လံာ်စီၤၡမူၤအ့လးအခီၣ်ထံးတဘ့ၣ် 23:9 - Sgaw Karen Common Bible

⁹ ဖဲစီၤဒၤဝံးနၢ်ဟူဝဲလၢစီၤစီလူးကူၣ်ထီၣ်ကျဲၤလီၤတၢ်လၢ ကဟဲဒုးအီၤဒီး, အဝဲစံးဘၣ်ပှၤလုၢ်တၢ်အခိၣ်စီၤအ့ဘယၤသၣ်, “ဟဲစိာ်အ့ဖိးဆူအံၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 23:9 Iomraidhean Croise

လံာ်စီၤပၤအခီၣ်ထံးတဘ့ၣ် 2:26

တုၤနုၤတစု, စီၤပၤၡလိၤမိၤစံးဘၣ်ပှၤလုၢ်တၢ်အခိၣ်စီၤအ့ဘယၤသၢ်, “က့ၤဆူနတၢ်အိၣ်တၢ်ဆိးဒၣ်နဲအလီၢ်လၢဧၤနသိးအပူၤန့ၣ်တ က့ၢ်. နကၢကီၣ်လၢနကဘၣ်သံဘၣ်ဆၣ်, ယတမၤသံနၤခဲအံၤဒံးဘၣ်. အဂ့ၢ်ဒ်အံၤ, နမ့ၢ်တ့ၢ်ပှၤအခိၣ်လၢအကွၢ်ထွဲယွၤအတၢ်အၢၣ်လီၤအီ လီၤအတလါစီဆှံ, ဖဲနအိၣ်တ့ၢ်ဒီးယပၢ်စီၤဒၤဝံးအခါ, ဒီးနတူၢ်သကိးဃုာ်တၢ် ဒီးအီၤလၢကယဲၢ်အတၢ်ကိၢ်တၢ်ဂီၤခဲလၢာ်အပူၤအဃိန့ၣ်လီၤ.”

လံာ်ယံးရမံယၤ 33:3

ကိးထီၣ်ယၤတက့ၢ် “ဒီးယကစံးဆၢနၤလီၤ. ယကဒုးနဲၣ်နၤလၢ တၢ်အဒိၣ်အထီဒီး တၢ်လီၤ လးတဖၣ်လၢ နတသ့ၣ်ညါ လၢအဂ့ၢ်နီတမံၤ ဘၣ်န့ၣ်လီၤ.

လံာ်ဟိၤၡ့ 3:4

လၢကျဲဒ်အံၤအသိးန့ၣ်, ကီၢ်အံၣ်စရ့လးအပှၤဂီၢ်မုၢ်ကဘၣ်အိၣ်ဝဲ အါနံၣ်အါလါ, တအိၣ်ဘၣ်ဒီးစီၤပၤတဖၣ်မ့ၢ်ဂ့ၤ, ခိၣ်နၢ်တဖၣ်မ့ၢ်ဂ့ၤ, တအိၣ်ဘၣ်ဒီးတၢ်လုၢ်တၢ်ပာ်တဖၣ်မ့ၢ်ဂ့ၤ, လၢၢ်ထူၣ်စီဆှံတဖၣ်မ့ၢ်ဂ့ၤ, အ့ဖိးမ့ၢ်ဂ့ၤ, တၢ်ဂီၤတရၤဖးမ့ၢ်ဂ့ၤ, လၢကသံကွၢ်ဒီးသ့ၣ်ညါကစၢ်အတၢ်ဘၣ်အသးအဂီၢ်ဘၣ်လီၤ.

လံာ်တၢ်ဂံၢ် 27:21

အဝဲကဘၣ်သန့ၤအသးလၢပှၤလုၢ်တၢ်အခိၣ်စီၤအလၤဧစၢ်, ပှၤတဂၤလၢအကမၤလိတၢ်ဘၣ်ယသးခီဖျိအူရံၣ်ဒီးထူမံၣ်န့ၣ်လီၤ. လၢကျဲဒ်အံၤန့ၣ်စီၤအလၤဧစၢ်ကနဲၣ်န့ၢ်စီၤယိၤၡူဒီးကီၢ်အံၣ်စရ့လး အကမျၢၢ်ဒီဖုန့ၣ်အကျဲလၢကယဲၢ်အတၢ်ဂ့ၢ်တၢ် ကျိၤခဲလၢာ်အပူၤန့ၣ်လီၤ.”

