လံာ်စီၤၡမူၤအ့လးအခီၣ်ထံးတဘ့ၣ် 24:4 - Sgaw Karen Common Bible

⁴ ပှၤတဖၣ်စံးဘၣ်အီၤ, “တၢ်အံၤမ့ၢ်နခွဲးနယာ်လီၤ. ယွၤစံးတ့ၢ်ဝဲလၢကပာ်နဒုၣ်နဒါလၢနစိကမီၤအဖီလာ်ဒီးနမၤအီၤ ဒ်နသးအိၣ်မၤအီၤအသိးန့ၣ်သ့ဝဲဒၣ်လီၤ.” စီၤဒၤဝံးလဲၤစွါဝဲဒီးကူးတဲာ်န့ၣ်စီၤစီလူးအဆ့ကၤဖးထီတက့လီၤ. တၢ်န့ၣ်စီၤစီလူးတသ့ၣ်ညါဝဲဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 24:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 4:8

အဝဲသ့ၣ်က့ၤဟ့ၣ်ထီၣ်ခိၣ်သၣ်ဃံန့ၣ်ဆူစီၤပၤစီၤဒၤဝံးအအိၣ် ဖဲဝ့ၢ်ဃ့ဘြိၣ်, ဒီးစံးဘၣ်အီၤ, “အအံၤမ့ၢ်, နဒုၣ်နဒါစီၤစီလူးလၢအဃုမၤသံနၤ, အဖိခွါစီၤအံၤၡဘိၡ့း အခိၣ်န့ၣ်လီၤ. တနံၤအံၤယွၤဟ့ၣ်တၢ်ပျဲလၢကစၢ်စီၤပၤကဟ့ၣ်ကၣ် စီၤစီလူးဒီးအစၢၤအသွဲၣ်တဖၣ်အဂီၢ်န့ၣ်လီၤ.”

လံာ်စီၤယိၤဘး 31:31

ကယဲၢ်ယပှၤမၤတၢ်ဖိခဲလၢာ်သ့ၣ်ညါလၢယတူၢ်လိာ်တ့ၢ် ပှၤသမှံၤတဖၣ်ထီဘိန့ၣ်လီၤ.

စံးထီၣ်ပတြၢၤ 142:1

ယကိးထီၣ်ယွၤလၢတၢ်မၤစၢၤအဂီၢ်, ယဃ့ကညးတၢ်ဒီးအီၤန့ၣ်လီၤ.

စံးထီၣ်ပတြၢၤ 57:1

သူၣ်ကညီၤသးကညီၤယၤ, ကစၢ်ယွၤဧၢ, သူၣ်ကညီၤသးကညီၤယၤတ က့ၢ်. အဂ့ၢ်ဒ်အံၤ, ယသးသန့ၤအသးလၢနၤလီၤ. ယကဟံးန့ၢ်တၢ်အိၣ်ဘံၣ်အိၣ်ဘၢလၢနဒံးဆ့အဖီလာ် တုၤတၢ်ကိၢ်တၢ်ဂီၤအကလံၤမုၢ် လဲၤပူၤကွံာ်ယၤန့ၣ်လီၤ.

လံာ်တၢ်ဟးထီၣ်ကွံာ် 21:13

ဘၣ်ဆၣ်ဒီးတၢ်န့ၣ်မ့မ့ၢ်တၢ်ကဲထီၣ်အသးလၢတၢ်တပာ်သူၣ်ပာ်သး အပူၤဒီးတမ့ၢ်လၢတၢ်အဲၣ်ဒိးမၤသံအီၤအဃိဘၣ်ဒီးအဝဲဃ့ၢ်ပူၤ ဖျဲးအသးဆူတၢ်လီၢ်တပူၤလၢယကဃုထၢန့ၢ်သုဒီးဖဲန့ၣ်အဝဲအိၣ် ပူၤအိၣ်ဖျဲးသ့ဝဲဒၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:1

