လံာ်စီၤၡမူၤအ့လးအခီၣ်ထံးတဘ့ၣ် 25:39 - Sgaw Karen Common Bible

³⁹ တုၤစီၤဒၤဝံးနၢ်ဟူဘၣ်ဝဲလၢစီၤနၤဘလးသံန့ၣ်, အဝဲစံးဝဲ, “စံးထီၣ်ပတြၢၤယွၤတက့ၢ်. အဝဲဟ့ၣ်ကၣ်က့ၤလံ စီၤနၤဘလးလၢအမၤမဲာ်ဆှးယၤအဃိ, ဒီးပၢၤဃာ်ယၤလၢအမ့ၢ်အခ့ အပှၤ, လၢတၢ်မၤကမၣ်န့ၣ်လီၤ. ယွၤစံၣ်ညီၣ်လံစီၤနၤဘလးလၢအတၢ် အၢတၢ်သီအဃိလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:39 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:16

အဂ့ၢ်ဒ်အံၤ, စီၤဒၤဝံးစံးဘၣ်တ့ၢ်ပှၤဧမၤလ့းဖိလၢ, “နဒုးလီၤဘၣ်တၢ်အံၤလၢနလိၤဒၣ်နဲလီၤ. နစံၣ်ညီၣ်ဃၣ်လီၤနသးဖဲနအၢၣ်လီၤတ့ၢ်လၢနမၤသံကွံာ်ပှၤတဂၤလၢ ယွၤဃုထၢအီၤလၢအကကဲထီၣ်စီၤပၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 2:44

ကယဲၢ်တၢ်လၢနမၤကမၣ်ဘၣ်တ့ၢ်ယပၢ်စီၤဒၤဝံးန့ၣ်နသ့ၣ်ညါဂ့ၤဂ့ၤ လီၤ. ယွၤကစံၣ်ညီၣ်နၤလၢတၢ်န့ၣ်အဂီၢ်လီၤ.

လံာ်နီၢ်အ့ၤစတၢ် 7:10

မၤသးဒ်န့ၣ်ဒီး, စီၤဟၤမၣ်ဘၣ်တၢ်ဘျးထီၣ်အီၤလၢသ့ၣ်လၢပှၤပျၤထီသံတၢ်တကျီၣ် အလိၤလၢအဝဲမၤတ့ၢ်လၢစီၤမၢ်ဒကဲၤအဂီၢ်န့ၣ်လီၤ. တုၤနုၤတစုစီၤပၤအတၢ်သးဒိၣ်စၢ်လီၤဝဲဒၣ်န့ၣ်လီၤ.

လံာ်နီၢ်အ့ၤစတၢ် 9:25

ဘၣ်ဆၣ်နီၢ်အ့ၤစတၢ်လဲၤဆူစီၤပၤအအိၣ်ဒီးစီၤပၤရၤလီၤအတၢ် မၤလိာ်တဖၣ်လၢတၢ်ကွဲးအီၤအိၣ်ဒီးတၢ်အစၢလၢစီၤဟၤမၣ် တူၢ်ဘၣ်က့ၤအတၢ်ဘူၣ်အၢတီၢ်သီလၢအကူၣ်ကျဲၤဝဲလၢပှၤ ယူဒၤဖိတဖၣ်အဂီၢ်အဝဲဒီးအဖိခွါတဖၣ်ဘၣ်တၢ်ဘျးထီၣ် အီၤလၢသ့ၣ်အလိၤန့ၣ်လီၤ.

စံးထီၣ်ပတြၢၤ 7:16

အတၢ်မၤကီမၤခဲတၢ်ကဘၣ်က့ၤဒၣ်အီၤ ဒီးအတၢ်စုဆူၣ်ခီၣ်တကး ကမၤဘၣ်ဒိက့ၤဒၣ်အီၤန့ၣ်လီၤ.

စံးထီၣ်ပတြၢၤ 9:5

နသိၣ်ဃီၣ်ပှၤလၢတဘူၣ်ထီၣ်ဘါထီၣ်နၤတဖၣ်, နမၤဟးဂီၤပှၤတတီတလိၤလံ. နတြူာ်ကွံာ်အမံၤလီၤစိၤလီၤထီလံ.

တၢ်ကတိၤဒိ. 18:22

ပှၤလၢအထံၣ်န့ၢ်အမါတဂၤန့ၣ်ထံၣ်န့ၢ်တၢ်အဂ့ၤတမံၤ, ဒီးဒိးန့ၢ်ဘၣ်တၢ်ဘျုးတၢ်ဖှိၣ်လၢယွၤလီၤ.

