လံာ်စီၤၡမူၤအ့လးအခီၣ်ထံးတဘ့ၣ် 25:26 - Sgaw Karen Common Bible

²⁶ ပှၤလၢအပၢၤဃာ်နၤလၢတၢ်ဟ့ၣ်ကၣ်က့ၤဒီးမၤသံကွံာ်နဒုၣ်နဒါ တဖၣ်န့ၣ်မ့ၢ်ယွၤလီၤ. ဒီးခဲအံၤယဆိၣ်တၢ်ဒီးနၤလၢယွၤလၢအမူဝဲတဂၤအမံၤအပူၤ, လၢနဒုၣ်နဒါတဖၣ်ဒီးကယဲၢ်ပှၤသးအိၣ်မၤအၢမၤသီနၤဒ်စီၤနၤ ဘလးအသိးန့ၣ်, မ်အဘၣ်တၢ်စံၣ်ညီၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 25:26 Iomraidhean Croise

လံာ်တၢ်ကဲထီၣ်အခီၣ်ထံး 20:6

ကစၢ်ယွၤစံးဆၢက့ၤအီၤလၢတၢ်မံမီၢ်အပူၤ, “မ့ၢ်လီၤ. ယသ့ၣ်ညါလၢနမၤတ့ၢ်တၢ်အံၤလၢတၢ်သးကဆှီ အပူၤလီၤ. လၢတၢ်န့ၣ်အဃိယဟံးဃာ်နၤဒ်သိးနသုတမၤတၢ်ဒဲးဘး ထီဒါယၤဒီးယတပျဲနထိးဘၣ်စ့ၢ်ကီးအီၤဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 18:32

စီၤပၤသံကွၢ်ဝဲ, “မ့ၢ်ပှၤသးစၢ်စီၤအးဘၡါလိၣ်အိၣ်မုာ်ဆိးပၢၤစ့ၢ်ကီးဧါ.” ကုၢ်တဂၤန့ၣ်စံးဆၢဝဲဒၣ်, “တၢ်ဒိၣ်ဧၢ, ယဆၢလၢတၢ်လၢအမၤတ့ၢ်အသးဒီးအီၤန့ၣ်ကမၤအသး ဒီးနဒုၣ်နဒါခဲလၢာ်, ဒီးကမၤအသးဒီးကယဲၢ်ပှၤလၢအပူထီၣ်ထီဒါခဲလၢာ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 2:2

ဒီးဖဲအလဲၤတၢ်အခါန့ၣ်, စီၤအ့ၤလံယၤစံးဘၣ်စီၤအလံၤၡါ, “ခဲအံၤအိၣ်တ့ၢ်ဖဲအံၤတက့ၢ်. ယွၤမၤလိာ်တ့ၢ်ယၤလၢယကဘၣ်လဲၤဆူဝ့ၢ်ဘ့ၤသ့လးန့ၣ်လီၤ.” ဘၣ်ဆၣ်စီၤအလံၤၡါစံးဆၢဝဲဒၣ်, “လၢယတၢ်သးတီအပူၤ, ယဆိၣ်တၢ်ဒီးယွၤလၢအမူဝဲတဂၤဒီးနၤလၢယတဟးဖးဒီးနၤဘၣ်.” လၢတၢ်န့ၣ်အဃိအဝဲသ့ၣ်လဲၤသကိးဝဲဆူဝ့ၢ်ဘ့ၤသ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 4:6

တုၤအဝဲသ့ၣ်မၤပှဲၤကိခဲလၢာ်ဝံၤန့ၣ်, ပိာ်မုၣ်န့ၣ်သံကွၢ်ဝဲ မ့ၢ်ကိအဂၤအိၣ်ဒံးဧါ. အဖိခွါအကျါတဂၤစံးဆၢဝဲ, ကိအဝဲန့ၣ်မ့ၢ်ကိလၢခံကတၢၢ်တဖျၢၣ်န့ၣ်လီၤ. ဒီးသ့ၣ်စၤယံးအသိဆိကတီၢ်ယွၤလီၤဝဲဒၣ်န့ၣ်လီၤ.

စံးထီၣ်ပတြၢၤ 44:3

တမ့ၢ်လၢအနးဒၣ်ဝဲအဃိဒီးအဝဲသ့ၣ်မၤန့ၢ်ထံကီၢ်, တမ့ၢ်လၢအစုဒုၣ်စုတီၤဟ့ၣ်အီၤတၢ်မၤနၢၤန့ၣ်ဘၣ်. မ့ၢ်ဒၣ်လၢနစုထွဲဒီးနစုဒုၣ်စုတီၤ, ဒီးနမဲာ်အတၢ်ကပီၤအဃိန့ၣ်လီၤ. အဂ့ၢ်ဒ်အံၤနဘၣ်သူၣ်ဘၣ်သးလၢအဝဲသ့ၣ်န့ၣ်လီၤ.

