လံာ်စီၤၡမူၤအ့လးအခီၣ်ထံးတဘ့ၣ် 24:14 - Sgaw Karen Common Bible

¹⁴ ကွၢ်ဃီၤတၢ်လၢကီၢ်အံၣ်စရ့လးအစီၤပၤကျဲးစၢးမၤဝဲဒ်သိးကမၤ သံဝဲန့ၣ်တဖၣ်တက့ၢ်. ကွၢ်တၢ်လၢအလူၤဖီၣ်န့ၢ်ဝဲတက့ၢ်. မ့ၢ်ထွံၣ်အသံတဒု, ထွံၣ်အကျံတဘ့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:9

နီၢ်စရူယၤအဖိခွါစီၤအဘံၡဲၤစံးဘၣ်စီၤပၤ, “နဲဒၣ်တၢ်ဒိၣ်ကစၢ်စီၤပၤဧၢ, ဘၣ်မနုၤနပျဲလၢထွံၣ်တဒုအံၤ ဆိၣ်အၢနၤန့ၣ်လဲၣ်. ပျဲယလဲၤဃီၤဆူန့ၣ်ဒီးဒီၣ်တဲာ်ကွံာ်အခိၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 3:8

တၢ်အံၤမၤသးဒိၣ်ထီၣ်စီၤအဘံန့ၢ်ဒီးအဝဲစံးဝဲဒၣ်, “မ့ၢ်နဆိကမိၣ်လၢယကဟ့ၣ်လီၤကွံာ်စီၤစီလူးဧါ. မ့ၢ်နဆိကမိၣ်သပှၢ်ကတၢၢ်လၢယမၤကီၢ်ယူဒၤအတၢ်မၤဧါ. စးထီၣ်လၢအခီၣ်ထံးလံၤလံၤန့ၣ်ယသူၣ်တီသးလိၤတ့ၢ်ဒီးနပၢ် စီၤစီလူး, အဒီပုၢ်ဝဲၢ်တဖၣ်, ဒီးအတံၤသကိးတဖၣ်ဒီးယမၤပူၤဖျဲးနၤဒ် သိးနသုတဘၣ်တၢ်မၤနၢၤနၤလၢစီၤဒၤဝံးတဂ့ၤအဂီၢ်လီၤ. အန့ၣ်ဒၣ်လဲာ်တနံၤအံၤနပာ်တၢ်ကမၣ်လၢယလိၤလၢပိာ်မုၣ်တဂၤအဃိ လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:20

တၢ်န့ၣ်ဝံၤအလီၢ်ခံ, ဖဲစီၤဒၤဝံးက့ၤဆူအဟံၣ် ဒ်သိးကဆၢဂ့ၤဆၢဝါအဟံၣ်ဖိဃီဖိန့ၣ်နီၢ်မံၤကၤလးဟးထီၣ်လၢကသဂၢၢ်အီၤအဂီၢ်လီၤ. ပိာ်မုၣ်န့ၣ်စံးဝဲ, “တနံၤအံၤ, ကီၢ်အံၣ်စရ့လးအစီၤပၤမၤဒိၣ်ထီၣ်အမံၤတဖျၢၣ်လၢအဂီၢ်ဒၣ်ဝဲန့ၣ်လီၤ. အဝဲပာ်ဖျါထီၣ်တ့ၢ်အသးဒ်တၢ်ပျုၢ်တဂၤအသိး လၢအဝဲအပဒိၣ်ပပှၢ်တဖၣ်ဒီးအကုၢ်ပိာ်မုၣ်တဖၣ်အမဲာ်ညါန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 9:8

စီၤမဖံဘိၤၡ့းတီၤလီၤကဒီးဝဲဒီးစံးဝဲ, “တၢ်ဒိၣ်ဧၢ, ယတဂ့ၤန့ၢ်ဒံးထွံၣ်လၢအသံတဒုဘၣ်. ဘၣ်မနုၤအဃိနဘၣ်ဂ့ၤလၢယဖီခိၣ်ထဲအံၤညါန့ၣ်လဲၣ်.”

လံာ်စီၤပၤအခီၣ်ထံးတဘ့ၣ် 21:7

နီၢ်အံၤစ့ဘ့ၤလးစံးဆၢဝဲ, “နမ့ၢ်စီၤပၤဧါမ့တမ့ၢ်နတမ့ၢ် စီၤပၤဘၣ်န့ၣ်ဧါ. ဂဲၤဆၢထၢၣ်လၢနလီၢ်မံခိၣ်, အိၣ်ဒီးတၢ်သးဖှံဒီးအီၣ်တၢ်တက့ၢ်. ယကမၤန့ၢ်နၤလၢစီၤနၤဘိးအစပံးလီၢ်န့ၣ်လီၤ.”

လံာ်ဟိၤၡ့ 10:13

ဘၣ်ဆၣ်လၢတၢ်န့ၣ်အလီၢ်, နသူၣ်လီၤတၢ်အၢတၢ်သီဒီးနကူးက့ၤ အတၤသၣ်န့ၣ်လီၤ. နအီၣ်တၤသၣ်လၢနတၢ်လီတၢ်ဝ့ၤတဖၣ်ဟ့ၣ်ထီၣ်ဝဲန့ၣ်လီၤ. မ့ၢ်လၢ, နနာ်န့ၢ်တ့ၢ်နလ့ၣ်ကဟၣ်ဒုးတၢ်တဖၣ်ဒီးနသုးဖိသံၣ်ဖိတဖၣ်လၢ အအိၣ်ဝဲအါအါဂီၢ်ဂီၢ်အဃိ.

လံာ်စီၤၡမူၤအ့လးအခီၣ်ထံးတဘ့ၣ် 17:43

အဝဲစံးဘၣ်စီၤဒၤဝံး, “နီၣ်က့တဘိန့ၣ်မ့ၢ်လၢမနုၤအဂီၢ်လဲၣ်. နဆိကမိၣ်ယမ့ၢ်ထွံၣ်တဒုဧါ.” ဒီးအဝဲဆိၣ်အၢစီၤဒၤဝံးလၢအဝဲအကစၢ်တဖၣ်အမံၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:20

တဘၣ်ပျဲယဘၣ်တၢ်မၤသံယၤလၢပှၤတခီဘီမုၢ်ဖိအဟီၣ်ခိၣ်လိၤ, ယံၤဒီးယွၤန့ၣ်တဂ့ၤ. ဘၣ်မနုၤလၢကီၢ်အံၣ်စရ့လးအစီၤပၤဟဲဒ်သိး ကမၤသံတၢ်အကျံတဘ့ၣ်ဒ်ယၤအသိးအံၤန့ၣ်လဲၣ်. ဘၣ်မနုၤလၢအဝဲဘၣ်လူၤခးယၤဒ်ထိၣ်မံၤအသိးန့ၣ်လဲၣ်.”