လံာ်စီၤၡမူၤအ့လးအခီၣ်ထံးတဘ့ၣ် 24:11 - Sgaw Karen Common Bible

¹¹ ကွၢ်တက့ၢ်, ယပၢ်ဧၢ, ကွၢ်ဃီၤနဆ့ကၤဖးထီအက့တက့လၢယဖီၣ်ဃး အီၤအံၤတက့ၢ်. ယမၤသံနၤသ့လီၤ. ဘၣ်ဆၣ်ဒီး, အခိၣ်တလိာ်န့ၣ်, ယကူးတဲာ်ထဲတၢ်အံၤဧိၤလီၤ. တၢ်အံၤဒုးနၢ်ပၢၢ်လီၤတံၢ်နၤလၢယတအိၣ်ဒၣ်လဲာ်ဒီးတၢ်ဆိကမိၣ် လၢတၢ်ပူထီၣ်ထီဒါနၤမ့ၢ်ဂ့ၤမၤဆါနၤမ့ၢ်ဂ့ၤဘၣ်. နလူၤဖီၣ်န့ၢ်ယၤလၢနကမၤသံယၤအဂီၢ်ဖဲယတမၤကမၣ်ဘၣ်နၤနီတမံၤ ဘၣ်ဒၣ်လဲာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:14

စီၤဒၤဝံးသံကွၢ်အီၤ, “နဒူတုၤဒၣ်လဲာ်နမၤသံစီၤပၤလၢ ယွၤဃုထၢအီၤတဂၤန့ၣ်သ့ဒ်လဲၣ်.”

လံာ်စီၤပၤခံဘ့ၣ်တဘ့ၣ် 5:13

အခ့အပှၤတဖၣ်လဲၤဆူအအိၣ်ဒီးစံးဘၣ်အီၤ, “တၢ်ဒိၣ်ဧၢ, ဝံမ့ၢ်တဲဘၣ်နၤလၢနကဘၣ်မၤတၢ်အကီအခဲတမံၤမံၤန့ၣ်နကမၤနဲလီၤ. ခဲကနံၣ်အံၤဒ်အဝဲစံးတ့ၢ်အသိး, ထဲနကလဲၤလုၣ်ထံလၢနနီၢ်ကစၢ် ဒၣ်နဲဒီးဘၣ်တၢ်မၤဘျါက့ၤနၤန့ၣ်, ဘၣ်မနုၤနမၤတကဲန့ၣ်လဲၣ်.”

လံာ်စီၤယိၤဘး 10:16

ယမ့ၢ်အိၣ်ဒီးတၢ်မၤနၢၤတမံၤမံၤန့ၣ်ဒီးနခိးခးယၤဒ်ခ့ယုၢ် တဒုသိး, ဒီးလၢနကခိးခးယၤအဂီၢ်နမၤတၢ်လီၤလးတဖၣ်ဒၣ်လဲာ် န့ၣ်လီၤ.

စံးထီၣ်ပတြၢၤ 119:161

ပဒိၣ်ဖးဒိၣ်မၤအၢမၤသီယၤကလီကလီလီၤ. ဘၣ်ဆၣ်ဒီးယယူးယီၣ်နတၢ်သိၣ်တၢ်သီလီၤ.

စံးထီၣ်ပတြၢၤ 140:11

မ်ပှၤလၢအကတိၤခဲၣ်သူခဲၣ်ဂီၤတၢ်တဖၣ်, အသုတအိၣ် ဂၢၢ်ဆိးကျၢၤဘၣ်လၢထံဧိၤကီၢ်ဧိၤပူၤန့ၣ်တဂ့ၤ. မ်တၢ်တတၢးတနါမၤဒၢၣ်ကွံာ် ပှၤမၤဆူၣ်မၤစိးတၢ်တဖၣ်န့ၣ်တက့ၢ်.

စံးထီၣ်ပတြၢၤ 35:7

အဂ့ၢ်ဒ်အံၤ, လၢတၢ်ဂ့ၢ်တအိၣ်ဘၣ်နီတမံၤအပူၤန့ၣ်အဝဲသ့ၣ်ပာ်လီၤခူသူၣ် ပျံၤသကွီၤလၢယဂီၢ်, ဒီးခူၣ်တၢ်ပူၤယိာ်လၢယဂီၢ်လီၤ.

စံးထီၣ်ပတြၢၤ 59:3

အဂ့ၢ်ဒ်အံၤ, ကွၢ်ကွၢ်, အဝဲသ့ၣ်ခိးခူသူၣ်ယၤလၢ ယသးသမူအဂီၢ်လီၤ. ဒုၣ်ဒါလၢအဆူၣ်တဖၣ်အိၣ်ဖှိၣ်ထီဒါယၤ, ယွၤဧၢ, တမ့ၢ်ဘၣ်လၢယမၤကမၣ်တၢ်အဃိ မ့တမ့ၢ်ယတၢ်ဒဲးဘးအဃိန့ၣ်ဘၣ်.

