လံာ်စီၤၡမူၤအ့လးအခီၣ်ထံးတဘ့ၣ် 24:6 - Sgaw Karen Common Bible

⁶ ဒီးအဝဲစံးဘၣ်အပှၤတဖၣ်, “မ်ယွၤပၢၤဃးယၤလၢတၢ်မၤဆါဘၣ် ယကစၢ်, လၢယွၤဃုထၢအီၤဒ်စီၤပၤတဂၤအသိးန့ၣ်တက့ၢ်. တစဲးဖိဒၣ်လဲာ်ယတဘၣ်မၤဆါဘၣ်အီၤဘၣ်. အဂ့ၢ်ဒ်အံၤ, အဝဲမ့ၢ်စီၤပၤလၢအဘၣ်တၢ်ဃုထၢအီၤလၢယွၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 24:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:14

စီၤဒၤဝံးသံကွၢ်အီၤ, “နဒူတုၤဒၣ်လဲာ်နမၤသံစီၤပၤလၢ ယွၤဃုထၢအီၤတဂၤန့ၣ်သ့ဒ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 24:10

ဘၣ်ဆၣ်ဒီးဖဲစီၤဒၤဝံး မၤတၢ်ဂံၢ်ဒီးတၢ်ကွဲးနီၣ်ကွဲးဃါအံၤဝံၤအလီၢ်ခံန့ၣ်, အဝဲအသးလၢအသ့ၣ်ညါဒၣ်တၢ်, စးထီၣ်ဘၣ်ဒိဘၣ်ထံးဝဲ, ဒီးအဝဲစံးဘၣ်ယွၤ, “ယမၤတ့ၢ်တၢ်ဒဲးဘးလီၤပျံၤလီၤဖုးတမံၤလၢယမၤတၢ်အံၤအဃိန့ၣ်လီၤ. ဝံသးစူၤပျၢ်ယတၢ်ကမၣ်တက့ၢ်. ယမၤယသးဒ်ပှၤအမၢးတဂၤအသိးန့ၣ်လီၤ.”

လံာ်စီၤပၤအခီၣ်ထံးတဘ့ၣ် 21:3

စီၤနၤဘိးစံးဆၢဝဲ, “ယန့ၢ်သါဘၣ်စပံးလီၢ်အံၤလၢယမိၢ်ပၢ် ဖံဖုလၢပျၢၤတဖၣ်အအိၣ်န့ၣ်လီၤ. မ်ယွၤတြီယၤလၢယကပျဲနမၤန့ၢ်အီၤန့ၣ်တက့ၢ်.”

လံာ်မးသဲ 5:44

ဘၣ်ဆၣ်ဒီး အခဲအံၤယစံးဘၣ်သု, အဲၣ်သုဒုၣ်သုဒါဒီးဃ့ထုကဖၣ် ယွၤလၢပှၤလၢအမၤနးမၤဖှီၣ်သုတဖၣ်အဂီၢ်တက့ၢ်.

ရိမ့ၤ 12:14

ဃ့တၢ်လၢကစၢ်ယွၤလၢကဆိၣ်ဂ့ၤပှၤလၢအမၤအၢမၤနး သုတဖၣ်တက့ၢ်. မ့ၢ်လီၤ. ဃ့အီၤလၢကဆိၣ်ဂ့ၤတၢ်အဂီၢ်, တမ့ၢ်လၢကဆိၣ်အၢတၢ်အဂီၢ်ဘၣ်.

၁ သ့းစၤလနံ 5:15

ပာ်သူၣ်ပာ်သးဒ်သိးပှၤသုတမၤဆၢတၢ်အၢလၢတၢ်အၢနီတဂၤတဂ့ၤ, မ့မ့ၢ်ကိးဆၢကတီၢ်ဒဲးန့ၣ်, အိၣ်ဒီးတၢ်တိာ်ပာ်လၢသုကမၤဂ့ၤလိာ်သုသးတဂၤဒီးတဂၤ, ဒီးသုကမၤဂ့ၤပှၤကိးဂၤဒဲးန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 12:3

ကွၢ်ကွၢ်, ယၤလီၤ. ယမ့ၢ်မၤတ့ၢ်တၢ်ကမၣ်တမံၤမံၤဒီး, ဆှိးထီၣ်ယၤခဲအံၤလၢယွၤဒီးစီၤပၤလၢအဝဲဃုထီၣ်အီၤအမဲာ် ညါတက့ၢ်. မ့ၢ်ယဟံးန့ၣ်ပှၤတဂၤဂၤအဂီၤဖံးမိၢ်ဒီးပှၤတဂၤဂၤအကသ့ၣ်ယီၤဧါ. မ့ၢ်ယလီတၢ်ဒီးမၤနးမၤဖှီၣ်ပှၤတဂၤဂၤဧါ. မ့ၢ်ယတူၢ်လိာ်ခိၣ်ဖးလာ်ဆှိးလၢပှၤတဂၤဂၤအအိၣ်ဧါ. ယမ့ၢ်မၤတ့ၢ်တၢ်တမံၤမံၤလၢတၢ်တဖၣ်အံၤအကျါန့ၣ်ယကလိးက့ၤတၢ် လၢယဟံးန့ၢ်တ့ၢ်အီၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 24:7

မၤသးဒ်န့ၣ်ဒီး, စီၤဒၤဝံးတဲနၢ်ပၢၢ်အပှၤတဖၣ်ဒ်သိးအဝဲသ့ၣ် သုတမၤအၢစီၤစီလူးတဂ့ၤလီၤ. စီၤစီလူးဂဲၤဆၢထၢၣ်ဒီးဟးထီၣ်လၢလၢၢ်ကအိပူၤဒီးစးထီၣ် အတၢ်လဲၤန့ၣ်လီၤ.