လံာ်စီၤၡမူၤအ့လးအခီၣ်ထံးတဘ့ၣ် 24:3 - Sgaw Karen Common Bible

³ အဝဲတုၤဃီၤဖဲလ့ကအိတခါ ဘူးဒီးသိအကရၢတဖၣ်လၢကျဲအကပၤ ဒီးလဲၤနုာ်ဆူလ့ကအိအပူၤဒ်သိးအကမၤဖှံထီၣ်အတၢ်ဝံတၢ်ယိးလီၤ. တၢ်န့ၣ်ဘၣ်အတီၤလၢအမ့ၢ်လ့ကအိတခါဃီဖဲစီၤဒၤဝံး ဒီးအပှၤတဖၣ်အိၣ်ခူသူၣ်ဝဲလၢလ့ကအိအလီၢ်ခံကတၢၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:3 Iomraidhean Croise

စံးထီၣ်ပတြၢၤ 141:6

တုၤအပှၤပၢတၢ်တဖၣ်ဘၣ်တၢ်တ့ၢ်လီၤကွံာ်အီၤလၢ လ့ကဘျၣ်တဖၣ်အလိၤ, ဒီးပှၤဂီၢ်မုၢ်ကအၢၣ်လီၤလၢ ယတၢ်ကတိၤတဖၣ်မ့ၢ်ဝဲတီဝဲန့ၣ်လီၤ.

လံာ်ပှၤစံၣ်ညီၣ်ကွီၢ် 3:24

ဒီးတုၤစီၤအ့ဟူာ်ဟးထီၣ်ကွံာ်ဝံၤဒီးတၢ်ခ့တၢ်ပှၤတဖၣ်ဟဲက့ၤဒီးထံၣ်ဝဲလၢတြဲၤကးတံာ်အသးလီၤ. ဘၣ်ဆၣ်ဒီးအဝဲသ့ၣ်ဆိကမိၣ်ဒၣ်ဝဲလၢစီၤပၤအိၣ်လၢဒၢးပူၤဒီး အိၣ်ဘှံးအိၣ်သါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:2

စီၤစီလူးဃုထၢထီၣ်ပှၤပိာ်ခွါအဂၤသၢကထိဒီးပာ်ဝဲပှၤအဂၤခံကထိဃုာ်ဒီးအီၤ ဖဲဝ့ၢ်မံးကမၣ်ဒီးလၢကစၢၢ်ကလိအဝ့ၢ်ဘ့ၤသ့လးအပူၤလီၤ. ပှၤတကထိန့ၣ်ဆှၢဝဲဆူဝ့ၢ်ကံးဘဧးအိၣ်လၢပှၤဘံၣ်ယၤမံၣ်အဒူၣ်အကီၢ်ပူၤလီၤ. ပှၤအဂၤအိၣ်လီၤတဲာ်တဖၣ်န့ၣ်စီၤစီလူးဆှၢက့ၤဆူအဟံၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:2

စီၤစီလူးလဲၤတဘျီဃီဃုာ်ဒီးပှၤသုးဖိအဂ့ၤကတၢၢ်လၢကီၢ် အံၣ်စရ့လးအပူၤအဂၤသၢကထိဆူဝ့ၢ်စံဖးအပှၢ်မုၢ်ကနၢဒ်သိးကဃု စီၤဒၤဝံးအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:3

ဒီးသူၣ်ထီၣ်အဒဲဖဲကျဲကပၤလၢကစၢၢ်ဃကံလၤအဖီခိၣ်န့ၣ်လီၤ. စီၤဒၤဝံးအိၣ်ဒံးလၢပှၢ်မုၢ်ကနၢပူၤအဖၢမုၢ်ဒီးဖဲအသ့ၣ်ညါ ဝဲလၢစီၤစီလူးဟဲဝဲလၢကလူၤဃုအီၤန့ၣ်,