လံာ်စီၤၡမူၤအ့လးအခီၣ်ထံးတဘ့ၣ် 26:6 - Sgaw Karen Common Bible

⁶ အန့ၣ်ဝံၤဒီးစီၤဒၤဝံးသံကွၢ်ပှၤဃ့ၤသးဖိစီၤအဃံၤမ့လ့း, ဒီးစီၤယိၤအာ်အဒီပုၢ်ဝဲၢ်စီၤအဘံၡဲၤ (အဝဲသ့ၣ်အမိၢ်မ့ၢ်နီၢ်စရူၤယၤလီၤ), “သုဝဲခံဂၤအကျါမ့ၢ်မတၤကလဲၤဃုာ်ဒီးယၤဆူစီၤစီလူးအဒဲ လဲၣ်.” စီၤအဘံၡဲၤစံးဆၢဝဲ, “ယကလဲၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 26:6 Iomraidhean Croise

လံာ်တၢ်ကဲထီၣ်အခီၣ်ထံး 10:15

ဒီးစီၤကနၤဧၣ်အဖိခွါတဖၣ်, စီၤစံဒိၣ်ပှၤအဝဲၢ်ကိဒီးစီၤဃ့ၤသး, မ့ၢ်ဝဲပၢ်လၢပျၢၤတဖၣ်လၢအပှၤဂီၢ်မုၢ်စိာ်အဝဲသ့ၣ်အမံၤန့ၣ် လီၤ.

လံာ်တၢ်ကဲထီၣ်အခီၣ်ထံး 15:20

ပှၤဃ့ၤသးဖိ, ပှၤပရးစးဖိ, ပှၤရၤဖၤဖိ,

လံာ်တၢ်ကဲထီၣ်အခီၣ်ထံး 23:3

ဒီးစီၤအၤဘြၤဟၣ်ဟးထီၣ်ကွံာ်လၢတၢ်လီၢ်ဖဲအမါအစိၣ်အိၣ်မံ နီၤဝဲ, ဒီးလဲၤဝဲဆူပှၤဃ့ၤသးဖိတဖၣ်အအိၣ်ဒီးစံးဝဲဒၣ်,

လံာ်တၢ်ကဲထီၣ်အခီၣ်ထံး 26:34

ဒီးဖဲစီၤဧ့ၡီၤအသးအိၣ်ဝဲအနံၣ်လွံၢ်ဆံန့ၣ်အဝဲဟံးန့ၢ်ပှၤ ဃ့ၤသးမုၣ်ဖိခံဂၤ, စီၤဘအ့ရံၤအဖိမုၣ်နီၢ်ယဟူဒံးဒီးစီၤအလိၣ်အဖိမုၣ်နီၢ်ဘၤ စမးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:21

သုတသ့ၣ်နီၣ်ဘၣ်လၢစီၤကံးဒဧိၣ် (စီၤယရူၤဘၡ့း) အဖိခွါစီၤအဘံၤမ့လ့း ဘၣ်တၢ်မၤသံအီၤဒ်လဲၣ်အဂ့ၢ်ဘၣ်ဧါ. တၢ်န့ၣ်မ့ၢ်ဖဲဝ့ၢ်သံဘ့း (တ့ဘ့း), ဖဲပိာ်မုၣ်တဂၤတ့ၢ်လီၤဆၢၣ်ဂူာ်လၢၢ်တဖျၢၣ်လၢဝ့ၢ်ခိၣ်ဒူဒီးမၤသံအီၤန့ၣ်လီၤ. မ့မ့ၢ်ဒ်န့ၣ်ဒီးဘၣ်မနုၤအဃိသုဘၣ်လဲၤဘူးကဲာ်ဆိးဒီးဝ့ၢ် ခိၣ်ဒူန့ၣ်လဲၣ်. စီၤပၤမ့ၢ်သံကွၢ်နၤတၢ်အံၤဒီးတဲဘၣ်အီၤလၢ, နသုးခိၣ်စီၤအူၤရံယၤစ့ၢ်ကီးသံလံ, န့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 11:24

အန့ၣ်တစုအဝဲသ့ၣ်ခးလီၤပျၢ်တဖၣ်ဆူပအိၣ်လၢဝ့ၢ်ခိၣ်ဒူတဖၣ်အလိၤဒီး ကစၢ်စီၤပၤအသုးခိၣ်သုးနၢ်တနီၤသံဝဲလီၤ. နသုးခိၣ်စီၤအူၤရံယၤစ့ၢ်ကီးသံဝဲဒၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 11:6

