လံာ်စီၤၡမူၤအ့လးအခီၣ်ထံးတဘ့ၣ် 25:36 - Sgaw Karen Common Bible

³⁶ နီၢ်အဘံၤကါယံးလးက့ၤဆူစီၤနၤဘလးအအိၣ်, ဖဲအမၤတၢ်အီၣ်အမူးဖးဒိၣ်ကြၢးဝဲလၢစီၤပၤတဂၤအဂီၢ်လၢအဟံၣ်န့ၣ်လီၤ. အဝဲအီမူၤအသးလၢသံးဒီးအိၣ်လၢတၢ်သးဖှံအပူၤလီၤ. လၢတၢ်န့ၣ်အဃိတချုးတုၤလၢမုၢ်ဆ့ၣ်ထီၣ်တနံၤဒံးဘၣ်ဒီးပိာ်မုၣ်န့ၣ် တတဲဘၣ်အီၤလၢတၢ်နီတမံၤဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:36 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:23

ခံနံၣ်ပူၤကွံာ်အလီၢ်ခံန့ၣ် စီၤအးဘၡါလိၣ်အိၣ်ဒီးအတၢ်တံာ်အသိတဖၣ်အဆူၣ်ဖဲဝ့ၢ်ဘဧၤလးဃါစိၢ်, ဘူးဒီးဝ့ၢ်အ့ဖရဲၣ်အဃၢၤဒီး အဝဲကွဲမုာ်ကယဲၢ်စီၤပၤအဖိခွါတဖၣ်လၢအကဟဲဖဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:28

ဒီးမၤလိာ်ပိာ်လီၤအခ့အပှၤတဖၣ်ဒ်အံၤ, ဖဲစီၤအၤမနိၣ် မုာ်လၤလၢတၢ်အီစပံးထံအါမးအခါန့ၣ်, ပာ်သူၣ်ပာ်သး, ဒီးတုၤယဟ့ၣ်လီၤယကလုၢ်န့ၣ်, မၤသံကွံာ်အီၤတက့ၢ်. ပျံၤတၢ်တဂ့ၤ. ယကဟံးန့ၢ်မူဒါလၢယနီၢ်ကစၢ်ဒၣ်ယဲလီၤ. အိၣ်ဒီးတၢ်သးဒူဒီးမၤသုသးယၢ်တံၢ်ယၢ်တၢၤတဂ့ၤ.

လံာ်စီၤၡမူၤအ့လးခံဘ့ၣ်တဘ့ၣ် 3:20

ဖဲစီၤအဘံန့ၢ်ဟဲတုၤလၢစီၤဒၤဝံးအအိၣ်ဖဲဝ့ၢ်ဃ့ဘြိၣ်ဃုာ် ဒီးအပှၤအဂၤခံဆံန့ၣ်စီၤဒၤဝံးမၤတၢ်အီၣ်တၢ်အီအမူးဖးဒိၣ်တခါ လၢအဝဲသ့ၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 20:16

တၢ်ဒုးစးထီၣ်မၤအသးဖဲမုၢ်ထူၣ်အကတီၢ်ဖဲစီၤဘ့ၣ်ဟဒးဒီး အသိၣ်အမှံၤသၢဆံဂၤအီမူၤအသးလၢဒဲတဖၣ်အပူၤအခါန့ၣ်လီၤ.

စံးထီၣ်ပတြၢၤ 112:5

ပှၤလၢအသူၣ်အိၣ်သးအိၣ်တၢ်ဒီးဟ့ၣ်လိၢ်တၢ်, ပှၤလၢမၤအတၢ်ဖံးတၢ်မၤလၢ တၢ်စံၣ်ညီၣ်တီအပူၤန့ၣ်ဘၣ်ဆိၣ် ဂ့ၤဝဲလီၤ.

တၢ်ကတိၤဒိ. 20:1

တၢ်အီမူၤသံးဒုးကဲထီၣ်နၤလၢပှၤတၢထီၣ်တၢလီၤဒီးပှၤ ဟးဂီၤဖိလီၤ. တၢ်အီၤမူၤအီဘှီးန့ၣ်မ့ၢ်တၢ်မၢးလီၤ.