တၢ်ကတိၤဒိ. 19:14

ပှၤကညီတဂၤန့ၢ်သါဘၣ်ဟံၣ်ဃီဒီးကျိၣ်စ့လၢအမိၢ်အပၢ်တဖၣ်အအိၣ် သ့လီၤ. မ့မ့ၢ်ထဲယွၤတဂၤဧိၤဟ့ၣ်အီၤမါလၢအသူၣ်ထံသးဆးတဂၤသ့ဝဲ လီၤ.

တၢ်ကတိၤဒိ. 22:23

ယွၤကလိာ်ကွီၢ်တၢ်လၢအဝဲသ့ၣ်အဂီၢ်ဒီးပှၤတဂၤလၢ်လၢ်လၢ အမၤပျံၤမၤဖုးအဝဲသ့ၣ်တဖၣ်အသးသမူန့ၣ်, ယွၤကမၤပျံၤမၤဖုးက့ၤအသးသမူလီၤ.

တၢ်ကတိၤဒိ. 31:10

မါလၢအထီၣ်ဘးတဂၤန့ၣ်ပဃုထံၣ်န့ၢ်အီၤကီမးလဲၣ်. အဝဲလုၢ်ဒိၣ်ပှ့ၤဒိၣ်န့ၢ်ဒံးတၢ်မျၢ်ပလဲတဖၣ်တက့ၢ်လီၤ.

တၢ်ကတိၤဒိ. 31:30

တၢ်လီၤအဲၣ်လီၤကွံန့ၣ်လီန့ၢ်တၢ်သ့, ဒီးတၢ်ဃံတၢ်လၤန့ၣ် လီၤမၢ်ကွံာ်ဝဲလီၤ. မ့မ့ၢ်, ပိာ်မုၣ်တဂၤလၢအမၤလၤကပီၤယွၤန့ၣ်, ကြၢးဘၣ်တၢ်စံးထီၣ်ပတြၢၤအီၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 8:8

ပအိၣ်ဒီးပဒီပုၢ်ဝဲၢ်မုၣ်သးစၢ်တဂၤ, ဒီးအနုၢ်တဖၣ်ဆံးဒံးဝဲန့ၣ်လီၤ. ဖဲပိာ်ခွါသးစၢ်တဂၤဟဲဃ့အဲၣ်အီၤန့ၣ်, ပမၤတၢ်လၢအဂီၢ်ကသ့ဒ်လဲၣ်.

လံာ်မံကၤ 7:9

ပမၤတ့ၢ်တၢ်ဒဲးဘးထီဒါယွၤလီၤ. မၤသးဒ်န့ၣ်ဒီးခဲကနံၣ်အံၤပကဘၣ်တူၢ်အတၢ်သးဒိၣ်တစိၢ်တလီၢ် လီၤ. ဘၣ်ဆၣ်လၢခံကတၢၢ်န့ၣ်အဝဲဒၣ်ကလိာ်န့ၢ်ပကွီၢ်ဒီးမၤတၢ် စံၣ်ညီၣ်တီလၢပဂီၢ်လီၤ. အဝဲကဒုးဟဲထီၣ်ပှၤဆူတၢ်ကပီၤအပူၤ, ဒီးပကအိၣ်မူဒ်သိးပကထံၣ်ဘၣ်အတၢ်အုၣ်က့ၤခီၣ်က့ၤပှၤလီၤ.

၂ ကရံၣ်သူး 13:7

ပဃ့ဘါထုကဖၣ်တၢ်ဆူကစၢ်ယွၤအအိၣ်ဒ်သိးသုသုတမၤ ကမၣ်တၢ်နီတမံၤတဂ့ၤ. တမ့ၢ်ဒ်သိးအကအိၣ်ဖျါလၢ ပမၤနၢၤတၢ်ဘၣ်. မ့မ့ၢ်, ဒ်သိးပမ့ၢ်အိၣ်ဖျါဒ်ပှၤလီၤတိၢ်တဖၣ်သနာ်က့, သုကမၤတၢ်လၢအကြၢးအဘၣ်အဂီၢ်န့ၣ်လီၤ.

၁ သ့းစၤလနံ 5:23

မ်ကစၢ်ယွၤလၢအဟ့ၣ်ပှၤတၢ်ဃူတၢ်ဖိးတဂၤန့ၣ်မၤစီထီၣ်ဆှံ ထီၣ်သုလၢလၢပှဲၤပှဲၤဒီးဒုးပူၤဖျဲးသုနီၢ်ဒီဂၤညါသး, သးသမူဒီးနီၢ်ခိ, လၢတၢ်ကမူၤကမၣ်ကိးမံၤဒဲး, ဖဲပကစၢ်ယ့ၣ်ၡူးခရံာ်ဟဲက့ၤန့ၣ်တက့ၢ်.

