လံာ်စီၤၡမူၤအ့လးအခီၣ်ထံးတဘ့ၣ် 27:1 - Sgaw Karen Common Bible

¹ စီၤဒၤဝံးစံးလီၤအသး, “လၢမုၢ်နံၤတဖၣ်အံၤအပူၤတနံၤနံၤ န့ၣ်စီၤစီလူးကမၤသံယၤလီၤ. တၢ်အဂ့ၤကတၢၢ်လၢယကြၢးမၤန့ၣ်, မ့ၢ်တၢ်ဃ့ၢ်ပူၤဖျဲးဆူကီၢ်ဖလ့ၡသးအပူၤလီၤ. အန့ၣ်တစု, စီၤစီလူးကဆိကတီၢ်အတၢ်လူၤဃုယၤလၢကီၢ်အံၣ်စရ့လးအပူၤဒီးယကပူၤဖျဲးလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 27:1 Iomraidhean Croise

လံာ်စီၤပၤအခီၣ်ထံးတဘ့ၣ် 12:26

စီၤယၤရၤဘၣ်စံးဝဲလၢအသးကံၢ်ပူၤ, “တၢ်မ့ၢ်အိၣ်ဒၣ်ဒ်ခဲ အံၤအသိးန့ၣ်, ဘီမုၢ်ကက့ၤကဒါက့ၤဆူစီၤဒၤဝံးအပှၤဟံၣ်ဖိအအိၣ်လီၤ.

လံာ်စီၤပၤအခီၣ်ထံးတဘ့ၣ် 12:28

ဖဲအဝဲဆိကမိၣ်တၢ်ဒ်သိးအံၤဝံၤအလီၢ်ခံန့ၣ်, အဝဲမၤထီၣ်ဂီၤဖံးဖါခံဒုအဂီၤလၢထူဒီးစံးဘၣ်အပှၤဂီၢ်မုၢ်, “သုလဲၤတ့ၢ်လံဆူဝ့ၢ်ယရူၤၡလ့ၣ်လၢတၢ်ဘူၣ်ထီၣ်ဘါထီၣ်အဂီၢ် ယံာ်တ့ၢ်မးလံ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အအံၤမ့ၢ်သုကစၢ်တဖၣ်လၢအဟဲစိာ်ထီၣ်ကွံာ်သုလၢကီၢ်အဲၤကူ ပတူးအပူၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 19:3

စီၤအ့ၤလံယၤပျံၤတၢ်ဒီးဃ့ၢ်ပူၤဖျဲးလၢအသးသမူအဂီၢ်လီၤ. အဝဲကိးထီၣ်အခ့အပှၤဒီးလဲၤဝဲဆူဝ့ၢ်ဘ့ၢ်ၡဘၤလၢကီၢ်ယူဒၤ အပူၤန့ၣ်လီၤ. အဝဲပာ်တီၢ်အခ့အပှၤဖဲန့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 25:17

ကီၢ်ယူဒၤအစီၤပၤစီၤအမၤစယါဒီးအပှၤဟ့ၣ်ကူၣ်တၢ်တဖၣ်, ကူၣ်ထီၣ်တၢ်အၢထီဒါကီၢ်အံၣ်စရ့လးန့ၣ်လီၤ. အန့ၣ်ဒီး, အဝဲဆှၢလီၤတၢ်ကစီၣ်တမံၤဆူကီၢ်အံၣ်စရ့လးအစီၤပၤ စီၤယိၤအၣ်, လၢအမ့ၢ်စီၤယဟိအါဃးအဖိခွါဒီးစီၤယ့ၤဟူအလံၤခွါအအိၣ်, ဒီးတၤအီၤလၢကဒုးတၢ်အဂီၢ်န့ၣ်လီၤ.

စံးထီၣ်ပတြၢၤ 116:11

ဒီးဖဲယပျံၤတၢ်ဒီးစံး, “ပနာ်န့ၢ်ပှၤတသ့နီတဂၤဘၣ်” အခါဒၣ်လဲာ်န့ၣ်လီၤ.

စံးထီၣ်ပတြၢၤ 55:7

ကွၢ်ကွၢ်, ယကယူၤဝ့ၤဝီၤလၢအယံၤ, ယကအိၣ်လၢပှၢ်မုၢ်ကနၢလီၤ. စ့လၤ

လံာ်တၢ်ဟးထီၣ်ကွံာ် 14:12

မ့ၢ်ပတတဲဘၣ်နၤတချုးပဟးထီၣ်ဒံးဘၣ်န့ၣ်လၢတၢ်ကမၤအသးဒ်သိး အံၤဘၣ်ဧါ. ပတဲတ့ၢ်နၤလၢနကပျဲပအိၣ်ဒၣ်ဒ်န့ၣ်ဒီးကဲဒၣ်ပှၤအဲၤကူပတူးဖိ တဖၣ်အကုၢ်န့ၣ်လီၤ. တၢ်ကဲကုၢ်ဖဲန့ၣ်, ဂ့ၤဒိၣ်န့ၢ်ဒံးတၢ်သံဖဲအံၤလၢပှၢ်မုၢ်ကနၢ အပူၤတက့ၢ်န့ၣ်လီၤ.”