စံးထီၣ်ပတြၢၤ 7:5

မ်ယဒုၣ်ယဒါတဖၣ်လူၤယၤဒီးချုးန့ၢ်ယၤ, မ်အယီၢ်တံၢ်မၤသံယၤဒီး ပာ်တ့ၢ်ယစိၣ်လၢဟီၣ်ခိၣ်ကမူၣ်အလိၤတက့ၢ်. စ့လၤ

တၢ်ကတိၤဒိ. 15:1

တၢ်စံးဆၢကပုာ်လုာ်တဘီန့ၣ်, မၤမုာ်မၤခုၣ်လီၤတၢ်သးဒိၣ်လီၤ. မ့မ့ၢ်တၢ်ကတိၤဆူၣ်ဆူၣ်ကိၤကိၤတဘီန့ၣ်ထိၣ်ဂဲၤထီၣ်တၢ်သးဒိၣ် လီၤ.

လံာ်သးသယုၢ်တၢ် 4:18

ဒုၣ်ဒါန့ၣ်ခိးကွၢ်ပှၤဒီးပလဲၤတၢ်လၢကျဲတဖၣ် အပူၤဒၣ်လဲာ်တသ့ဘၣ်. ပမုၢ်နံၤတဖၣ်လၢာ်ကွံာ်ဝဲ, တၢ်အကတၢၢ်ဟဲတုၤလံ.

လံာ်ယဃ့းစက့လး 13:18

ဒီးတဲဘၣ်အဝဲသ့ၣ်တၢ်လၢယွၤပၢဘၣ်တၢ်ခဲလၢာ်အကစၢ်စံးဘၣ် အဝဲသ့ၣ်န့ၣ်တက့ၢ်. သုဝဲပိာ်မုၣ်တဖၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. သုဆးသုစုဒ့ကွီၤမၤကဒါပှၤမဲာ်တဖၣ်လၢပှၤကိးဂၤဒဲးအဂီၢ် ဒီးမၤနီၣ်ကျၢၢ်ဘၢခိၣ်မၤကဒါပှၤမဲာ်တဖၣ်, အကလုာ်ကလုာ်လၢပှၤကိးဂၤဒဲးကစၢထီၣ်ဝဲလၢအခိၣ်တဖၣ်အလိၤ, ဒ်သိးဒီးအဝဲသ့ၣ်ကအိၣ်ဒီးတၢ်စိကမီၤလၢပှၤဂီၢ်မုၢ်အဂၤတဖၣ် အတၢ်အိၣ်မူအဖီခိၣ်အဂီၢ်န့ၣ်လီၤ. သုသးအိၣ်မၤန့ၢ်တၢ်စိကမီၤဘၣ်ဃးဒီးတၢ်မူဒီးတၢ်သံလၢယပှၤ ဂီၢ်မုၢ်အဖီခိၣ်ဒီးသူအီၤလၢသုတၢ်ဘၣ်ဘျုးဒၣ်ဝဲအဂီၢ်န့ၣ်လီၤ.

လံာ်မံကၤ 7:2

ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

လံာ်ယိၤဟၣ် 15:25

ဘၣ်ဆၣ်ဒီး, တၢ်အံၤကဘၣ်မၤအသးဒ်သိးတၢ်လၢ အဘၣ်တၢ်ကွဲးဃာ်အီၤလၢအဝဲသ့ၣ်အတၢ်သိၣ်တၢ်သီ အပူၤကလၢထီၣ်ပှဲၤထီၣ်ဝဲအဂီၢ်လီၤ. တၢ်ကွဲးဃာ် အသးလၢအစံးဝဲ, ‘အဝဲသ့ၣ်သးဟ့ယၤလၢတၢ်အဂ့ၢ် အခၢးတအိၣ်နီတမံၤဘၣ်အပူၤန့ၣ်လီၤ’ (စံး ၆၉:၄).

လံာ်စီၤၡမူၤအ့လးအခီၣ်ထံးတဘ့ၣ် 12:3

ကွၢ်ကွၢ်, ယၤလီၤ. ယမ့ၢ်မၤတ့ၢ်တၢ်ကမၣ်တမံၤမံၤဒီး, ဆှိးထီၣ်ယၤခဲအံၤလၢယွၤဒီးစီၤပၤလၢအဝဲဃုထီၣ်အီၤအမဲာ် ညါတက့ၢ်. မ့ၢ်ယဟံးန့ၣ်ပှၤတဂၤဂၤအဂီၤဖံးမိၢ်ဒီးပှၤတဂၤဂၤအကသ့ၣ်ယီၤဧါ. မ့ၢ်ယလီတၢ်ဒီးမၤနးမၤဖှီၣ်ပှၤတဂၤဂၤဧါ. မ့ၢ်ယတူၢ်လိာ်ခိၣ်ဖးလာ်ဆှိးလၢပှၤတဂၤဂၤအအိၣ်ဧါ. ယမ့ၢ်မၤတ့ၢ်တၢ်တမံၤမံၤလၢတၢ်တဖၣ်အံၤအကျါန့ၣ်ယကလိးက့ၤတၢ် လၢယဟံးန့ၢ်တ့ၢ်အီၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 18:27

