လံာ်စီၤၡမူၤအ့လးအခီၣ်ထံးတဘ့ၣ် 25:7 - Sgaw Karen Common Bible

⁷ အဝဲနၢ်ဟူတ့ၢ်ဝဲလၢနတံာ်နသိအဆူၣ်ဒီးအဝဲအဲၣ်ဒိးနသ့ၣ်ညါဝဲလၢ, နပှၤကွၢ်သိတဖၣ်အိၣ်ဒီးပှၤဒီးပတမၤဆါဘၣ်အဝဲသ့ၣ်ဘၣ်န့ၣ်လီၤ. တၢ်လၢအဘၣ်ဃးဒီးအဝဲသ့ၣ်န့ၣ်, ဖဲအဝဲသ့ၣ်အိၣ်ဖဲဝ့ၢ်ကၤမ့လး ဒီတကတီၢ်န့ၣ်, တဘၣ်တၢ်ဟုၣ်န့ၣ်အီၤနီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 25:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:23

ခံနံၣ်ပူၤကွံာ်အလီၢ်ခံန့ၣ် စီၤအးဘၡါလိၣ်အိၣ်ဒီးအတၢ်တံာ်အသိတဖၣ်အဆူၣ်ဖဲဝ့ၢ်ဘဧၤလးဃါစိၢ်, ဘူးဒီးဝ့ၢ်အ့ဖရဲၣ်အဃၢၤဒီး အဝဲကွဲမုာ်ကယဲၢ်စီၤပၤအဖိခွါတဖၣ်လၢအကဟဲဖဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:24

အဝဲလဲၤဝဲဆူစီၤပၤဒၤဝံးအအိၣ်, ဒီးစံးဝဲဒၣ်, “နဲဒၣ်တၢ်ဒိၣ်ကစၢ်စီၤပၤဧၢ, ပှၤတံာ်သိဆူၣ်တဖၣ်ဟဲဝဲလၢ ကတံာ်န့ၢ်ယၤလၢယသိတဖၣ်အဆူၣ်လီၤ. မ့ၢ်နၤဒီးနပဒိၣ်ပပှၢ်တဖၣ်ကဟဲဝဲဒီးမၤဃုာ်သကိးတၢ်ဒီးယၤလၢ မူးတဖၣ်အံၤအပူၤဧါ.”

လံာ်လူၤကၣ် 3:14

ပှၤသုးဖိတနီၤသံကွၢ်စ့ၢ်ကီးအီၤ, “ပဝဲတခီလဲၣ် ပကဘၣ်မၤဒ်လဲၣ်.” အဝဲဒၣ်စံးဘၣ်အဝဲသ့ၣ်, “တဘၣ်ဟံးန့ၢ်ဆူၣ်ကျိၣ်စ့လၢပှၤအိၣ်မ့ၢ်ဂ့ၤ, မ့တမ့ၢ်, ပာ်တၢ်ကမၣ်ကဘျံးကဘျၣ်လၢပှၤတဂၤဂၤအလိၤမ့ၢ်ဂ့ၤ, နီတဂၤတဂ့ၤ. သူၣ်မံသးမံဒီးသုဘူးသုလဲတက့ၢ်.”

ဖံလံးပံၤ 2:15

တုၤနုၤတစု, သုကကဲထီၣ်ပှၤလၢအတၢ်ကမၣ်တအိၣ်ဒီး စီဆှံဝဲဒ်ကစၢ်ယွၤအဖိလၢအလၢပှဲၤတဖၣ်, လၢအအိၣ်မူလၢပှၤတတီတလိၤဒီးပှၤလၢအပှဲၤဒီးတၢ်ဒဲးဘး တဖၣ်အဟီၣ်ခိၣ်ပူၤန့ၣ်လီၤ. သုကဘၣ်ကပီၤထီၣ်လၢအဝဲသ့ၣ်အကျါဒ်ဆၣ်တဖၣ်ဒုးကပီၤထီၣ်မူခိၣ် အသိး,

ဖံလံးပံၤ 4:8

တၢ်ကတိၤလၢခံကတၢၢ်န့ၣ်, ယဒီပုၢ်ဒီဝဲၢ်သ့ၣ်ဧၢ, မၤပှဲၤသုတၢ်ဆိကမိၣ်ဒီးတၢ်သ့ၣ်တဖၣ်လၢအဂ့ၤ, ဒီးကြၢးဒီးတၢ်စံးထီၣ်ပတြၢၤ, ဒ်ပစံးတၢ်အသိး, တၢ်လၢ အမ့ၢ်အတီ, တၢ်လၢအအိၣ်ဒီးအလၤအကပီၤ, တၢ်လၢအဘၣ်, တၢ်လၢအစီဆှံ, တၢ်လၢအလီၤအဲၣ်လီၤကွံ, တၢ်ဟူထီၣ်သါလီၤလၢအဂ့ၤတဖၣ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 22:2

ပှၤဂီၢ်မုၢ်လၢဘၣ်တၢ်မၤနးမၤဖှီၣ်အီၤတဖၣ်မ့ၢ်ဂ့ၤ, အဒ့ၣ်ကမၣ်အိၣ်မ့ၢ်ဂ့ၤ, အသးတမံတဖၣ်မ့ၢ်ဂ့ၤလဲၤဆူအအိၣ်, ပှၤခဲလၢာ်အဂၤလွံၢ်ကယၤဃၣ်ဃၣ်ဒီးအဝဲကဲထီၣ်အဝဲသ့ၣ်အခိၣ်အနၢ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:21

စီၤဒၤဝံးဆိကမိၣ်တ့ၢ်ဝဲ, “ဘၣ်မနုၤယဒီဒၣ်အိၣ်ပှိၤတ့ၢ်ပှၤတဂၤန့ၣ် အတၢ်စုလီၢ်ခီၣ်ခိၣ်လၢပှၢ်မုၢ်ကနၢအပူၤအံၤထီဘိန့ၣ်လဲၣ်. တၢ်ဘၣ်ဃးဒီးအီၤတဘၣ်တၢ်ဟုၣ်အီၤနီတမံၤမံၤဘၣ်. ဒီးတၢ်အံၤမ့ၢ်တၢ်အဘူးအလဲလၢအဟ့ၣ်ဆၢက့ၤဝဲလၢတၢ်မၤစၢၤလၢ ယဟ့ၣ်တ့ၢ်အီၤအဂီၢ်န့ၣ်ဧါ.