လံာ်စီၤၡမူၤအ့လးအခီၣ်ထံးတဘ့ၣ် 26:12 - Sgaw Karen Common Bible

¹² မၤသးဒ်န့ၣ်ဒီးစီၤဒၤဝံးဟံးန့ၣ်ဘီဒီးထံကိဖိလၢစီၤစီ လူးအခိၣ်အကပၤလၢစုထွဲတခီပၤ, ဒီးအဝဲဒီးစီၤအဘံၡဲၤဟးထီၣ်ကွံာ်ဝဲဒၣ်လီၤ. တၢ်မၤအသးန့ၣ်ပှၤထံၣ်မ့ၢ်ဂ့ၤ, သ့ၣ်ညါမ့ၢ်ဂ့ၤ, ဖုးသံနီၣ်ထီၣ်ဒၣ်လဲာ်မ့ၢ်ဂ့ၤတအိၣ်ဘၣ်နီတဂၤဘၣ်. အဝဲသ့ၣ်ကိးဂၤဒဲးမံဘၣ်အသးလၢတၢ်မံယိာ်အပူၤလီၤ. အဂ့ၢ်ဒ်အံၤ, ယွၤဆှၢလီၤတၢ်မံယိာ်လၢအဝဲသ့ၣ်ကိးဂၤဒဲးအလိၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:12 Iomraidhean Croise

လံာ်တၢ်ကဲထီၣ်အခီၣ်ထံး 15:12

ဒီးဖဲမုၢ်လီၤနုာ်အကတီၢ်န့ၣ်စီၤအၤဘြၣ်မံဘၣ်အသးတုၤအနၢ် လီၤယိာ်ဝဲဒီးတၢ်ပျံၤတၢ်ဖုးဖးဒိၣ်လီၤဘၣ်လၢအလိၤန့ၣ်လီၤ.

လံာ်တၢ်ကဲထီၣ်အခီၣ်ထံး 2:21

ဒီးယွၤ, ကစၢ်ယွၤဒုးလီၤဘၣ်တၢ်မံယိာ်လၢပှၤကညီအလိၤလီၤ. ဒီးဖဲအမံဝဲအခါန့ၣ်အဝဲထဲးထီၣ်န့ၢ်ပှၤကညီအဂုၢ်ဃံအကျါတဘိဒီးမၤဘၢက့ၤအညၣ်လီၤ.

လံာ်နီၢ်အ့ၤစတၢ် 6:1

ဖဲမုၢ်တနၤဃီန့ၣ်, စီၤပၤမံတန့ၢ်ဘၣ်အဃိ, အဝဲမၤလိာ်ဝဲလၢပှၤကဟဲစိာ်န့ၢ်အီၤဘီမုၢ်အတၢ်ကွဲးနီၣ် တဖၣ်ဒီးဖးန့ၢ်အီၤန့ၣ်လီၤ.

လံာ်ယၡါယၤ 29:10

ယွၤမၤဃၢတ့ၢ်သုမဲာ်ဖံးတုၤသုကလီၤဆူတၢ်မံယိာ်အပူၤလီၤ. ဝံတဖၣ်ကြၢးမ့ၢ်ပှၤဂီၢ်မုၢ်အမဲာ်ချံတဖၣ်, ဘၣ်ဆၣ်ကစၢ်ယွၤ ကးဘၢတ့ၢ်အဝဲသ့ၣ်အမဲာ်ချံလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:4

ပှၤတဖၣ်စံးဘၣ်အီၤ, “တၢ်အံၤမ့ၢ်နခွဲးနယာ်လီၤ. ယွၤစံးတ့ၢ်ဝဲလၢကပာ်နဒုၣ်နဒါလၢနစိကမီၤအဖီလာ်ဒီးနမၤအီၤ ဒ်နသးအိၣ်မၤအီၤအသိးန့ၣ်သ့ဝဲဒၣ်လီၤ.” စီၤဒၤဝံးလဲၤစွါဝဲဒီးကူးတဲာ်န့ၣ်စီၤစီလူးအဆ့ကၤဖးထီတက့လီၤ. တၢ်န့ၣ်စီၤစီလူးတသ့ၣ်ညါဝဲဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 26:13

အန့ၣ်ဝံၤဒီးစီၤဒၤဝံးခီဂာ်ဆူတၢ်တြီၤဘးခီတကပၤဆူတၢ် လူၢ်ဒီခိၣ်, ဖဲတၢ်ဒ့ၣ်စၢၤအယံၤတစဲးလၢအပူၤဖျဲးအလီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:7

မၤသးဒ်န့ၣ်ဒီး, လၢမုၢ်နၤအဝဲန့ၣ်စီၤဒၤဝံးဒီးစီၤအဘံၡဲၤ လဲၤနုာ်ဆူစီၤစီလူးအဒဲပူၤဒီးထံၣ်ဘၣ်စီၤစီလူးမံလၢတၢ်သူၣ်ဒဲ အလီၢ်အခၢၣ်သးဒီးဃုာ်ဒီးအဘီအိၣ်ဆဲးလီၤအသးလၢဟီၣ်ခိၣ်လိၤ ဘူးဒီးအခိၣ်န့ၣ်လီၤ. စီၤအဘံန့ၢ်ဒီးသုးဖိတဖၣ်မံဝးတရံးအီၤန့ၣ်လီၤ.