အန့ၣ်တစု, စီၤဒၤဝံးဆှၢလီၤတၢ်ကစီၣ်တမံၤဆူစီၤယိၤအာ် အအိၣ်စံးဝဲ, “ဆှၢလီၤန့ၢ်ယၤပှၤဃ့ၤသးဖိစီၤအူၤရံယၤတက့ၢ်.” လၢတၢ်န့ၣ်အဃိ, စီၤယိၤအာ်ဆှၢလီၤအီၤဆူစီၤဒၤဝံးအအိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:9

မ့မ့ၢ်ဒ်န့ၣ်ဒီးဘၣ်မနုၤအဃိ, နတစူၢ်ဘၣ်ယတၢ်မၤလိာ်တဖၣ်န့ၣ်လဲၣ်. ဘၣ်မနုၤနမၤတၢ်အၢတၢ်သီတမံၤအံၤန့ၣ်လဲၣ်. နပျဲစီၤအူၤရံယၤဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤ, နပျဲပှၤဧၣ်မိၣ်ဖိတဖၣ်မၤသံကွံာ်အီၤ, အန့ၣ်ဝံၤဒီးနဟံးန့ၢ်ကွံာ်အမါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:5

အဝဲဟ့ၣ်လီၤအကလုၢ်ဆူစီၤယိၤအာ်, စီၤအဘံၡဲၤဒီးစီၤအံတဲၤ အအိၣ်စံးဝဲ, “လၢတၢ်ကွၢ်မဲာ်ယၤအဃိန့ၣ်မၤဆါပှၤသးစၢ်စီၤအးဘၡါလိၣ်တဂ့ၤ.” ဒီးကယဲၢ်သုးဖိသံၣ်ဖိခဲလၢာ်နၢ်ဟူတ့ၢ် စီၤဒၤဝံးအတၢ်ဟ့ၣ်လီၤအကလုၢ်န့ၣ်, ဆူအသုးခိၣ်သုးနၢ်တဖၣ်အအိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:13

နီၢ်စရူၤယၤအဖိခွါစီၤယိၤအာ်ဒီးစီၤဒၤဝံးအပဒိၣ်ပပှၢ်အဂၤ တဖၣ်လဲၤသဂၢၢ်အီၤဖဲကွံတကွံဖဲအဝဲသ့ၣ်ခဲလၢာ်ဆ့ၣ်နီၤဝဲ တဖုလၢကွံတကပၤဒီးအဂၤတဖုလၢကွံအဘးခီတကပၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:18

နီၢ်စရူၤယၤအဖိခွါသၢဂၤလၢအမံၤမ့ၢ်ဝဲစီၤယိၤအာ်, စီၤအဘံၡဲၤဒီးစီၤဧစၤအ့လးန့ၣ်အိၣ်ဝဲဖဲန့ၣ်လီၤ. စီၤဧမၤအ့လးလၢအဃ့ၢ်တၢ်ချ့ဝဲထဲသိးဒီးတၤဟိအမံၤတဒု,

လံာ်စီၤၡမူၤအ့လးခံဘ့ၣ်တဘ့ၣ် 23:18

စီၤယိၤအာ်အဒီပုၢ်ဝဲခွါစီၤအဘံၡဲၤ (အဝဲသ့ၣ်အမိၢ်မ့ၢ်နီၢ်စရူယၤ) မ့ၢ်ပှၤလၢအမံၤဟူသၣ်ဖျါအဂၤသၢဆံအခိၣ်န့ၣ်လီၤ. အဝဲဒုးတၢ်ဒီးအဘီထီဒါပှၤအဂၤသၢကယၤဒီးမၤသံအဝဲသ့ၣ်, ဒီးအဝဲကဲထီၣ်ပှၤမံၤဟူသၣ်ဖျါထီၣ်လၢပှၤအခိၣ်အဂၤသၢဆံ အကျါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:34

ပှၤဝ့ၢ်မၤကၤဖိစီၤအဃၤစဘဲအဖိခွါစီၤအလံၤဖ့လ့း, ပှၤဝ့ၢ်ကံလိၣ်ဖိစီၤအဃံၤသဖ့လးအဖိခွါစီၤအလံဧၣ်,

လံာ်စီၤၡမူၤအ့လးခံဘ့ၣ်တဘ့ၣ် 23:39

ပှၤဃ့ၤသးဖိစီၤအူၤရံယၤတဖၣ်န့ၣ်လီၤ. ပှၤသုးဖိလၢအမံၤဟူသၣ်ဖျါခဲလၢာ်အိၣ်ဝဲသၢဆံနွံဂၤလီၤ.