စီၤဒၤဝံးဒီးအပှၤသုးဖိတဖၣ်လဲၤမၤသံပှၤဖလ့ၡသးဖိအဂၤခံ ကယၤလီၤ. အဝဲဟဲက့ၤစိာ်အတၢ်ခိၣ်ဖံးတဖၣ်ဆူစီၤပၤအအိၣ်ဒီးဂံၢ်အီၤခဲ လၢာ်လၢအမဲာ်ညါဒ်သိးကကဲထီၣ်ဝဲအမာ်န့ၣ်လီၤ. မၤသးဒ်န့ၣ်ဒီး, စီၤစီလူးဘၣ်ဟ့ၣ်လီၤအဖိမုၣ်နီၢ်မံကၤလး ဆူစီၤဒၤဝံးအအိၣ်လၢကတ့ကဖျီအသးအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:14

စီၤဒၤဝံးအိၣ်ခူသူၣ်လၢတၢ်လူၢ်တၢ်တြီၤအထံအကီၢ်ပူၤ လၢပှၢ်မုၢ်ကနၢဘူးဒီးဝ့ၢ်စံဖးန့ၣ်လီၤ. စီၤစီလူးတခီကျဲးစၢးတဘိယူၢ်ဃီဒ်သိးအကထံၣ်န့ၢ်အီၤန့ၣ်လီၤ. ဘၣ်ဆၣ်ဒီးကစၢ်ယွၤတဟ့ၣ်လီၤကွံာ်အီၤဆူအစုပူၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 23:23

ဃုထံၣ်တၢ်လီၢ်လၢအအိၣ်ခူသူၣ်ဝဲန့ၣ်လီၤတံၢ်လီၤဆဲးဒီးမၤ လီၤတံၢ်လၢသုကဟဲစိာ်က့ၤတၢ်ပာ်ဖျါက့ၤဆူယအိၣ်တဘျီ ဃီန့ၣ်တက့ၢ်. အန့ၣ်တစု, ယကလဲၤဃုာ်ဒီးသုဒီးအဝဲမ့ၢ်အိၣ်ဒံးဖဲန့ၣ် လၢလီၢ်ကဝီၤန့ၣ်ဒီးယကလဲၤဃုန့ၢ်အီၤဒီးယမ့ၢ်ဘၣ်ဃုန့ၢ်အီၤလၢကီၢ်ယူဒၤဒီကီၢ်ညါဒၣ်လဲာ်န့ၣ်ယကဃုထံၣ်န့ၢ်အီၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:28

တၢ်ဒိၣ်ဧၢ, ဝံသးစူၤပျၢ်ကယဲၢ်တၢ်လၢယမၤကမၣ်ဘၣ်တ့ၢ်အီၤတမံၤလၢ်လၢ်န့ၣ်တက့ၢ်. ယွၤကဒုးကဲထီၣ်နၤဒီးနစၢၤနသွဲၣ်တဖၣ်စ့ၢ်ကီးလၢစီၤပၤလီၤ. အဂ့ၢ်ဒ်အံၤ, နဒုးအတၢ်ဒုးတဖၣ်ဒီးလၢနအိၣ်မူဒံးအမုၢ်နံၤတဖၣ် န့ၣ်နတဘၣ်မၤတၢ်အၢတၢ်သီနီတမံၤဘၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:18

ဒီးစံးဝဲဆူညါ, “တၢ်ဒိၣ်ဧၢ, ဘၣ်မနုၤလၢနလူၤဖီၣ်န့ၢ်ဒံးယၤ, နခ့နပှၤယၤအံၤအဖၢမုၢ်လဲၣ်. ယမၤတ့ၢ်တၢ်မနုၤလဲၣ်. တၢ်ကမၣ်ထီဒါတၢ်သိၣ်တၢ်သီန့ၣ်ယမၤကမၣ်မနုၤတမံၤလဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 26:20

တဘၣ်ပျဲယဘၣ်တၢ်မၤသံယၤလၢပှၤတခီဘီမုၢ်ဖိအဟီၣ်ခိၣ်လိၤ, ယံၤဒီးယွၤန့ၣ်တဂ့ၤ. ဘၣ်မနုၤလၢကီၢ်အံၣ်စရ့လးအစီၤပၤဟဲဒ်သိး ကမၤသံတၢ်အကျံတဘ့ၣ်ဒ်ယၤအသိးအံၤန့ၣ်လဲၣ်. ဘၣ်မနုၤလၢအဝဲဘၣ်လူၤခးယၤဒ်ထိၣ်မံၤအသိးန့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 26:23

ယွၤဟ့ၣ်ဘျုးပှၤတဖၣ်လၢအသူၣ်တီအသးလိၤဒီးတီဝဲလိၤဝဲတဖၣ် န့ၣ်လီၤ. တနံၤအံၤန့ၣ်အဝဲပာ်နၤလၢယတၢ်စိကမီၤအဖီ လာ်လီၤ. ဘၣ်ဆၣ်ဒီးယတမၤဆါဘၣ်နၤ, ပှၤလၢယွၤဒုးကဲထီၣ်အီၤ လၢစီၤပၤတဂၤန့ၣ်ဘၣ်.