လံာ်စီၤၡမူၤအ့လးအခီၣ်ထံးတဘ့ၣ် 25:10 - Sgaw Karen Common Bible

¹⁰ ဒီးလၢခံကတၢၢ်န့ၣ်, စီၤနၤဘလးစံးဆၢဝဲဒၣ်, “စီၤဒၤဝံး, အဝဲမ့ၢ်မတၤလဲၣ်ယတနၢ်ဟူအဂ့ၢ်နီတစုဘၣ်. ထံကီၢ်အံၤပှဲၤဝဲဒၣ်ဒီးကုၢ်တဖၣ်လၢအဃ့ၢ်ဟးထီၣ်လၢအကစၢ်အအိၣ် လၢမုၢ်နံၤတဖၣ်အံၤအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:1

တၢ်မၤအသးလၢဝ့ၢ်ကံးလကၤလးအပူၤန့ၣ်ပှၤတဂိာ်တသီၣ်ဘၣ်တၢ်အိၣ် ဝဲတဂၤလၢပှၤဘံၣ်ယၤမံၣ်အဒူၣ်အကျါ, လၢအမ့ၢ်စီၤကံးဘြံၤအဖိခွါစီၤၡဘၤန့ၣ်လီၤ. အဝဲအူထီၣ်ကွဲၤဒီးကိးပသူထီၣ်ဝဲဒၣ်, “မ်စီၤဒၤဝံးဘၣ်တၢ်ပာ်လီၤကွံာ်အလီၢ်အလၤတက့ၢ်. ပတပိာ်အခံဘၣ်. ပှၤကီၢ်အံၣ်စရ့လးဖိသ့ၣ်ဧၢ, မ်ပက့ၤကဒါက့ၤဆူဟံၣ်တက့ၢ်.”

လံာ်စီၤပၤအခီၣ်ထံးတဘ့ၣ် 12:16

တုၤပှၤဂီၢ်မုၢ်ထံၣ်ဘၣ်ဝဲလၢစီၤပၤတကနၣ်ဃုာ်အဝဲသ့ၣ်ဘၣ်န့ၣ်, အဝဲသ့ၣ်ကိးထီၣ်ဝဲ, “မ်စီၤဒၤဝံးအဟံၣ်ဖိဃီဖိအလီၢ်လီၤ ကွံာ်တက့ၢ်. အဝဲသ့ၣ်မၤတ့ၢ်တၢ်မနုၤလၢပဂီၢ်န့ၣ်လဲၣ်. ကီၢ်အံၣ်စရ့လးအပှၤကညီသ့ၣ်ဧၢ, မ်ပက့ၤကဒါက့ၤဆူပဟံၣ်ဒၣ်ဝဲ တက့ၢ်. မ်စီၤရဃၤဘၣ်ကွၢ်လီၤထွဲက့ၤအသးဒၣ်ဝဲတက့ၢ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ပူထီၣ်တၢ်,

လံာ်တၢ်ဟးထီၣ်ကွံာ် 5:2

ဒီးစီၤပၤစံးဝဲဒၣ်, “ယွၤမ့ၢ်မတၤတဂၤလၢယကဘၣ်ဒိကနၣ်အကလုၢ်ဒီးပျၢ်ပှၤအံၣ်စရ့ လးဖိန့ၣ်လဲၣ်. ယတသ့ၣ်ညါဘၣ်ယွၤဘၣ်. ဒီးယတပျၢ်စ့ၢ်ကီးပှၤအံၣ်စရ့လးဖိဘၣ်.”

တၢ်ကတိၤဒိ. 15:1

တၢ်စံးဆၢကပုာ်လုာ်တဘီန့ၣ်, မၤမုာ်မၤခုၣ်လီၤတၢ်သးဒိၣ်လီၤ. မ့မ့ၢ်တၢ်ကတိၤဆူၣ်ဆူၣ်ကိၤကိၤတဘီန့ၣ်ထိၣ်ဂဲၤထီၣ်တၢ်သးဒိၣ် လီၤ.

လံာ်ပှၤစံၣ်တဲၤတဲလီၤတၢ် 7:10

“အိ, ဘၣ်မနုၤအဃိတၢ်မၤအသးတဖၣ်, ဂ့ၤဒိၣ်တက့ၢ်လၢမုၢ်နံၤ လၢပျၢၤတဖၣ်အပူၤလဲၣ်” န့ၣ်, သံကွၢ်နီတစုတဂ့ၤ. တမ့ၢ်တၢ်သူၣ်ဆးသးဆးအတၢ်သံကွၢ်တမံၤဘၣ်.

