လံာ်စီၤၡမူၤအ့လးအခီၣ်ထံးတဘ့ၣ် 25:19 - Sgaw Karen Common Bible

¹⁹ အန့ၣ်ဝံၤဒီးအဝဲစံးဘၣ်အခ့အပှၤတဖၣ်, “လဲၤပာ်သုဝဲလၢညါဒီးယကပိာ်ထီၣ်သုခံလီၤ.” မ့မ့ၢ်အဝၤန့ၣ်တတဲဘၣ်ဝဲတၢ်နီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 25:19 Iomraidhean Croise

လံာ်တၢ်ကဲထီၣ်အခီၣ်ထံး 32:16

အဝဲနီၤဖးလီၤတၢ်တဖၣ်န့ၣ်တဖုတဖုဒီးပာ်လီၤဝဲပှၤတဂၤစုာ် စုာ်လၢအကုၢ်အပှၤတဖၣ်အကျါဒ်ပှၤကွၢ်ထွဲဆၣ်ဖိကီၢ်ဖိတဖုဘၣ်တဖု အဂီၢ်အသိးန့ၣ်လီၤ. ဒီးအဝဲစံးဘၣ်အဝဲသ့ၣ်, “လဲၤဆိလၢယမဲာ်ညါဒီးပာ်တၢ်လီၢ် လီၤဟိလၢဆၣ်ဖိကီၢ်ဖိတဖုဘၣ်တဖုအဘၢၣ်စၢၤန့ၣ်တက့ၢ်.”

လံာ်တၢ်ကဲထီၣ်အခီၣ်ထံး 32:19

ဒီးစီၤယၤကိာ်မၤလိာ်ဝဲပှၤခံဂၤတဂၤမ့ၢ်ဂ့ၤ, ပှၤသၢဂၤတဂၤမ့ၢ်ဂ့ၤ, ဒီးကယဲၢ်ပှၤအဂၤခဲလၢာ်လၢအဘၣ်ကွၢ်ထွဲပၢဆှၢဆၣ်ဖိကီၢ်ဖိ အဖုအဂီၢ်တဖၣ်, ‘အအံၤမ့ၢ်တၢ်လၢသုကဘၣ်စံးဘၣ်တဲဘၣ်စီၤဧ့ ၡီၤဖဲသုထံၣ်အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 32:20

သုကဘၣ်စံး, ‘အၢၣ်, နခ့နပှၤစီၤယၤကိာ်ဟဲလၢပလီၢ်ခံ ဖိအံၤလီၤ.’ ” ဒီးစီၤယၤကိာ်ဆိကမိၣ်ဝဲဒၣ်လၢ, “ယကမၤန့ၢ်စီၤဧ့ၡီၤအတၢ်ဘၣ်သူၣ်ဘၣ်သးယၤခီဖျိတၢ်ဟ့ၣ် ကနၢၤတဖၣ်အံၤဒီးဖဲယထံၣ်အီၤန့ၣ်ဘၣ်သ့ၣ်သ့ၣ်အဝဲကပျၢ်ယတၢ်ကမၣ် န့ၣ်လီၤ.”

လံာ်တၢ်ကဲထီၣ်အခီၣ်ထံး 32:21

စီၤယၤကိာ်ဆှၢလီၤဆိတၢ်ဟ့ၣ်ကနၢၤသ့ၣ်တဖၣ်လၢအမဲာ်ညါဒီးမုၢ် တနၤန့ၣ်အဝဲအိၣ်ဝဲဆိးဝဲလၢအဒဲပူၤန့ၣ်လီၤ.

တၢ်ကတိၤဒိ. 31:27

အဝဲအတၢ်မၤအါထီဘိဒီးကွၢ်ထွဲအဟံၣ်ဖိဃီဖိအတၢ်လိၣ်တဖၣ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:1

ဘၣ်တနံၤန့ၣ်, စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤလၢ အစိာ်အစုကဝဲၤတဖၣ်န့ၣ်, “မ်ပကလဲၤခီသကိးဆူပှၤဖလ့ၡသးဖိ တဖၣ်အသူၣ်ဒဲလီၢ်တက့ၢ်.” ဘၣ်ဆၣ်ဒီးစီၤယိနသၣ်တတဲဘၣ်တ့ၢ်အပၢ်စီၤစီလူး,

လံာ်စီၤၡမူၤအ့လးအခီၣ်ထံးတဘ့ၣ် 25:20

နီၢ်အဘံၤကါယံးလးဒိးထီၣ်အကသ့ၣ်ယီၤလၢကျဲလဲၤတရံးအသး တတီၤလၢတၢ်လူၢ်တဖျၢၣ်အကပၤဖဲသတူၢ်ကလာ်သဂၢၢ်လိာ်အသးဒီးစီၤ ဒၤဝံးဒီးအပှၤတဖၣ်လၢအဟဲလိၤလိၤဆူအအိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:36

နီၢ်အဘံၤကါယံးလးက့ၤဆူစီၤနၤဘလးအအိၣ်, ဖဲအမၤတၢ်အီၣ်အမူးဖးဒိၣ်ကြၢးဝဲလၢစီၤပၤတဂၤအဂီၢ်လၢအဟံၣ်န့ၣ်လီၤ. အဝဲအီမူၤအသးလၢသံးဒီးအိၣ်လၢတၢ်သးဖှံအပူၤလီၤ. လၢတၢ်န့ၣ်အဃိတချုးတုၤလၢမုၢ်ဆ့ၣ်ထီၣ်တနံၤဒံးဘၣ်ဒီးပိာ်မုၣ်န့ၣ် တတဲဘၣ်အီၤလၢတၢ်နီတမံၤဘၣ်န့ၣ်လီၤ.