လံာ်စီၤၡမူၤအ့လးအခီၣ်ထံးတဘ့ၣ် 25:33 - Sgaw Karen Common Bible

³³ ယစံးဘျုးယွၤလၢနအိၣ်ဒီးတၢ်သးဆးဂ့ၤဒီးလၢတၢ်လၢနမၤတ့ၢ်အီၤတနံၤအံၤ ဒ်သိးကတြီဃာ်ယၤလၢတၢ်မၤသံတၢ်အတၢ်ကမၣ်ဒီးလၢ ယကဟ့ၣ်ကၣ်က့ၤတၢ်လၢယကစၢ်ဒၣ်ယဲအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:33 Iomraidhean Croise

စံးထီၣ်ပတြၢၤ 141:5

မ်ပှၤအတီအလိၤတီၢ်ယၤ မ့တမ့ၢ်သိၣ်ဃီၣ်ယၤလၢ တၢ်သးကညီၤအပူၤန့ၣ်တက့ၢ်. မ်ပှၤအအၢအသီအသိအသုတဘၣ်တၢ်ဖှူအီၤလၢ ယခိၣ်နီတဘျီတဂ့ၤ. အဂ့ၢ်ဒ်အံၤ, ယထုကဖၣ်တၢ်ထီဒါ အတၢ်အၢတၢ်သီတဘိယူၢ်ဃီန့ၣ်လီၤ.

လံာ်တၢ်ဟးထီၣ်ကွံာ် 22:2

အဝဲကဘၣ်ဟ့ၣ်တၢ်အပှ့ၤလၢတၢ်လၢအဟုၣ်န့ၢ်ဝဲအဂီၢ်န့ၣ်လီၤ. အဝဲအတၢ်မ့ၢ်တအိၣ်နီတမံၤဘၣ်ဒီးကဘၣ်တၢ်ဆါလီၤကွံာ် အီၤဒ်ကုၢ်တဂၤအသိးလၢတၢ်ကလိးတၢ်လၢအဟုၣ်တ့ၢ်ဝဲ တမံၤန့ၣ်အပှ့ၤအဂီၢ်လီၤ.

တၢ်ကတိၤဒိ. 13:14

ပှၤကူၣ်သ့အတၢ်သိၣ်တၢ်သီတဖၣ်န့ၣ်မ့ၢ်တၢ်မူအထံထီၣ်ပၢၢ်လီၤ. ကမၤစၢၤနၤဒ်သိးနကပူၤဖျဲးဖဲနသးသမူအိၣ်လၢတၢ်လီၤဘၣ်ယိာ် အပူၤန့ၣ်လီၤ.

တၢ်ကတိၤဒိ. 17:10

ပှၤသူၣ်ဆးသးဆးတဂၤမၤလိန့ၢ်တၢ်ခီဖျိတၢ်သိၣ်ဃီၣ်တထံၣ်ဒိၣ် န့ၣ်ဒံးပှၤဟးဂီၤဖိတဂၤမၤလိန့ၢ်တၢ်ခီဖျိတၢ်တီၢ်အီၤအဘီ တကယၤတက့ၢ်လီၤ.

တၢ်ကတိၤဒိ. 25:12

ပှၤလၢအတၢ်လဲၤခီဖျိအါတဂၤအတၢ်ဟ့ၣ်ပလီၢ်တထံၣ်ဆူ ပှၤတဂၤဂၤလၢအသးအိၣ်ဒိကနၣ်အီၤန့ၣ်, လုၢ်ဒိၣ်ပှ့ၤဒိၣ်အါန့ၢ်ဒံးပသံးထူတဖၣ်မ့ၢ်ဂ့ၤ, တၢ်ကယၢကယဲ လၢအဘၣ်တၢ်မၤအီၤလၢထူစီမ့ၢ်ဂ့ၤတက့ၢ်န့ၣ်လီၤ.

တၢ်ကတိၤဒိ. 27:21

ထူဒီးစ့ဘၣ်တၢ်မၤကွၢ်အီၤလၢမ့ၣ်အူလီၤ. ပှၤကညီတဂၤအမံၤဂ့ၤသၣ်ဂ့ၤဘၣ်တၢ်မၤကွၢ်အီၤသ့စ့ၢ်ကီးန့ၣ်လီၤ.

တၢ်ကတိၤဒိ. 28:23

သိၣ်ဃီၣ်ပှၤတဂၤဂၤတက့ၢ်. ဒီးလၢခံက့ၤန့ၣ်အဝဲဒၣ်ကဘၣ်သူၣ်ဘၣ်သးအီၤ အါန့ၢ်ဒံးတၢ်ကတိၤပတြၢၤမုာ်နၢ်တက့ၢ်န့ၣ်လီၤ.

တၢ်ကတိၤဒိ. 9:9

တၢ်တမံၤဂ့ၤတမံၤဂ့ၤလၢနစံးဘၣ်တဲဘၣ်ပှၤကူၣ်သ့တဂၤန့ၣ်, ကဒုးကူၣ်သ့အါထီၣ်အီၤလီၤ. တၢ်တမံၤဂ့ၤတမံၤဂ့ၤလၢနတဲဘၣ် ပှၤတီပှၤလိၤတဂၤန့ၣ်, ကပာ်ဖှိၣ်အါထီၣ်အတၢ်သ့ၣ်ညါနၢ်ပၢၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:19

ပှၤတဂၤကဖီၣ်န့ၢ်အဒုၣ်အဒါဒီးပျဲအဟးထီၣ်ပူၤဖျဲးကွံာ်တအိၣ် ဒီးတၢ်မၤဘၣ်အီၤန့ၣ်ကသ့ဧါ. မ်ယွၤဆိၣ်ဂ့ၤနၤလၢတၢ်လၢနမၤဘၣ်ယၤတနံၤအံၤ, အဃိန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 25:26

ပှၤလၢအပၢၤဃာ်နၤလၢတၢ်ဟ့ၣ်ကၣ်က့ၤဒီးမၤသံကွံာ်နဒုၣ်နဒါ တဖၣ်န့ၣ်မ့ၢ်ယွၤလီၤ. ဒီးခဲအံၤယဆိၣ်တၢ်ဒီးနၤလၢယွၤလၢအမူဝဲတဂၤအမံၤအပူၤ, လၢနဒုၣ်နဒါတဖၣ်ဒီးကယဲၢ်ပှၤသးအိၣ်မၤအၢမၤသီနၤဒ်စီၤနၤ ဘလးအသိးန့ၣ်, မ်အဘၣ်တၢ်စံၣ်ညီၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 25:31

အန့ၣ်တစု, တၢ်ဒိၣ်ဧၢ, နတဘၣ်ပီၢ်ယၢ်လီၤက့ၤနသးမ့ၢ်ဂ့ၤ, သးတမုာ်မ့ၢ်ဂ့ၤလၢနတမၤသံဘၣ်ပှၤလၢတၢ်ဂ့ၢ်တၢ်ကျိၤတအိၣ်ဘၣ် မ့ၢ်ဂ့ၤ, လၢတၢ်ဟ့ၣ်ကၣ်က့ၤတၢ်လၢနနီၣ်ကစၢ်ဒၣ်နဲအဂီၢ်မ့ၢ်ဂ့ၤအဃိန့ၣ်ဘၣ်. ဒီးဖဲယွၤဆိၣ်ဂ့ၤတ့ၢ်နၤန့ၣ်, တၢ်ဒိၣ်ဧၢ, ဝံသးစူၤသးပ့ၤနီၣ်ယၤတဂ့ၤ.”