တၢ်ကတိၤဒိ. 31:12

အတၢ်အိၣ်မူတစိၤဒၣ်အီၤန့ၣ်, မၤဂ့ၤအဝၤဒီးတမၤဘၣ်ဒိဘၣ်ထံး အီၤနီတစုဘၣ်.

လံာ်ယံးရမံယၤ 29:22

တုၤပှၤဂီၢ်မုၢ်လၢ အဘၣ်တၢ်စိာ်ထီၣ်ကွံာ်အီၤလၢဝ့ၢ်ယရူၤရှလ့ၣ် ဆူကီၢ်ဘၤဘူၤလိၣ်ဒ် ပှၤဘၣ်တၢ်စိာ်မၢကဲကုၢ်တဖၣ်သးအိၣ်ဆိၣ် အၢပှၤတဂၤန့ၣ်, အဝဲသ့ၣ်ကစံးဆၢဝဲ, ‘မ်ယွၤမၤနၤဒ်စီၤစံးဒကံယၤဒီး စီၤအၤဃာ်, ပှၤတဖၣ်လၢ ကီၢ်ဘၤဘူၤလိၣ် အစီၤပၤ, ဃိမူဒံးအီၤအသိးန့ၣ်တက့ၢ်.’

လံာ်ဒၤနံးယ့လး 4:19

တုၤနုၤတစု, စီၤဒၤနံးယ့လးလၢအဘၣ်တၢ် ကိးစ့ၢ်ကီးအီၤလၢစီၤဘ့ၤလးတၡါစၢ်အသးလီၤကတုၤတစိၢ် တလီၢ်ဒီးအတၢ်ဆိကမိၣ်မၤကိၢ်မၤဂီၤအသးန့ၣ်လီၤ. စီၤပၤစံးဘၣ်အီၤ, “စီၤဘ့ၤလးတၡါစၢ်ဧၢ, ပျဲတၢ်မံမီၢ်မ့ၢ်ဂ့ၤ, အခီပညီအဒိၣ်အယိာ်မ့ၢ်ဂ့ၤမၤကိၢ်မၤဂီၤနသးတဂ့ၤ.” စီၤဘ့ၤလးတၡါစၢ်စံးဆၢဝဲဒၣ်, “နဲဒၣ်စီၤပၤဧၢ, ယဆၢလၢတၢ်မံမီၢ်အံၤကမ့ၢ်ဒၣ်ဝဲလၢပှၤလၢအ သးဟ့နၤတဖၣ်အဂီၢ်ဒီးအခီပညီအဒိၣ်အယိာ်ကမ့ၢ်ဒၣ်လၢန ဒုၣ်နဒါတဖၣ်အဂီၢ်န့ၣ်လီၤ.

ဧ့ၤဘြံၤ 10:30

အဂ့ၢ်ဒ်အံၤပသ့ၣ်ညါပှၤလၢအစံးဝဲ, “တၢ်ဟ့ၣ်ကၣ်တၢ်မ့ၢ် ယတၢ်မၤဒီးယကဟ့ၣ်ကၣ်ဆၢက့ၤတၢ်လီၤ.” ပသ့ၣ်ညါစ့ၢ်ကီး ပှၤလၢအစံး, “ကစၢ်ကစံၣ်ညီၣ်အပှၤဂီၢ်မုၢ်” န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:26

ဒီးနီၢ်ဃးနၤစံးဘၣ်အီၤ, “ဝံသးစူၤယၤတဘျး, တၢ်ဒိၣ်ဧၢ, နသ့ၣ်နီၣ်ယၤဒံးဧါ. ယမ့ၢ်ပိာ်မုၣ်တဂၤလၢနထံၣ်တ့ၢ်အိၣ်ဆၢထၢၣ် ဖဲအံၤဒီးဘါထုကဖၣ်တၢ်ဆူယွၤအအိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:9

အဝဲဒီဒၣ်အိၣ်ပှိၤအပှၤလၢအသူၣ်တီသးလိၤတဖၣ်အသးသမူလီၤ. မ့မ့ၢ်ပှၤတတီတလိၤတဖၣ်န့ၣ်ကလီၤမၢ်ကွံာ်လၢတၢ်ခံးတၢ်နၤအပူၤလီၤ. ပှၤတဂၤန့ၣ်မၤနၢၤတၢ်လၢအဂံၢ်အဘါဒၣ်ဝဲတသ့ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 20:16

