လံာ်စီၤၡမူၤအ့လးအခီၣ်ထံးတဘ့ၣ် 26:7 - Sgaw Karen Common Bible

⁷ မၤသးဒ်န့ၣ်ဒီး, လၢမုၢ်နၤအဝဲန့ၣ်စီၤဒၤဝံးဒီးစီၤအဘံၡဲၤ လဲၤနုာ်ဆူစီၤစီလူးအဒဲပူၤဒီးထံၣ်ဘၣ်စီၤစီလူးမံလၢတၢ်သူၣ်ဒဲ အလီၢ်အခၢၣ်သးဒီးဃုာ်ဒီးအဘီအိၣ်ဆဲးလီၤအသးလၢဟီၣ်ခိၣ်လိၤ ဘူးဒီးအခိၣ်န့ၣ်လီၤ. စီၤအဘံန့ၢ်ဒီးသုးဖိတဖၣ်မံဝးတရံးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:7 Iomraidhean Croise

လံာ်တၢ်ကဲထီၣ်အခီၣ်ထံး 45:19

တဲဘၣ်စ့ၢ်ကီးအဝဲသ့ၣ်လၢကက့ၤစိာ်လ့ၣ်ကဟၣ်တဖၣ်လၢကီၢ်အဲၤကူ ပတူးဒ်သိးကဟဲကိးအမါတဖၣ်, အဖိဆံးတဖၣ်, ဒီးဟဲကိးစ့ၢ်ကီးအပၢ်ဃုာ်ဒီးအဝဲသ့ၣ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 17:20

စီၤဒၤဝံးဂဲၤဆၢထၢၣ်လၢမုၢ်ဆ့ၣ်ထီၣ်တနံၤန့ၣ်ဂီၤဂီၤ, ပာ်တ့ၢ်ပှၤတဂၤလၢကဟံးန့ၢ်မူဒါဒီးကွၢ်ထွဲသိတဖၣ်, ဟံးထီၣ်တၢ်အီၣ်တၢ်အီဒီးလဲၤတၢ်ဒ်စီၤယံးၡဲစံးတ့ၢ်အီၤ အသိးလီၤ. အဝဲလဲၤတုၤဆူတၢ်သူၣ်ထီၣ်ဒဲအလီၢ်ဖဲပှၤအံၣ်စရ့လးဖိ တဖၣ်လဲၤထီၣ်ဆူတၢ်ဒုးတၢ်ယၤအလီၢ်, ကိးထီၣ်တၢ်ဒုးတၢ်ယၤ အကလုၢ်အကတီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:6

အန့ၣ်ဝံၤဒီးစီၤဒၤဝံးသံကွၢ်ပှၤဃ့ၤသးဖိစီၤအဃံၤမ့လ့း, ဒီးစီၤယိၤအာ်အဒီပုၢ်ဝဲၢ်စီၤအဘံၡဲၤ (အဝဲသ့ၣ်အမိၢ်မ့ၢ်နီၢ်စရူၤယၤလီၤ), “သုဝဲခံဂၤအကျါမ့ၢ်မတၤကလဲၤဃုာ်ဒီးယၤဆူစီၤစီလူးအဒဲ လဲၣ်.” စီၤအဘံၡဲၤစံးဆၢဝဲ, “ယကလဲၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 26:8

စီၤအဘံၡဲၤစံးဘၣ်စီၤဒၤဝံး, “တနၤအံၤကစၢ်ယွၤပာ်လီၤ နဒုၣ်နဒါလၢနစိကမီၤအဖီလာ်လီၤ. ခဲအံၤပျဲယဆဲးအကစၢ်ဒၣ်ဝဲဒီးအဘီဖျိကွံာ်အီၤဒီးဆဲးတံၢ် အီၤဖဲဟီၣ်ခိၣ်လိၤထဲတဘီဧိၤတက့ၢ်. ယတဆဲးဘၣ်ခံဘီဘၣ်.”