီးစံးဝဲ, “ဟးထီၣ်ကွံာ်ဒီးပာ်တ့ၢ်ပှၤဧမၤလ့းဖိတဖၣ်ဒ်သိးယသုတမၤသံ ဘၣ်သုဃုာ်ဒီးအဝဲသ့ၣ်တဖၣ်န့ၣ်တက့ၢ်.” မၤသးဒ်န့ၣ်ဒီး, ပှၤက့ၣ်ဖိတဖၣ်ဟးထီၣ်ကွံာ်ဝဲဒၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 21:2

စီၤဒၤဝံးစံးဆၢဝဲ, “ယဟဲဖဲအံၤလၢစီၤပၤအတၢ်ဖံးတၢ်မၤ အဂ့ၢ်လီၤ. အဝဲတဲယၤဒ်သိးတၢ်လၢအဝဲမၢလီၤယၤလၢယကမၤအံၤ, ယသုတပျဲပှၤသ့ၣ်ညါနီတဂၤတဂ့ၤလီၤ. မ့မ့ၢ်ယပှၤတဖၣ်န့ၣ်ယမၤလိာ်တ့ၢ်အဝဲသ့ၣ်လၢကထံၣ်လိာ်ယၤဖဲ တၢ်လီၢ်လီၤဆီတပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:27

ဖဲအကတီၢ်န့ၣ်အပူၤ, ပှၤစိာ်တၢ်ကစီၣ်တဂၤဟဲတုၤဒီးစံးဘၣ်စီၤ စီလူး, “ဟဲက့ၤတဘျီဃီတက့ၢ်. ပှၤဖလ့ၡသးဖိတဖၣ်ဟဲနုာ်လီၤဒုးပကီၢ်လံ.”

လံာ်စီၤၡမူၤအ့လးအခီၣ်ထံးတဘ့ၣ် 27:11

စီၤဒၤဝံးမၤသံကွံာ်ဝဲပိာ်ခွါတဖၣ်ဒီးပိာ်မုၣ်တဖၣ်ခဲလၢာ် ဒ်သိးပှၤလဲၤကဒါက့ၤဆူဝ့ၢ်ကၤသးဒီးတဲဖျါထီၣ်တၢ်ဘၣ်ဃးဒီးအဝဲဒၣ်ဒီး အပှၤတဖၣ်မၤတ့ၢ်တၢ်နီၢ်နီၢ်န့ၣ်အသုတအိၣ်နီတဂၤ တဂ့ၤအဂီၢ်လီၤ. တၢ်အံၤမ့ၢ်တၢ်လၢစီၤဒၤဝံးမၤတ့ၢ်ဝဲဒီကတီၢ်ညါဖဲအဝဲအိၣ်လၢ ကီၢ်ဖလ့ၡသးအပူၤအခါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:8

စီၤဒၤဝံးစံးဆၢဝဲဒၣ်, “ယမၤကမၣ်တၢ်မနုၤတမံၤလဲၣ်, တၢ်ဒိၣ်ဧၢ. မ့မ့ၢ်ဒ်နစံးတ့ၢ်အသိး, စးထီၣ်မုၢ်တနံၤလၢယစးထီၣ်မၤနတၢ်မၤန့ၣ် နမ့ၢ်တထံၣ်ဘၣ်တၢ်ကမၣ်နီတမံၤဘၣ်လၢယပူၤဘၣ် ဒီးဘၣ်မနုၤယတကြၢးလဲၤဃုာ်ဒီးနၤ, ယကစၢ်ဒီးယစီၤပၤ, ဒီးဒုးနဒုၣ်အဒါတဖၣ်န့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 30:29

ဒီးဝ့ၢ်ရၤဃ့လးအအိၣ်, ဒီးဆူစီၤယရၤဃမအ့လးအဒူၣ်, ဒီးဆူပှၤဂီၢ်မုၢ်လၢဝ့ၢ်က့ၣ်,