တၢ်ကတိၤဒိ. 13:12

ဖဲတၢ်မုၢ်လၢ်ဘၣ်တၢ်မၤလီၤသဘှံးအီၤဒီး, သးလီၤသဘှံးဝဲလီၤ. မ့မ့ၢ်တုၤတၢ်ဆၢန့ၢ်တမံၤကဲထီၣ်လိၣ်ထီၣ်ဝဲန့ၣ်, မၤပှဲၤနၤဒီးတၢ်သးခုလီၤ.

လံာ်ယၡါယၤ 51:12

ယွၤစံးဝဲ, “ယမ့ၢ်ပှၤတဂၤလၢအဟ့ၣ်ဆူၣ်ထီၣ်သုဂံၢ်သုဘါလီၤ. ဘၣ်မနုၤအဃိသုဘၣ်ပျံၤဘၣ်ဖုးပှၤကညီလၢ အသံသ့အံၤ, လၢအအိၣ်ဂၢၢ်ဆိးကျၢၤသ့ယံာ်ထဲသိးဒၣ် နီၣ်ဧိၤမံၤဧိၤအံၤန့ၣ်လဲၣ်.

လံာ်တၢ်ဂံၢ် 14:3

ဘၣ်မနုၤလၢယွၤဆှၢပှၤဆူကီၢ်အဝဲန့ၣ်အပူၤလဲၣ်. ပကဘၣ်တၢ်မၤသံပှၤလၢတၢ်ဒုးတၢ်ယၤအပူၤ, ဒီးပမါတဖၣ်ဒီးပဖိတဖၣ်ကဘၣ်တၢ်ဖီၣ်န့ၢ်အီၤလီၤ. တဂ့ၤဒိၣ်လၢပက့ၤကဒါက့ၤဆူကီၢ်အဲၤကူပတူးဘၣ်ဧါ.”

လံာ်မးသဲ 14:31

ဒီးယ့ၣ်ၡူးယူာ်ဃီၤအစုတဘျီဃီ, ဒီးဟံးဃာ်အီၤဒီးစံးဝဲ, “နနာ်တၢ်စှၤမးလဲၣ်. ဘၣ်မနုၤလၢနသးဒ့ဒီလဲၣ်.”

လံာ်မၢ်ကူး 4:40

ယ့ၣ်ၡူးစံးဘၣ်အပျဲၢ်အဘီၣ်တဖၣ်န့ၣ်, “ဘၣ်မနုၤလၢသုပျံၤတၢ်လဲၣ်. တုၤခဲအံၤသုတၢ်နာ်ဘၣ်မနုၤလၢအတအိၣ်ဘၣ်န့ၣ်လဲၣ်.”

၂ ကရံၣ်သူး 7:5

ဖဲပဟဲတုၤလၢကီၢ်မၤက့းဒနံဝံၤအလီၢ်ခံဒၣ်လဲာ်န့ၣ်, ပတအိၣ်ဒီးတၢ်အိၣ်ဘှံးအိၣ်သါနီတစဲးဘၣ်. တၢ်ကီတၢ်ခဲအိၣ်ဝဲဒၣ်လၢတၢ်လီၢ်ကိးပူၤဒဲး, တၢ်ထီဒုၣ်ထီဒါလိာ်ပသးဒီးပှၤဂၤ, ဒီးတၢ်ပျံၤတၢ်ဖုးလၢ ပသးပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:13

စီၤၡမူၤအ့လးဟံးန့ၢ်သ့ၣ်စၤယံးအသိဒီးဖှူစီၤဒၤဝံးလၢ အဒီပုၢ်ဝဲၢ်ခွါတဖၣ်အမဲာ်ညါလီၤ. သတူၢ်ကလာ်န့ၣ်ယွၤအသးမုၢ်စီဆှံပၢၤဃးစီၤဒၤဝံးဒီးအိၣ် ဒီးအီၤစးထီၣ်လၢမုၢ်တနံၤန့ၣ်လီၤ. အန့ၣ်ဝံၤဒီးစီၤၡမူၤအ့လးက့ၤကဒါက့ၤဆူဝ့ၢ်ရၤမါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:3

ဘၣ်ဆၣ်ဒီးစီၤဒၤဝံးဆိၣ်တၢ်ဒီးစံးဝဲဒၣ်, “နပၢ်သ့ၣ်ညါဝဲဂ့ၤဂ့ၤကလဲာ်လၢနအဲၣ်ယၤထဲလဲၣ်ထဲလဲၣ်အဂ့ၢ်လီၤ. ဒီးအဝဲပာ်လီၤအသးလၢအတပျဲဒုးသ့ၣ်ညါနၤအတၢ်တိာ်ကျဲၤလၢ ကမၤဝဲအဂ့ၢ်န့ၣ်ဘၣ်. အဂ့ၢ်ဒ်အံၤ, ကမၤဘၣ်ဒိဘၣ်ထံးနသးဒိၣ်မးအဃိလီၤ. ယဆိၣ်တၢ်လၢနၤလၢယွၤလၢအမူဝဲတဂၤအမဲာ်ညါလၢယပူၤဖျဲးဒီး တၢ်သံထဲခီၣ်ကါတခါဧိၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 22:5

