လံာ်စီၤၡမူၤအ့လးအခီၣ်ထံးတဘ့ၣ် 26:19 - Sgaw Karen Common Bible

¹⁹ စီၤပၤဖးဒိၣ်ဧၢ, ဒိကနၣ်တၢ်လၢယဘၣ်ကတိၤအီၤန့ၣ်တက့ၢ်. ယွၤမ့မ့ၢ်ပှၤလၢအဒုးဃၣ်နသးထီဒါယၤဒီးတၢ်လုၢ်မၤဘူၣ်တမံၤ ကဒုးလဲလိာ်ကွံာ်အသးလီၤ. ဘၣ်ဆၣ်ဒီးမ့မ့ၢ်တၢ်လၢပှၤကညီ တဖၣ်မၤတ့ၢ်အီၤဒီးမ်ယွၤအတၢ်ဆိၣ်အၢလီၤလၢအဝဲသ့ၣ်အဖီခိၣ်တက့ၢ်. အဂ့ၢ်ဒ်အံၤ, အဝဲသ့ၣ်နီၣ်ထုးထီၣ်ကွံာ်ယၤလၢယွၤအကီၢ်ပူၤ, ဆူကီၢ်တဘ့ၣ်လၢယဘါထီၣ်သ့ထဲပှၤတခီဘီမုၢ်ဖိအကစၢ်တဖၣ်ဧိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:19 Iomraidhean Croise

လံာ်တၢ်ကဲထီၣ်အခီၣ်ထံး 44:18

စီၤယူဒၤလဲၤဆူစီၤယိၤသးအအိၣ်ဒီးစံးဝဲ, “ကစၢ်ဧၢ, ဝံသးစူၤပျဲယကတိၤတၢ်ဒီးနၤလၢတၢ်သဘျ့အပူၤတက့ၢ်. တဘၣ်သးထီၣ်ယၤတဂ့ၤ. နမ့ၢ်ပှၤဒ်စီၤပၤအကစၢ်ဒၣ်ဝဲ အသိးလီၤ.

လံာ်တၢ်ကဲထီၣ်အခီၣ်ထံး 8:21

တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 14:16

ယဆိကမိၣ်လၢနကဒိကနၣ်ယၤဒီးမၤပူၤမၤဖျဲးယၤလၢပှၤတဂၤလၢ အကျဲးစၢးဒ်သိးကမၤသံယဖိခွါ, ဒီးယၤ, အစုပူၤန့ၣ်လီၤ. အဝဲဒၣ်သးအိၣ်သုးကွံာ်ပှၤလၢကီၢ်တဘ့ၣ်လၢ ကစၢ်ယွၤဟ့ၣ်လီၤအပှၤဂီၢ်မုၢ်အံၤအပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:10

စီၤပၤစံးဘၣ်စီၤအဘံၡဲၤဒီးအဒီပုၢ်ဝဲၢ်ခွါစီၤယိၤအာ်, “တၢ်အံၤတဘၣ်ဃးဒီးသုနီတမံၤဘၣ်. အဝဲမ့ၢ်ဆိၣ်အၢယၤလၢ ယွၤတဲဘၣ်အီၤအဃိဒီး, ဘၣ်မနုၤအဝဲမၤတၢ်အံၤလဲၣ်န့ၣ်, မတၤအိၣ်ဒီးတၢ်ခွဲးတၢ်ယာ်လၢ ကသံကွၢ်ဝဲလဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 16:11