လံာ်စီၤပၤအခီၣ်ထံးတဘ့ၣ် 10:29

ဒီးတၢ်ဟဲစိာ်နုာ်ဒီးဆါလ့ၣ်ကဟၣ်တဖၣ်လၢကီၢ်အဲၤကူပတူးန့ၣ် လီၤ. အဝဲသ့ၣ်ဆါန့ၢ်ပှၤဃ့ၤသးဖိဒီးပှၤစူၤရံအစီၤပၤတဖၣ်လၢ ကသ့ၣ်တဖၣ်ဒီးလ့ၣ်ကဟၣ်တဖၣ်န့ၣ်လီၤ. လ့ၣ်ကဟၣ်တဆိစုာ်စုာ်အပှ့ၤမ့ၢ်ဝဲ, စ့ညၣ်အဘ့ၣ်ဃုကယၤ, ဒီးကသ့ၣ်တဒုစုာ်စုာ်အပှ့ၤမ့ၢ်ဝဲစ့ညၣ်အဘ့ၣ်တကယၤယဲၢ်ဆံန့ၣ်လီၤ.

လံာ်စီၤပၤခံဘ့ၣ်တဘ့ၣ် 7:6

ယွၤဒုးနၢ်ဟူတ့ၢ်ပှၤစူၤရံဖိတဖၣ်လၢတၢ်အသီၣ်လၢအလီၤဂာ်ဒီး သုးမုၢ်ဖးဒိၣ်ဟဲထီၣ်ဝဲတဖုလၢအအိၣ်ဒီးကသ့ၣ်တဖၣ်ဒီးလ့ၣ် ကဟၣ်တဖၣ်န့ၣ်လီၤ. ပှၤစူၤရံဖိတဖၣ်ဆိကမိၣ်ဝဲလၢကီၢ်အံၣ်စရ့လးအစီၤပၤဒိးလဲ ပှၤဃ့ၤသးဖိဒီးပှၤအဲၤကူပတူးဖိအစီၤပၤတဖၣ်ဒီးအဝဲသ့ၣ် အသုးမုၢ်တဖၣ်လၢကဟဲထီၣ်ဒုးအဝဲသ့ၣ်န့ၣ်လီၤ.

လံာ်စီၤယိၤၡူ 3:10

ဖဲသုလဲၤထီၣ်ဆူညါဒီး, အဝဲကနီၣ်ထီၣ်ကွံာ်ပှၤကနၤဧၣ်ဖိ, ပှၤဃ့ၤသးဖိ, ပှၤဃံၤဝံဖိ, ပှၤပရးစၤဖိ, ပှၤကံၢ်ကၣ်ဖိ, ပှၤအမိၢ်ဖိ, ဒီးပှၤယဘူၣ်ဖိတဖၣ်သပှၢ်ကတၢၢ်န့ၣ်လီၤ. ဒီးသုကသ့ၣ်ညါလၢကစၢ်ယွၤလၢအမူဝဲတဂၤအိၣ်လၢသုကျါ,

လံာ်စီၤၡမူၤအ့လးအခီၣ်ထံးတဘ့ၣ် 26:7

မၤသးဒ်န့ၣ်ဒီး, လၢမုၢ်နၤအဝဲန့ၣ်စီၤဒၤဝံးဒီးစီၤအဘံၡဲၤ လဲၤနုာ်ဆူစီၤစီလူးအဒဲပူၤဒီးထံၣ်ဘၣ်စီၤစီလူးမံလၢတၢ်သူၣ်ဒဲ အလီၢ်အခၢၣ်သးဒီးဃုာ်ဒီးအဘီအိၣ်ဆဲးလီၤအသးလၢဟီၣ်ခိၣ်လိၤ ဘူးဒီးအခိၣ်န့ၣ်လီၤ. စီၤအဘံန့ၢ်ဒီးသုးဖိတဖၣ်မံဝးတရံးအီၤန့ၣ်လီၤ.