စီၤဒၤဝံးဃ့ၢ်ထီၣ်ကွံာ်လၢကီၢ်ကၤသးအဝ့ၢ်ပူၤဒီးလဲၤဆူ လ့ကအိတခါလၢအဘူးဒီးဝ့ၢ်ဧးဒူးလၣ်လီၤ. ဖဲအဒီပုၢ်ဝဲၢ်တဖၣ်ဒီးအဟံၣ်ဖိဃီဖိလၢအအိၣ်လီၤတဲာ်တဖၣ်နၢ်ဟူလၢအအိၣ်ဖဲန့ၣ်ဒီးအဝဲသ့ၣ်လဲၤမၤသကိးတၢ်ဒီးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:17

ဒီးစံးဘၣ်အီၤ, “ပျံၤတၢ်တဂ့ၤ. ယပၢ်စီၤစီလူးမၤဆါနၤ တန့ၢ်ဘၣ်. အဝဲသ့ၣ်ညါဝဲဂ့ၤဂ့ၤကလဲာ်လၢနမ့ၢ်ပှၤတဂၤလၢကကဲထီၣ်ကီၢ်အံၣ် စရ့လးအစီၤပၤဒီးယကမ့ၢ်ပှၤအလီၢ်ဖုၣ်န့ၣ်နၤတဂၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 23:7

စီၤစီလူးဘၣ်တၢ်တဲဘၣ်အီၤလၢစီၤဒၤဝံးလဲၤလံဝဲဆူဝ့ၢ်ကံ လၤဒီးအဝဲဒၣ်စံး, “ကစၢ်ယွၤပာ်လီၤအီၤလၢယစိကမီၤအဖီလာ်လံ. စီၤဒၤဝံးပာ်လီၤထုလၢအဂီၢ်ဒၣ်ဝဲခီဖျိအတၢ်လဲၤနုာ်လီၤဆူ ဝ့ၢ်တဝ့ၢ်လၢအအိၣ်ဒီးအခိၣ်ဒူဃုာ်ဒီးတြဲၤအဂၢၢ်အကျၢၤတဖၣ်အဃိ န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 24:10

ခဲအံၤအတီၢ်ပူၤဖိဒၣ်လဲာ်ယွၤပာ်နၤလၢယတၢ်စိကမီၤအဖီလာ်န့ၣ် နထံၣ်ဘၣ်အီၤလၢနနီၢ်ကစၢ်ဒၣ်နဲသ့လီၤ. ယပှၤတနီၤစံးယၤလၢယကမၤသံနၤဘၣ်ဆၣ်ဒီးယသးအုးလၢနဂီၢ်ဒီး စံးလၢယတမၤဆါနၤထဲတစဲးဖိဧိၤဘၣ်. အဂ့ၢ်ဒ်အံၤ, နမ့ၢ်ပှၤတဂၤလၢယွၤဃုထၢအီၤဒ်သိးနကကဲထီၣ်စီၤပၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:18

တနံၤအံၤ, နပာ်ဖျါတ့ၢ်နမၤဂ့ၤတၢ်လၢယဂီၢ်ဆံးအါဆံးအါအဂ့ၢ် န့ၣ်လီၤ. အဂ့ၢ်ဒ်အံၤ, ယွၤပာ်ယၤလၢနတၢ်စိတၢ်က မီၤအဖီလာ်ဒၣ်လဲာ်န့ၣ်နတမၤသံတ့ၢ်ဘၣ်ယၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 26:23

ယွၤဟ့ၣ်ဘျုးပှၤတဖၣ်လၢအသူၣ်တီအသးလိၤဒီးတီဝဲလိၤဝဲတဖၣ် န့ၣ်လီၤ. တနံၤအံၤန့ၣ်အဝဲပာ်နၤလၢယတၢ်စိကမီၤအဖီ လာ်လီၤ. ဘၣ်ဆၣ်ဒီးယတမၤဆါဘၣ်နၤ, ပှၤလၢယွၤဒုးကဲထီၣ်အီၤ လၢစီၤပၤတဂၤန့ၣ်ဘၣ်.