လံာ်စီၤၡမူၤအ့လးအခီၣ်ထံးတဘ့ၣ် 24:19 - Sgaw Karen Common Bible

¹⁹ ပှၤတဂၤကဖီၣ်န့ၢ်အဒုၣ်အဒါဒီးပျဲအဟးထီၣ်ပူၤဖျဲးကွံာ်တအိၣ် ဒီးတၢ်မၤဘၣ်အီၤန့ၣ်ကသ့ဧါ. မ်ယွၤဆိၣ်ဂ့ၤနၤလၢတၢ်လၢနမၤဘၣ်ယၤတနံၤအံၤ, အဃိန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 24:19 Iomraidhean Croise

စံးထီၣ်ပတြၢၤ 18:20

ယွၤဟ့ၣ်ဘျုးက့ၤယၤဒ်ယတၢ်တီတၢ်လိၤအသိး, အဝဲဆိၣ်ဂ့ၤယၤမ့ၢ်လၢ ယတၢ်ဒဲးဘးတအိၣ်ဘၣ်အဃိန့ၣ်လီၤ.

လံာ်ပှၤစံၣ်ညီၣ်ကွီၢ် 17:2

ဒီးအဝဲစံးဘၣ်အမိၢ်, “ဖဲပှၤတဂၤဟုၣ်စ့နီၢ်တကထိတကယၤဘး လၢနအိၣ်န့ၣ်နပာ်တၢ်ဆိၣ်အၢလၢပှၤဟုၣ်တၢ်တဂၤန့ၣ်အဖီခိၣ်လီၤ. ယနၢ်ဟူတ့ၢ်နမၤတၢ်န့ၣ်လီၤ. ကွၢ်ကွၢ်, တိၢ်န့ၣ်အိၣ်လၢယအိၣ်လီၤ. ယမ့ၢ်ပှၤတဂၤလၢအဟံးန့ၢ်အီၤလီၤ.” ဒီးအမိၢ်စံးဘၣ်အီၤ, “ယဖိခွါဧၢ, မ်ယွၤဆိၣ်ဂ့ၤနၤတက့ၢ်.”

လံာ်နီၢ်ရူၤသး 2:12

မ်ယွၤဟ့ၣ်ဘျုးက့ၤနၤလၢတၢ်လၢနမၤတ့ၢ်တဖၣ်အဃိန့ၣ်တက့ၢ်. မ်အံၣ်စရ့လးအကစၢ်ယွၤလၢနဟဲဃုတၢ်အိၣ်သဒၢလၢအဒံးဆ့ဖီလာ် တဂၤန့ၣ်ဟ့ၣ်ဘျုးက့ၤနၤလၢလၢပှဲၤပှဲၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 23:17

ဒီးစံးဘၣ်အီၤ, “ပျံၤတၢ်တဂ့ၤ. ယပၢ်စီၤစီလူးမၤဆါနၤ တန့ၢ်ဘၣ်. အဝဲသ့ၣ်ညါဝဲဂ့ၤဂ့ၤကလဲာ်လၢနမ့ၢ်ပှၤတဂၤလၢကကဲထီၣ်ကီၢ်အံၣ် စရ့လးအစီၤပၤဒီးယကမ့ၢ်ပှၤအလီၢ်ဖုၣ်န့ၣ်နၤတဂၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 23:21

စီၤစီလူးစံးဆၢဝဲဒၣ်, “မ်ယွၤဆိၣ်ဂ့ၤသုလၢသုတၢ်သူၣ်အိၣ်သးအိၣ်ယၤအဃိတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 26:23

ယွၤဟ့ၣ်ဘျုးပှၤတဖၣ်လၢအသူၣ်တီအသးလိၤဒီးတီဝဲလိၤဝဲတဖၣ် န့ၣ်လီၤ. တနံၤအံၤန့ၣ်အဝဲပာ်နၤလၢယတၢ်စိကမီၤအဖီ လာ်လီၤ. ဘၣ်ဆၣ်ဒီးယတမၤဆါဘၣ်နၤ, ပှၤလၢယွၤဒုးကဲထီၣ်အီၤ လၢစီၤပၤတဂၤန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 26:25

စီၤစီလူးစံးဘၣ်စီၤဒၤဝံး, “ကစၢ်ယွၤဆိၣ်ဂ့ၤနၤလီၤ, ယဖိခွါဧၢ. နကမၤနၢၤတၢ်လၢကယဲၢ်တၢ်ကိးမံၤဒဲးလၢနမၤအီၤန့ၣ်လီၤ.” မၤသးဒ်န့ၣ်ဒီးစီၤဒၤဝံးလဲၤဆူညါလၢအကျဲဒၣ်ဝဲဒီးစီၤစီ လူးက့ၤဆူအဟံၣ်လီၤ.