၂ တံၤမသ့း 4:18

ဒီးကစၢ်ကမၤပူၤဖျဲးယၤလၢတၢ်အၢတၢ်သီခဲလၢာ်ဒီးကဟံးန့ၢ် ဒီးဆှၢယၤပူၤပူၤဖျဲးဖျဲး ဆူအမူခိၣ်ဘီမုၢ်အပူၤလီၤ. မ်တၢ်လၤကပီၤဘၣ်အီၤအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.

လံာ်ပှၤစံၣ်ညီၣ်ကွီၢ် 5:2

စံးထီၣ်ပတြၢၤယွၤတက့ၢ်. ပှၤအံၣ်စရ့လးဖိတဖၣ်ပာ်လီၤအသးလၢကဒုးတၢ်ဒီး ပှၤဂီၢ်မုၢ်ဟ့ၣ်လီၤအသးလၢတၢ်သူၣ်အိၣ်သးအိၣ်ဒီးလၢတၢ်သးခုအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:15

ယွၤကစံၣ်ညီၣ်တၢ်လီၤ. ဒီးအဝဲကနီၤဖးတၢ်လၢနၤဒီးယၤအံၤ မ့ၢ်မတၤကမၣ်လဲၣ်န့ၣ်လီၤ. မ်အကွၢ်နုာ်ဃီၤဆူတၢ်ဂ့ၢ်ပူၤ, ဒီဒၣ်အိၣ်ပှိၤယၤဒီးအုၣ်က့ၤခီၣ်က့ၤယၤလၢနစုပူၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 25:26

ပှၤလၢအပၢၤဃာ်နၤလၢတၢ်ဟ့ၣ်ကၣ်က့ၤဒီးမၤသံကွံာ်နဒုၣ်နဒါ တဖၣ်န့ၣ်မ့ၢ်ယွၤလီၤ. ဒီးခဲအံၤယဆိၣ်တၢ်ဒီးနၤလၢယွၤလၢအမူဝဲတဂၤအမံၤအပူၤ, လၢနဒုၣ်နဒါတဖၣ်ဒီးကယဲၢ်ပှၤသးအိၣ်မၤအၢမၤသီနၤဒ်စီၤနၤ ဘလးအသိးန့ၣ်, မ်အဘၣ်တၢ်စံၣ်ညီၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 25:32

စီၤဒၤဝံးစံးဘၣ်အီၤ, “မ်ယွၤ, ကီၢ်အံၣ်စရ့လးအကစၢ်ယွၤလၢ အဆှၢလီၤနၤဒ်သိးနကထံၣ်လိာ်ဒီးယၤန့ၣ် ဘၣ်တၢ်စံးထီၣ်ပတြၢၤအီၤတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 25:34

ယွၤတြီဃာ်ယၤလၢတၢ်မၤဆါဘၣ်သုလီၤ. ဘၣ်ဆၣ်ဒီးယဆိၣ်တၢ်လၢ ကီၢ်အံၣ်စရ့လးအကစၢ်ယွၤလၢအမူဝဲတဂၤအမံၤလၢနမ့ၢ်တမၤတ့ၢ် နဲချ့ချ့လၢနကထံၣ်လိာ်ယၤဘၣ်ဒီးကယဲၢ်စီၤနၤဘလးအပှၤပိာ် ခွါတဖၣ်န့ၣ်တုၤမုၢ်ဆ့ၣ်ထီၣ်ဒီးကသံဝဲကိးဂၤဒဲးလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:40

အခ့အပှၤတဖၣ်လဲၤဆူနီၢ်အဘံၤကါယံးလးအအိၣ်လၢဝ့ၢ်ကၤမ့လး ဒီးစံးဘၣ်အီၤ, အန့ၣ်ဒီးစီၤဒၤဝံးဆှၢလီၤပှၤဒ်သိးပကက့ၤကိးနၤဆူအအိၣ်လၢ နကကဲထီၣ်အမါလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 26:10

စီၤဒၤဝံးစံးကဒီးဝဲဆူညါ, “ခီဖျီယွၤလၢအမူဝဲတဂၤ န့ၣ်, ယသ့ၣ်ညါလၢယွၤအနီၢ်ကစၢ်ဒၣ်ဝဲကမၤသံစီၤစီလူးဖဲအမုၢ်နံၤ တုၤဃီၤဝဲလၢကဘၣ်သံဒ်ပှၤဟီၣ်ခိၣ်ဖိအန့ဆၢၣ်မ့ၢ်ဂ့ၤ, ကဘၣ်သံဝဲလၢတၢ်ဒုးတၢ်ယၤအဃိမ့ၢ်ဂ့ၤန့ၣ်လီၤ.