ဒီးစီၤဒၤဝံးစံးဘၣ်စီၤအဘံၡဲၤဒီးပဒိၣ်ပပှၢ်ခဲလၢာ်ဒ်အံၤ, “ယဖိခွါဒၣ်ယဲန့ၣ်ကျဲးစၢးဝဲဒ်သိးကမၤသံယၤလီၤ. လၢတၢ်န့ၣ်အဃိဘၣ်မနုၤလၢသုကဘၣ်ကမၢကမၣ်လၢပှၤဘံၣ်ယၤမံၣ်ဖိ တဂၤအံၤအဃိန့ၣ်လဲၣ်. ယွၤတဲတ့ၢ်အီၤလၢကဆိၣ်အၢတၢ်အဃိ, ပာ်တ့ၢ်အီၤထဲတဂၤဧိၤဒီးပျဲအမၤတၢ်န့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 20:19

ပဝ့ၢ်အံၤမ့ၢ်ဝ့ၢ်ဖးဒိၣ်လၢကီၢ်အံၣ်စရ့လးအပူၤတဖၣ်အကျါတဝ့ၢ်, လၢအအိၣ်ဒီးအပှၤဝ့ၢ်ဖိတဖၣ်လၢအအဲၣ်တၢ်ဃူတၢ်ဖိးဒီးအိၣ်ဒီး တၢ်သူၣ်တီသးရၤန့ၣ်လီၤ. ဘၣ်မနုၤလၢနကျဲးစၢးမၤဟးဂီၤအီၤန့ၣ်လဲၣ်. မ့ၢ်နအဲၣ်ဒိးမၤဟးဂီၤတၢ်လၢအဘၣ်ဃးဒီးယွၤန့ၣ်ဧါ.”

လံာ်စီၤၡမူၤအ့လးခံဘ့ၣ်တဘ့ၣ် 21:3

လၢတၢ်န့ၣ်အဃိစီၤဒၤဝံးကိးဖှိၣ်ကံးဘိၣ်အပှၤဂီၢ်မုၢ်ဒီး စံးဘၣ်အဝဲသ့ၣ်ဒ်အံၤ, “ယမၤတၢ်လၢသုဂီၢ်သ့မနုၤတမံၤလဲၣ်. ယသးအိၣ်မၤလိၤမၤဘၣ်က့ၤတၢ်ကမူၤကမၣ်လၢတၢ်မၤဘၣ်တ့ၢ်သု, ဒ်သိးသုကဆိၣ်ဂ့ၤယွၤအပှၤဂီၢ်မုၢ်အဂီၢ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:1

လၢတၢ်မၤအသးအဂၤတဘျီန့ၣ်, ယွၤသးဒိၣ်ဘၣ်ပှၤကီၢ်အံၣ်စ ရ့လးဖိဒီးအဝဲမၤဒ်သိးစီၤဒၤဝံးကဒုးဟဲဘၣ်တၢ်ကီတၢ်ခဲ လၢအဝဲသ့ၣ်အဖီခိၣ်လီၤ. ယွၤစံးဘၣ်အီၤ, “လဲၤဒီးဂံၢ်ပှၤဂီၢ်မုၢ် လၢကီၢ်အံၣ်စရ့လးဒီးကီၢ်ယူဒၤအပူၤတက့ၢ်.”

လံာ်စီၤပၤအခီၣ်ထံးတဘ့ၣ် 22:22

ယွၤသံကွၢ်ဝဲ, နကလီန့ၢ်အီၤဒ်လဲၣ်, သးန့ၣ်စံးဆၢဝဲ, ယကလဲၤဒီးမၤဒ်သိးကယဲၢ်စီၤအၤဃာ်အဝံခဲလၢာ်လၢကလီတၢ်ဝ့ၤ တၢ်န့ၣ်လီၤ. ယွၤစံးဝဲဒၣ်, လဲၤဒီးလီန့ၢ်အီၤတက့ၢ်. နကမၤနၢၤတၢ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 21:1

မုၣ်ကီၤလံၢ်အဲၣ်ဒိးဒုးလီၤဘၣ်တၢ်ကိၢ်တၢ်ဂီၤတမံၤလၢအံၣ်စရ့ လးအပှၤဂီၢ်မုၢ်အလိၤအဃိအဝဲထိၣ်ဂဲၤစီၤဒၤဝံးအသးလၢကထၢပှၤ ထံဖိကီၢ်ဖိအနီၣ်ဂံၢ်ဒီးမၤတၢ်ဆဲးလီၤမံၤန့ၣ်လီၤ.