လံာ်ပှၤစံၣ်တဲၤတဲလီၤတၢ် 10:19

အီၣ်တၢ်အီတၢ်မၤသူၣ်ဖှံသးညီနၤဒီးစပံးထံမၤသးဖှံထီၣ် နၤလီၤ. ဘၣ်ဆၣ်စ့မ့ၢ်တအိၣ်ဘၣ်ဒီးနမၤတၢ်န့ၣ်တန့ၢ်နီတမံၤဘၣ်.

လံာ်ယၡါယၤ 28:3

ခိၣ်နၢ်လၢအမူၤသံးတဖၣ်အတၢ်ပာ်ထီၣ်ထီသးန့ၣ်ကဘၣ် တၢ်ယီၢ်တံၢ်အီၤလၢပှၤအခီၣ်ဖီလာ်လီၤ.

လံာ်ယၡါယၤ 5:11

သုဘၣ်တၢ်စံၣ်ညီၣ်ဃါမနၤလီၤ. သုပၢၢ်ထီၣ်လၢဂီၤထၢၣ်သၢဒ်သိး သုကစးထီၣ်အီသံးအဂီၢ်ဒီးသုမၤလၢာ်ဖးထီတၢ်ဆၢက တီၢ်လၢမုၢ်ဟါလၢတၢ်မူၤတၢ်ဘှီးအပူၤလီၤ.

လံာ်ယံးရမံယၤ 51:57

ယကဒုးအီၤမူအီဘှီးအပှၤပၢတၢ်တဖၣ် လၢအမ့ၢ်ပှၤလၢ အကူၣ်တၢ်သ့, ခိၣ်နၢ်တဖၣ်ဒီး သုးဖိသံၣ်ဖိတဖၣ်န့ၣ်လီၤ. အဝဲသ့ၣ်ကမံဝဲဒီး တဖုသံနီၣ်ထီၣ်နီတစုလၢၤဘၣ်. ယၤ, စီၤပၤအံၤ, ကတိၤလံတၢ်လံ. ယမ့ၢ်ယွၤသ့တၢ်လၢာ်န့ၣ်လီၤ.

လံာ်ဟိၤၡ့ 4:11

ယွၤစံးဝဲဒၣ်, စပံးထံအလီၢ်လံၤဒီးအသီခံမံၤလိာ်ဂုာ်ကွံာ်လံ ယပှၤဂီၢ်မုၢ်အစ့ၣ်တဖၣ်လံ.

လံာ်နၤဃူၣ် 1:10

ဒ်မ့ၣ်အူအီၣ်ကွံာ်တၤဆှုၣ်တၤမဲဘံဘူအသးတဖၣ် ဒီးဘုလီၢ်ခိၣ်ဆၢၣ်အဃ့အသိးန့ၣ်, သုဝဲပှၤအီမူၤအသးသ့ၣ်တဖၣ်ဒီးသုတၢ်အိတၢ်အီၣ်တဖၣ် မ့ၣ်အူကအီၣ်ကွံာ်န့ၣ်လီၤ.

လံာ်မးသဲ 10:16

ကနၣ်တက့ၢ်. ယဆှၢလီၤသုဒ်သိအသိး ဆူထွံၣ်မံၤတဖၣ်အကျါလီၤ. လၢတၢ်န့ၣ်အဃိသုကဘၣ်ကူၣ်သ့ဒ်ဂုၢ် ဒီးတကူၣ်အၢဘၣ်တၢ်ဒ်ထိၣ်လွံၢ်အသိးလီၤ.