မ်ပတၢ်အၢၣ်လီၤလိာ်ပသးတဂၤဒီးတဂၤကကျၢၤဒံးဒၣ်ဝဲတက့ၢ်. တၢ်န့ၣ်မ့ၢ်ဟးဂီၤကွံာ်ဒီးယွၤကစံၣ်ညီၣ်နၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 20:3

ဘၣ်ဆၣ်ဒီးစီၤဒၤဝံးဆိၣ်တၢ်ဒီးစံးဝဲဒၣ်, “နပၢ်သ့ၣ်ညါဝဲဂ့ၤဂ့ၤကလဲာ်လၢနအဲၣ်ယၤထဲလဲၣ်ထဲလဲၣ်အဂ့ၢ်လီၤ. ဒီးအဝဲပာ်လီၤအသးလၢအတပျဲဒုးသ့ၣ်ညါနၤအတၢ်တိာ်ကျဲၤလၢ ကမၤဝဲအဂ့ၢ်န့ၣ်ဘၣ်. အဂ့ၢ်ဒ်အံၤ, ကမၤဘၣ်ဒိဘၣ်ထံးနသးဒိၣ်မးအဃိလီၤ. ယဆိၣ်တၢ်လၢနၤလၢယွၤလၢအမူဝဲတဂၤအမဲာ်ညါလၢယပူၤဖျဲးဒီး တၢ်သံထဲခီၣ်ကါတခါဧိၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 22:3

စီၤဒၤဝံးဟးထီၣ်ဆူညါစးထီၣ်ဖဲန့ၣ်တုၤလၢဝ့ၢ်မံးစပၤလၢ ကီၢ်မိၤအးအပူၤဒီးစံးဘၣ်ကီၢ်မိၤအးအစီၤပၤ, “ဝံသးစူၤပျဲယမိၢ်ယပၢ်ဟဲအိၣ်ဒီးနၤတုၤလၢယထံၣ်တၢ်လၢကစၢ် ယွၤကမၤဝဲလၢယဂီၢ်န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 25:25

ဝံသးစူၤပာ်သူၣ်ပာ်သးဒီးကနၣ်ဃုာ်စီၤနၤဘလးန့ၣ်တဂ့ၤ. အဝဲတဂ့ၤလၢတၢ်နီတမံၤအဂီၢ်ဘၣ်. ဒ်အမံၤအခီပညီလၢအမ့ၢ်တၢ်ပျုၢ်အသိးန့ၣ်အဝဲမ့ၢ်နီၢ်နီၢ်ပှၤ အမၢးတဂၤလီၤ. တၢ်ဒိၣ်ဧၢ, ဖဲနခ့နပှၤတဖၣ်ဟဲတုၤန့ၣ်ယတအိၣ်ဘၣ်ဖဲန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 25:39

တုၤစီၤဒၤဝံးနၢ်ဟူဘၣ်ဝဲလၢစီၤနၤဘလးသံန့ၣ်, အဝဲစံးဝဲ, “စံးထီၣ်ပတြၢၤယွၤတက့ၢ်. အဝဲဟ့ၣ်ကၣ်က့ၤလံ စီၤနၤဘလးလၢအမၤမဲာ်ဆှးယၤအဃိ, ဒီးပၢၤဃာ်ယၤလၢအမ့ၢ်အခ့ အပှၤ, လၢတၢ်မၤကမၣ်န့ၣ်လီၤ. ယွၤစံၣ်ညီၣ်လံစီၤနၤဘလးလၢအတၢ် အၢတၢ်သီအဃိလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 26:10

စီၤဒၤဝံးစံးကဒီးဝဲဆူညါ, “ခီဖျီယွၤလၢအမူဝဲတဂၤ န့ၣ်, ယသ့ၣ်ညါလၢယွၤအနီၢ်ကစၢ်ဒၣ်ဝဲကမၤသံစီၤစီလူးဖဲအမုၢ်နံၤ တုၤဃီၤဝဲလၢကဘၣ်သံဒ်ပှၤဟီၣ်ခိၣ်ဖိအန့ဆၢၣ်မ့ၢ်ဂ့ၤ, ကဘၣ်သံဝဲလၢတၢ်ဒုးတၢ်ယၤအဃိမ့ၢ်ဂ့ၤန့ၣ်လီၤ.