လံာ်ယၡါယၤ 32:5

ပှၤတဆိကမိၣ်နီတဂၤဘၣ်လၢပှၤအမၢးတဂၤမ့ၢ်ပှၤ အိၣ်ဒီးတၢ်လၤကပီၤမ့ၢ်ဂ့ၤ, စံးလၢပှၤတမူၢ်တနီၢ်တဂၤ တီဝဲလိၤဝဲမ့ၢ်ဂ့ၤန့ၣ်ဘၣ်.

လံာ်ယၡါယၤ 32:7

ပှၤဟးဂီၤဖိတဂၤအၢဝဲသီဝဲဒီးမၤတၢ်အၢတၢ်သီတဖၣ်လီၤ. အဝဲကူၣ်ကျဲၤဝဲဒ်သိးကမၤဟးဂီၤပှၤဖှီၣ်ဖိယာ်ဖိတဖၣ် လၢတၢ်လီတၢ်ဝ့ၤတဖၣ်ဒီးကတြီဃာ်အီၤလၢ ကမၤန့ၢ်တၢ်လၢအကြၢးဒိးန့ၢ်ဝဲတဖၣ်လီၤ.

လံာ်ပှၤစံၣ်ညီၣ်ကွီၢ် 9:28

စီၤကၤလးစံးဝဲဒၣ်, “ပဝဲပှၤပိာ်ခွါလၢၡက့ၣ်အပူၤတဖၣ်ပမ့ၢ်ပှၤဒ်လဲၣ်. ဘၣ်မနုၤပဘၣ်မၤစီၤအဘံၤမ့လ့းအတၢ်မၤန့ၣ်လဲၣ်. ဒ်လဲၣ်ဂ့ၤ, အဝဲမ့ၢ်မတၤလဲၣ်. မ့ၢ်စီၤကံးဒဧိၣ်အဖိခွါလီၤ. ဒီးစီၤစဘူလးဟဲစိာ်အဝဲအတၢ်မၤလိာ်တဖၣ် ဘၣ်ဆၣ်ဒီးဘၣ်မနုၤလၢပကဘၣ်မၤအတၢ်လဲၣ်. တီဒီးသုပၢ်ဖးဒိၣ်လၢပျၢၤစီၤဃမိၢ်လၢသုလီၤစၢၤလၢအီၤလၢ အသူၣ်ထီၣ်သုဒူၣ်သုထၢန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 20:30

စီၤစီလူးသးဒိၣ်ထီၣ်လၢစီၤယိနၤသၣ်အဖီခိၣ်နးနးကလဲာ်ဒီး စံးဘၣ်အီၤ, “နဲဒၣ်ပှၤလၢအဘိးကဒါကွံာ်တၢ်မ့ၢ်တၢ်တီဒီးပူထီၣ်တၢ်တဂၤဧၢ, ခဲအံၤယသ့ၣ်ညါလၢနအိၣ်လၢစီၤဒၤဝံးအအိၣ်တခီဒီးနမၤဟးဂီၤ နသူးနသ့ၣ်ဒီးနမိၢ်ဒၣ်နဲအလၤကပီၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 22:2

ပှၤဂီၢ်မုၢ်လၢဘၣ်တၢ်မၤနးမၤဖှီၣ်အီၤတဖၣ်မ့ၢ်ဂ့ၤ, အဒ့ၣ်ကမၣ်အိၣ်မ့ၢ်ဂ့ၤ, အသးတမံတဖၣ်မ့ၢ်ဂ့ၤလဲၤဆူအအိၣ်, ပှၤခဲလၢာ်အဂၤလွံၢ်ကယၤဃၣ်ဃၣ်ဒီးအဝဲကဲထီၣ်အဝဲသ့ၣ်အခိၣ်အနၢ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:9

စီၤဒၤဝံးအပှၤတဖၣ်ဟ့ၣ်လီၤတၢ်ကစီၣ်အံၤဆူစီၤနၤဘလးအအိၣ်လၢ စီၤဒၤဝံးအမံၤန့ၣ်လီၤ. ဝံၤဒီးအဝဲသ့ၣ်အိၣ်ခိးဝဲဖဲန့ၣ်လီၤ.