စံးထီၣ်ပတြၢၤ 120:5

တၢ်အိၣ်ဆိးလၢသုကျါန့ၣ် အၢဝဲဒ်သိးဒၣ် တၢ်အိၣ်ဆိးလၢပှၤမ့ၤၡးဖိ မ့တမ့ၢ် ပှၤက့ဒၢ်ဖိအသိးအကျါန့ၣ်လီၤ.

စံးထီၣ်ပတြၢၤ 20:4

မ်အဟ့ၣ်နၤလၢနသးအတၢ်ဆၢန့ၢ်, ဒီးမၤလၢပှဲၤနတၢ်ကူၣ်ထီၣ်ဖးလီၤခဲလၢာ်တက့ၢ်.

တၢ်ကတိၤဒိ. 30:10

ကတိၤဒုၣ်ဒွဲၣ်တၢ်ခ့တၢ်ပှၤတဂၤလၢအကစၢ်အမဲာ်ညါနီတစုတဂ့ၤ. နကဘၣ်တၢ်ဆိၣ်အၢနၤဒီးနကဘၣ်တူၢ်တၢ်လၢတၢ်န့ၣ်အဂ့ၢ်လီၤ.

လံာ်ယၡါယၤ 60:5

နကထံၣ်ဘၣ်တၢ်အံၤဒီးနသးပူၤကပှဲၤဒီးတၢ်သးခု, နကကနိးကစုာ်လၢတၢ်သူၣ်ဟူးသးဂဲၤအပူၤလီၤ. ပှၤကလုာ်တဖၣ်အတၢ်ထူးတၢ်တီၤ ကဘၣ်တၢ်ဟဲစိာ်အီၤဆူနအိၣ်, အတၢ်ထူးတၢ်တီၤတဖၣ်ကဟဲခီဂာ်ပီၣ်လဲၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:31

ဒီးယကမၤဟးဂီၤကွံာ်သုဝ့ၢ်တဖၣ်, သုတၢ်ဘူၣ်တၢ်ဘါအလီၢ်တဖၣ် ဒီးယတတူၢ်လိာ်သုတၢ်လုၢ်တၢ်ပာ်တဖၣ်န့ၣ်ဘၣ်.

လံာ်တၢ်ဂံၢ် 36:7

ပှၤအံၣ်စရ့လးဖိကိးဂၤဒဲးအတၢ်စုလီၢ်ခီၣ်ခိၣ်ကဘၣ်အိၣ်တ့ၢ် ဘၣ်ထွဲဒီးအဒူၣ်ဒၣ်ဝဲန့ၣ်လီၤ.

လံာ်တၢ်ဂံၢ် 36:9

ဒီးတၢ်စုလီၢ်ခီၣ်ခိၣ်န့ၣ်တဘၣ်ဟ့ၣ်ခီအသးလၢဒူၣ်တဒူၣ်ဆူအဂၤ တဒူၣ်အပူၤဘၣ်. ဒူၣ်တဒူၣ်စုာ်စုာ်ကဟံးဃာ်ပၢၤဃးထွဲ အတၢ်စုလီၢ်ခီၣ်ခိၣ်ဒၣ်ဝဲန့ၣ်လီၤ.”

ရိမ့ၤ 14:15

သုမ့ၢ်မၤတံာ်တာ်ဘၣ်သုဒီပုၢ်ဝဲၢ်အသးလၢသုတၢ်အီၣ်တမံၤမံၤ အဃိဒီး, သုမၤတၢ်အံၤတမ့ၢ်လၢတၢ်အဲၣ်တၢ်ကွံအပူၤလၢၤဘၣ်. သုတပျဲတၢ်အီၣ်လၢသုအီၣ်မၤဟးဂီၤကွံာ်ပှၤတဂၤလၢခရံာ် သံလၢအဂီၢ်န့ၣ်တဂ့ၤ.

