လံာ်စီၤၡမူၤအ့လးအခီၣ်ထံးတဘ့ၣ် 25:35 - Sgaw Karen Common Bible

³⁵ အန့ၣ်ဝံၤဒီးစီၤဒၤဝံးတူၢ်လိာ်တၢ်လၢပိာ်မုၣ်န့ၣ်ဟဲစိာ်န့ၢ်အီၤ ဒီးစံးဘၣ်ပိာ်မုၣ်န့ၣ်, “က့ၤဆူဟံၣ်ဒီးဘၣ်ကိၢ်ဘၣ်ဂီၤတဂ့ၤ. ယကမၤတၢ်လၢနသးလီအီၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:35 Iomraidhean Croise

လံာ်တၢ်ကဲထီၣ်အခီၣ်ထံး 19:21

ဒီးအဝဲဒၣ်စံးဆၢအီၤ, “ဂ့ၤလံ, ယဘၣ်သူၣ်ဘၣ်သးလီၤ. ယတမၤဟးဂီၤဝ့ၢ်န့ၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 15:9

စီၤပၤစံးဝဲဒၣ်, “လဲၤမုာ်မုာ်တက့ၢ်.” မၤသးဒ်န့ၣ်ဒီး, စီၤအးဘၡါလိၣ်လဲၤဆူဝ့ၢ်ဃ့ဘြိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 5:19

စီၤအလံၤၡါစံးဝဲဒၣ်, “လဲၤတၢ်မုာ်မုာ်တက့ၢ်.” ဒီးစီၤနဧၤမၣ်ဟးထီၣ်ကွံာ်ဝဲန့ၣ်လီၤ. ဖဲအဝဲလဲၤတ့ၢ်ယံၤ ဒံးထဲတစဲးဧိၤန့ၣ်,

လံာ်စီၤယိၤဘး 34:19

အဝဲတကွၢ်မဲာ်ဘၣ်ပှၤပၢတၢ်သ့ၣ်တဖၣ်ဒီးတပာ်ဒိၣ်ပာ်ဂ့ၤဘၣ် ပှၤထူးပှၤတီၤလၢပှၤဖီၣ်ဖိယာ်ဖိအဖီခိၣ်န့ၣ်ဘၣ်. အဂ့ၢ်ဒ်အံၤအဝဲတ့လီၤပှၤကိးဂၤဒဲးလီၤ.

တၢ်ကတိၤဒိ. 25:11

တၢ်ကတိၤလၢအဘၣ်တၢ်ကတိၤအီၤဘၣ်ဘျီးဘၣ်ဒါန့ၣ်လီၤဂာ်ဒီး သၣ်သွံထူတဖၣ်အိၣ်ဝဲလၢတြၤစ့အပူၤအသိးန့ၣ်လီၤ.

လံာ်လူၤကၣ် 7:50

ဘၣ်ဆၣ်ဒီးယ့ၣ်ၡူးစံးဘၣ်ပိာ်မုၣ်တဂၤန့ၣ်, “နတၢ်စူၢ်တၢ်နာ်အုၣ်က့ၤခီၣ်က့ၤနၤလံ. က့ၤက့ၤနဲလၢတၢ်သူၣ်မုာ်သးမုာ်အပူၤတက့ၢ်.”

လံာ်လူၤကၣ် 8:48

ယ့ၣ်ၡူးစံးဘၣ်ပိာ်မုၣ်န့ၣ်, “ယဖိမုၣ်ဧၢ, နတၢ်စူၢ်တၢ်နာ်မၤဘျါက့ၤနၤလံ, က့ၤက့ၤနဲလၢတၢ်သူၣ်မုာ်သးမုာ်အပူၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 1:17

စီၤဧ့လံၤစံးဝဲ, “လဲၤမုာ်မုာ်တက့ၢ်. ဒီးမ်အံၣ်စရ့လး အကစၢ်ယွၤဟ့ၣ်နၤတၢ်လၢနဃ့တ့ၢ်အီၤန့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 20:42

အန့ၣ်ဝံၤဒီးစီၤယိနၤသၣ်စံးဘၣ်စီၤဒၤဝံး, “ကစၢ်ယွၤအိၣ်ဒီးနၤလီၤ. ယွၤကမၤလီၤတံၢ်ဝဲလၢနၤဒီးယၤ, ဒီးနစၢၤနသွဲၣ်ဒီး, ယစၢၤယသွဲၣ်တဖၣ်ကဟံးဃာ်အတၢ်အၢၣ်လီၤစီ ဆှံလၢပမၤတ့ၢ်အီၤယၢ်ခီယၢ်ခီန့ၣ်လီၤ.” အန့ၣ်ဝံၤဒီးစီၤဒၤဝံးဟးထီၣ်ဝဲဒီး စီၤယိနၤသၣ်က့ၤကဒါက့ၤဆူဝ့ၢ်ပူၤန့ၣ်လီၤ.