လံာ်လူၤကၣ် 14:12

အန့ၣ်ဝံၤဒီးယ့ၣ်ၡူးစံးဘၣ်ဟံၣ်ကစၢ်လၢအတူၢ်လိာ်အီၤတဂၤန့ၣ်, “ဖဲနကတဲာ်ကတီၤမုၢ်ဆါခီအတၢ်အီၣ်မ့တမ့ၢ်ဟါအတၢ်အီၣ်န့ၣ်, နတံၤသကိးတဖၣ်မ့ၢ်ဂ့ၤ, နဒီပုၢ်ဝဲၢ်ခွါတဖၣ်မ့ၢ်ဂ့ၤ, နဘူးနတံၢ်တဖၣ်မ့ၢ်ဂ့ၤ, ပှၤလၢနဃၢၤအထူးအတီၤတဖၣ်မ့ၢ်ဂ့ၤ, တဘၣ်ကွဲအီၤတဂ့ၤ. အဂ့ၢ်ဒ်အံၤ, အဝဲသ့ၣ်ကကွဲကဒါက့ၤနၤ, ဒီးလၢကျဲဒ်အံၤအပူၤ, နကဘၣ်တၢ်ဟ့ၣ်ဘူးဟ့ၣ်လဲနၤလၢတၢ်လၢနမၤနဲအဃိန့ၣ်လီၤ.

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.

ရိမ့ၤ 13:13

မ်ပကအိၣ်မူဂ့ၤဂ့ၤဘၣ်ဘၣ်ဒ်ပှၤတဖၣ်လၢအလဲၤတၢ်လၢ မုၢ်ဆါအတၢ်ကပီၤအပူၤအသိးန့ၣ်တက့ၢ်. မ်ပကဟးဆှဲးတၢ်မၤပွဲဧိၤလီဧိၤလၢအအိၣ်ဒီးတၢ်အီမူၤ အီဘှီး, တၢ်အိၣ်မူလီၤရၢၢ်လီၤစၢၢ်, တၢ်ကလုာ်ကလိၤ, တၢ်အ့ၣ်လိာ်ဆိးက့လိာ်ဒီးတၢ်သူၣ်က့ၣ်သးကါတဖၣ် န့ၣ်တက့ၢ်.

အ့းဖ့းစူး 5:14

အဂ့ၢ်ဒ်အံၤ, တၢ်တမံၤလၢ်လၢ်လၢအဘၣ်တၢ်လီၣ်ဖျါထီၣ်အီၤ ဆှံဆှံန့ၣ်ကဲထီၣ်တၢ်ကပီၤလီၤ. လၢတၢ်န့ၣ်အဃိတၢ်စံးတ့ၢ်ဝဲ, ပှၤလၢအမံနၤဧၢ, ဖုသံနီၣ်တက့ၢ်. ဂဲၤဆၢထၢၣ်က့ၤလၢတၢ်သံတက့ၢ်. ဒီးခရံာ်ကဒုးကပီၤထီၣ်အတၢ်ကပီၤလၢနလိၤလီၤ.

အ့းဖ့းစူး 5:18

တဘၣ်အီမူၤသုသးလၢစပံးထံတဂ့ၤ. တၢ်န့ၣ်မ့ၢ်ဒၣ်တၢ်လၢအကမၤဟးဂီၤသုလီၤ. မ့မ့ၢ်အိၣ်လၢပှဲၤဒီးယွၤအသးန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 25:19

အန့ၣ်ဝံၤဒီးအဝဲစံးဘၣ်အခ့အပှၤတဖၣ်, “လဲၤပာ်သုဝဲလၢညါဒီးယကပိာ်ထီၣ်သုခံလီၤ.” မ့မ့ၢ်အဝၤန့ၣ်တတဲဘၣ်ဝဲတၢ်နီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 25:37

အန့ၣ်ဝံၤဒီး, ဖဲအအိၣ်ဘၣ်လီၢ်ဘၣ်စးက့ၤဝဲန့ၣ်နီၢ်အဘံၤကါ ယံးလးတဲဘၣ်အီၤတၢ်ကိးမံၤဒဲးန့ၣ်လီၤ. အဝဲဘၣ်န့ၢ်ကလံၤဒိဘၣ်အီၤအတၢ်ဆါဒီးအနီၢ်ခိဟူးဂဲၤတန့ၣ်လၢၤနီတစဲးဘၣ်န့ၣ်လီၤ.