လံာ်စီၤၡမူၤအ့လးအခီၣ်ထံးတဘ့ၣ် 25:3 - Sgaw Karen Common Bible

³ ပှၤအိၣ်ဝဲတဂၤလၢစီၤကၤလ့းအဒူၣ်ထၢပူၤဒီးအမံၤမ့ၢ်စီၤနၤ ဘလး, ပှၤအိၣ်လၢဝ့ၢ်မၤဧိၣ်ဒီးမ့ၢ်ပှၤအိၣ်ဒီးဟီၣ်ခိၣ်ကဝီၤဘူးဒီး ဝ့ၢ်ကၤမ့လးလီၤ. အဝဲမ့ၢ်ပှၤထူးပှၤတီၤဖးဒိၣ်တဂၤလၢ အမ့ၢ်ပှၤအိၣ်ဒီးသိအဒုသၢကထိဒီးမဲာ်တဲးလဲးအဒုတကထိလီၤ. အမါနီၢ်အဘံၤကယံးလးမ့ၢ်ပှၤဒိၣ်တၢ်ဃံလၤဒီးအသူၣ်ဆးအသးဆး တဂၤလီၤ. မ့မ့ၢ်အဝဲဒၣ်မ့ၢ်ပှၤအသူၣ်အၢပှၤအသးသီ ဒီးပှၤကတိၤတၢ်ဆူၣ်ဆူၣ်ကိၤကိၤတဂၤလီၤ. စီၤနၤဘလးတံာ်အသိအဆူၣ်လၢဝ့ၢ်ကၤမ့လးအပူၤ,

လံာ်စီၤၡမူၤအ့လးအခီၣ်ထံးတဘ့ၣ် 25:3 Iomraidhean Croise

လံာ်တၢ်ကဲထီၣ်အခီၣ်ထံး 12:11

ဖဲအဝဲဘူးကခီဃီၤဝဲကီၢ်ဆၢဆူကီၢ်အဲၤကူပတူးအပူၤန့ၣ်အဝဲ စံးဘၣ်အမါနီၢ်စၤရဲ, “နမ့ၢ်ပိာ်မုၣ်အဃံအလၤတဂၤလီၤ.

စံးထီၣ်ပတြၢၤ 10:3

အဂ့ၢ်ဒ်အံၤ, ပှၤတတီတလိၤန့ၣ်ပာ်ကဖိအသးလၢအသးအတၢ်ဆၢ န့ၢ်အအၢအသီတဖၣ်အဃိ, ဒီးပှၤလၢအသူၣ်လီသးကွံတၢ်အါန့ၣ်, ဆိၣ်အၢတၢ်ဒီးညိကွံာ်ယွၤလီၤ.

တၢ်ကတိၤဒိ. 14:1

ဟံၣ်တဖၣ်ဘၣ်တၢ်မၤထီၣ်အီၤလၢပိာ်မုၣ်တဖၣ်အတၢ်ကူၣ်သ့, ဘၣ်ဆၣ်, ဘၣ်တၢ်မၤဟးဂီၤအီၤလၢတၢ်သူၣ်တဆးသးတဆးန့ၣ်လီၤ.

တၢ်ကတိၤဒိ. 19:14

ပှၤကညီတဂၤန့ၢ်သါဘၣ်ဟံၣ်ဃီဒီးကျိၣ်စ့လၢအမိၢ်အပၢ်တဖၣ်အအိၣ် သ့လီၤ. မ့မ့ၢ်ထဲယွၤတဂၤဧိၤဟ့ၣ်အီၤမါလၢအသူၣ်ထံသးဆးတဂၤသ့ဝဲ လီၤ.

တၢ်ကတိၤဒိ. 30:22

ကုၢ်တဂၤလၢအကဲထီၣ်စီၤပၤ, ပှၤအမၢးတဂၤလၢအအိၣ်ဒီးကယဲၢ်တၢ်လၢအအဲၣ်ဒိးအီၣ်ဝဲ,

တၢ်ကတိၤဒိ. 31:10

မါလၢအထီၣ်ဘးတဂၤန့ၣ်ပဃုထံၣ်န့ၢ်အီၤကီမးလဲၣ်. အဝဲလုၢ်ဒိၣ်ပှ့ၤဒိၣ်န့ၢ်ဒံးတၢ်မျၢ်ပလဲတဖၣ်တက့ၢ်လီၤ.

တၢ်ကတိၤဒိ. 31:26

အဝဲကတိၤတၢ်အိၣ်ဒီးတၢ်ကတိၤကပုာ်လုးဖိလၢတၢ်ကူၣ်သ့ တမံၤအပူၤန့ၣ်လီၤ.

လံာ်စီၤယိၤၡူ 15:13

ဒ်ယွၤမၤလိာ်စီၤမိၤၡ့အသိး, ပှၤယူဒၤဖိအကီၢ်တနီၤဘၣ်တၢ်ဟ့ၣ်လီၤအီၤဆူစီၤယဖူန့ၤအဖိ ခွါစီၤကၤလ့းလၢယူဒၤအဒူၣ်တခီန့ၣ်လီၤ. အဝဲဒိးန့ၢ်ဘၣ်ဃ့ဘြိၣ်, ဝ့ၢ်လၢအဘၣ်ဃးဒီးစီၤအၢ်ဘၤလၢအမ့ၢ်စီၤဧနးအပၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:17

ဆိကမိၣ်ကွၢ်တၢ်အံၤဒီးစံၣ်ညီၣ်တဲာ်တၢ်လၢနကဘၣ်မၤအီၤတက့ၢ်. တၢ်အံၤကဲထီၣ်တၢ်တတၢးတနါလၢပကစၢ်အဂီၢ်ဒီးအဒူၣ်ဖိ ထၢဖိခဲလၢာ်အဂီၢ်သ့ဝဲလီၤ. အဝဲဒၣ်အခိၣ်ကိၤအၢသီတုၤဒၣ်လဲာ်တကနၣ်ဘၣ်ပှၤနီတဂၤဘၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:25

ဝံသးစူၤပာ်သူၣ်ပာ်သးဒီးကနၣ်ဃုာ်စီၤနၤဘလးန့ၣ်တဂ့ၤ. အဝဲတဂ့ၤလၢတၢ်နီတမံၤအဂီၢ်ဘၣ်. ဒ်အမံၤအခီပညီလၢအမ့ၢ်တၢ်ပျုၢ်အသိးန့ၣ်အဝဲမ့ၢ်နီၢ်နီၢ်ပှၤ အမၢးတဂၤလီၤ. တၢ်ဒိၣ်ဧၢ, ဖဲနခ့နပှၤတဖၣ်ဟဲတုၤန့ၣ်ယတအိၣ်ဘၣ်ဖဲန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 25:4

ဒီးစီၤဒၤဝံးအိၣ်လၢပှၢ်မုၢ်ကနၢအပူၤန့ၣ်နၢ်ဟူတၢ်ဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:14

ပလဲၤဂုာ်ဆူၣ်ပှၤကရံးသးဖိအလီၢ်ကဝီၤလၢကီၢ်ယူဒၤအကလံၤထံး ဒီးစီၤကၤလ့းအဒူၣ်ထၢတဖၣ်အလီၢ်ကဝီၤဒီးပဆူးကဲၤထီၣ်ကွံာ် ဝ့ၢ်စံကလးလီၤ.”