ကလၤတံ 5:12

ယဆၢလၢပှၤလၢအမၤတံာ်တာ်သုတဖၣ်ကမၤတၢ်တုၤလၢ အကတၢၢ်ဒီးအကစၢ်ဒၣ်ဝဲကဒုးကဲထီၣ်အသးလၢပှၤဒ့ဒံၣ်ဖိ တဖၣ်လီၤ.

လံာ်သိၣ်လီၤသီလီၤတၢ် 13:3

ကနၣ်ဃုာ်အီၤနီတစဲးတဂ့ၤ. ယွၤသုကစၢ်ယွၤသူအီၤလၢကမၤကွၢ် သုအဂီၢ်, ဒ်သိးကထံၣ်သ့ၣ်ညါဘၣ်ဝဲလၢမ့ၢ်သုအဲၣ်ယွၤလၢသုသးဒီဖျၢၣ် ညါကစီဒီဧါ, န့ၣ်လီၤ.

၂ တံၤမသ့း 4:14

ပှၤပိာ်တိၢ်ပိာ်ထးစီၤအလ့းစၣ်ဒြူးတဂၤမၤအၢယၤဒိၣ်မးလီၤ. ကစၢ်ကဟ့ၣ်ကၣ်အီၤဒ်အမၤတ့ၢ်တၢ်အသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:10

လၢမုၢ်ဆ့ၣ်ထီၣ်တနံၤန့ၣ်, သးအအၢအသီတဖျၢၣ်လၢအဟဲလၢကစၢ်ယွၤ ဟဲလီၤဒီးပၢၤဃာ်စီၤစီလူးသတူၢ်ကလာ်လီၤ. ဒီးအဝဲဒၣ်ကတိၤကလီကလီတၢ်ဒ်တၢ်ပျုၢ်တဂၤအသိးလၢအဟံၣ်ပူၤ န့ၣ်လီၤ. စီၤဒၤဝံးတခီဒ့တနၢ်ဒ်ညီနုၢ်မၤဝဲကိးမုၢ်နံၤအသိးန့ၣ် လီၤ. စီၤစီလူးဟံးဃးဘီတဘ့ၣ်လၢအစုပူၤ,

လံာ်စီၤၡမူၤအ့လးအခီၣ်ထံးတဘ့ၣ် 24:9

ဒီးစံး, “ဘၣ်မနုၤလၢနဒိကနၣ်ပှၤဂီၢ်မုၢ်လၢအစံးဝဲလၢ ယကျဲးစၢးမၤဆါနၤန့ၣ်လဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 25:24

ဖဲစီၤဒၤဝံးအခီၣ်ထံးဒီးစံးဘၣ်အီၤ, “တၢ်ဒိၣ်ဧၢ, ဝံသးစူၤဒိကနၣ်လၢ်ယၤတက့ၢ်. မ်ယဒိးဘၣ်တၢ်ပာ်ဒ့ၣ်ပာ်ကမၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 27:1

စီၤဒၤဝံးစံးလီၤအသး, “လၢမုၢ်နံၤတဖၣ်အံၤအပူၤတနံၤနံၤ န့ၣ်စီၤစီလူးကမၤသံယၤလီၤ. တၢ်အဂ့ၤကတၢၢ်လၢယကြၢးမၤန့ၣ်, မ့ၢ်တၢ်ဃ့ၢ်ပူၤဖျဲးဆူကီၢ်ဖလ့ၡသးအပူၤလီၤ. အန့ၣ်တစု, စီၤစီလူးကဆိကတီၢ်အတၢ်လူၤဃုယၤလၢကီၢ်အံၣ်စရ့လးအပူၤဒီးယကပူၤဖျဲးလီၤ.”