တုၤနုၤတစုဝံစီၤကးဟဲဆူစီၤဒၤဝံးအအိၣ်ဒီးစံး, “အိၣ်ဖဲအံၤတဂ့ၤ. လဲၤတဘျီဃီဆူကီၢ်ယူဒၤအပူၤတက့ၢ်.” မၤသးဒ်န့ၣ်ဒီး, စီၤဒၤဝံးဟးထီၣ်ဖဲန့ၣ်ဒီးလဲၤဆူဃ့ၤရ့း အပှၢ်လၢ်ကျါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:17

ဒီးစံးဘၣ်အီၤ, “ပျံၤတၢ်တဂ့ၤ. ယပၢ်စီၤစီလူးမၤဆါနၤ တန့ၢ်ဘၣ်. အဝဲသ့ၣ်ညါဝဲဂ့ၤဂ့ၤကလဲာ်လၢနမ့ၢ်ပှၤတဂၤလၢကကဲထီၣ်ကီၢ်အံၣ် စရ့လးအစီၤပၤဒီးယကမ့ၢ်ပှၤအလီၢ်ဖုၣ်န့ၣ်နၤတဂၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:30

ဒီးဖဲယွၤမၤတ့ၢ်ကယဲၢ်တၢ်အဂ့ၤခဲလၢာ်လၢအအၢၣ်လီၤတ့ၢ်နၤဒီး ဒုးကဲထီၣ်နၤလၢကီၢ်အံၣ်စရ့လးအစီၤပၤန့ၣ်,

လံာ်စီၤၡမူၤအ့လးအခီၣ်ထံးတဘ့ၣ် 26:19

စီၤပၤဖးဒိၣ်ဧၢ, ဒိကနၣ်တၢ်လၢယဘၣ်ကတိၤအီၤန့ၣ်တက့ၢ်. ယွၤမ့မ့ၢ်ပှၤလၢအဒုးဃၣ်နသးထီဒါယၤဒီးတၢ်လုၢ်မၤဘူၣ်တမံၤ ကဒုးလဲလိာ်ကွံာ်အသးလီၤ. ဘၣ်ဆၣ်ဒီးမ့မ့ၢ်တၢ်လၢပှၤကညီ တဖၣ်မၤတ့ၢ်အီၤဒီးမ်ယွၤအတၢ်ဆိၣ်အၢလီၤလၢအဝဲသ့ၣ်အဖီခိၣ်တက့ၢ်. အဂ့ၢ်ဒ်အံၤ, အဝဲသ့ၣ်နီၣ်ထုးထီၣ်ကွံာ်ယၤလၢယွၤအကီၢ်ပူၤ, ဆူကီၢ်တဘ့ၣ်လၢယဘါထီၣ်သ့ထဲပှၤတခီဘီမုၢ်ဖိအကစၢ်တဖၣ်ဧိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:2

ပှၤဖလ့ၡသးဖိအစီၤပၤယဲၢ်ဂၤဟဲထီၣ်ဃုာ်ဒီးအပှၤအဂၤတကယၤဒီး အဂၤတကထိအကရူၢ်တဖၣ်လီၤ. စီၤဒၤဝံးဒီးအပှၤတဖၣ်လဲၤထီၣ်လၢတၢ်လီၢ်ခံဒီးစီၤပၤအၤ ကံၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:3

ပှၤဖလ့ၡသးဖိအသုးခိၣ်ကျၢၢ်တဖၣ်ထံၣ်အဝဲသ့ၣ်ဒီးသံကွၢ်ဝဲ, “ပှၤဧ့ၤဘြံၤဖိတဖၣ်အံၤမၤတၢ်မနုၤဖဲအံၤန့ၣ်လဲၣ်.” စီၤအၤကံၣ်စံးဆၢဝဲဒၣ်, “အဝဲအံၤမ့ၢ်စီၤဒၤဝံး, ကီၢ်အံၣ်စရ့လးအစီၤပၤစီၤစီလူးအသုးခိၣ်တဂၤန့ၣ်လီၤ. အဝဲအိၣ်ဒီးယၤခဲအံၤယံာ်ထီၣ်တစဲးလံ. စးထီၣ်မုၢ်တနံၤလၢအဟဲအိၣ်ဒီးယၤန့ၣ်ယတထံၣ်န့ၢ်တၢ်ကမၣ်လၢ အမၤဝဲနီတမံၤဘၣ်.”