မၤတၢ် 14:6

ဖဲပှၤတၢ်မၢဖိတဖၣ်သ့ၣ်ညါတၢ်ဂ့ၢ်အဝဲအံၤန့ၣ်, အဝဲသ့ၣ်ဃ့ၢ်ဆူဝ့ၢ်လူစတြၤဒီးဝ့ၢ်ဒ့ၢ်ဘ့ၤဘၣ်ဃးဒီးကီၢ်လူၤကီၤနံ, ဒီးဆူကီၢ်အိၣ်ဝးတရံးအီၤ,

မၤတၢ် 9:24

ဘၣ်ဆၣ်အဝဲဒၣ်ဘၣ်တၢ်ဒုးသ့ၣ်ညါအီၤလၢအဝဲသ့ၣ် အတၢ်ကူၣ်အၢအီၤအဂ့ၢ်န့ၣ်လီၤ. အဝဲသ့ၣ်အိၣ်ခိးကွၢ်ဟုၣ်တၢ်ဖဲဝ့ၢ်အတြဲၤန့ၣ်လၢမုၢ်ဆါဒီး မုၢ်နၤ, လၢကမၤသံကွံာ်အီၤအဂီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:22

အဝဲသ့ၣ်သံကွၢ်ယွၤ, “မ့ၢ်ပှၤအဂၤအိၣ်တဂၤဂၤဒံးဧါ.” ယွၤစံးဆၢဝဲဒၣ်, “စီၤစီလူးအိၣ်ဖဲန့ၣ်ဒီးအိၣ်ခူသူၣ်လၢ တၢ်ဖိတၢ်လံၤအကျါလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:18

စီၤစီလူးစံးဘၣ်ပှၤလုၢ်တၢ်အခိၣ်စီၤအဃံယၤ, “ဟဲစိာ်အ့ဖိးဆူအံၤတက့ၢ်.” (လၢမုၢ်နံၤအဝဲန့ၣ်န့ၣ်, စီၤအဃံယၤစိာ်အ့ဖိးန့ၣ်လၢကီၢ်အံၣ်စရ့လးအပှၤဂီၢ်မုၢ်အမဲာ်ညါလီၤ.)

လံာ်စီၤၡမူၤအ့လးအခီၣ်ထံးတဘ့ၣ် 22:20

ဘၣ်ဆၣ်ဒီးစီၤအဃံၤမ့လ့းအဖိခွါတဖၣ်အကျါတဂၤ, စီၤအ့ဘယၤသၣ်ပူၤဖျဲးဝဲဒီးလဲၤပာ်ဖှိၣ်အသးဒီးစီၤဒၤဝံး န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:10

တုၤနုၤတစုစီၤဒၤဝံးစံးဝဲ, “ယွၤ, ကီၢ်အံၣ်စရ့လးအကစၢ်ယွၤဧၢ, ယနၢ်ဟူလၢစီၤစီလူးကူၣ်ထီၣ်ကျဲၤလီၤတၢ်လၢအကဟဲဆူ ဝ့ၢ်ကံလၤဒီးမၤဟးဂီၤအီၤလၢနခ့နပှၤယၤအံၤအဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:6

ဖဲစီၤအဃံၤမ့လ့းအဖိခွါစီၤအ့ဘယၤသၣ်ပူၤဖျဲးဒီးလဲၤမၤဃုာ်တၢ်ဒီး စီၤဒၤဝံးလၢဝ့ၢ်ကံလၤန့ၣ်အဝဲလဲၤစိာ်အ့ဖိး ဃုာ်ဒီးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:8

မၤသးဒ်န့ၣ်ဒီး, စီၤစီလူးကိးအပှၤသုးဖိတဖၣ်ဆူတၢ်ဒုးလၢ အကလဲၤထီၣ်ထီဒါဝ့ၢ်ကံလၤဒီးကဝီၤဃာ် စီၤဒၤဝံးဒီးအပှၤတဖၣ်အဂီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:7

စီၤဒၤဝံးစံးဘၣ်ပှၤလုၢ်တၢ်အခိၣ်, စီၤအဃံၤမ့လ့းအဖိခွါ စီၤအ့ဘယၤသၢ်, “ဟဲစိာ်န့ၢ်ယၤအ့ဖိးတက့ၢ်.” ဒီးစီၤအ့ဘယၤသၢ်ဟဲစိာ်တၢ်န့ၣ်ဆူအအိၣ်န့ၣ်လီၤ.