လံာ်စီၤၡမူၤအ့လးအခီၣ်ထံးတဘ့ၣ် 23:4 - Sgaw Karen Common Bible

⁴ မၤသးဒ်န့ၣ်ဒီး, စီၤဒၤဝံးသံကွၢ်ကဒီးတၢ်လၢကစၢ်ယွၤဒီးယွၤ စံးဘၣ်အီၤ, “လဲၤဒီးဒုးဝ့ၢ်ကံလၤတက့ၢ်. အဂ့ၢ်ဒ်အံၤ, ယဟ့ၣ်လီၤသုတၢ်မၤနၢၤလၢပှၤဖလ့ၡသးဖိတဖၣ်အဖီ ခိၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 23:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:1

တၢ်အံၤဝံၤအလီၢ်ခံ, စီၤဒၤဝံးသံကွၢ်ယွၤ, “ယဘၣ်လဲၤမၤန့ၢ်ဒီးပၢၤဃာ်ကီၢ်ယူဒၤအဝ့ၢ်တဖျၢၣ်ဖျၢၣ်ဧါ.” ယွၤစံးဆၢဝဲဒၣ်, “မ့ၢ်လီၤ.” စီၤဒၤဝံးသံကွၢ်ဝဲ, “ဝ့ၢ်လၢလဲၣ်တဝ့ၢ်လဲၣ်.” ယွၤစံးဝဲဒၣ်, “ဝ့ၢ်ဃ့ဘြိၣ်” လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:19

စီၤဒၤဝံးသံကွၢ်ယွၤ, “မ့ၢ်ယကဘၣ်ဒုးပှၤဖလ့ၡသးဖိတဖၣ်န့ၣ်ဧါ. မ့ၢ်နကဟ့ၣ်ယၤလၢတၢ်မၤနၢၤန့ၣ်ဧါ.” ယွၤစံးဆၢဝဲဒၣ်, “မ့ၢ်, လဲၤဒုးတက့ၢ်. ယကဟ့ၣ်နၤလၢတၢ်မၤနၢၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 3:18

ဒီးစီၤအလံၤၡါစံးအါထီၣ်ဝဲ, “ဘၣ်ဆၣ်တၢ်အံၤမ့ၢ်တၢ်အညီ ကဒၣ်တမံၤလၢယွၤအဂီၢ်လၢကမၤဝဲန့ၣ်လီၤ. အဝဲကဟ့ၣ်လီၤစ့ၢ်ကီးသုတၢ်မၤနၢၤလၢပှၤမိၤအးဖိအဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 14:10

စီၤဒၤဝံးသံကွၢ်ကစၢ်ယွၤ, “မ့ၢ်ယဘၣ်ဒုးပှၤဖလ့ၡသးဖိတဖၣ် န့ၣ်ဧါ. ဒီးမ့ၢ်နကဟ့ၣ်ယၤတၢ်မၤနၢၤန့ၣ်ဧါ.” ဒီးယွၤစံးဆၢဝဲ, “မ့ၢ်, ဒုးတၢ်တက့ၢ်. ယကဟ့ၣ်နၤတၢ်မၤနၢၤန့ၣ်လီၤ.”

လံာ်စီၤယိၤၡူ 8:7

အန့ၣ်ဒီး, သုကဟဲထီၣ်လၢသုအိၣ်ခူသူၣ်အလီၢ် ဒီးဒုးန့ၢ်ဝ့ၢ်န့ၣ်လီၤ. ယွၤသုကစၢ်ယွၤကဟ့ၣ်လီၤအီၤလၢသုစုပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 6:39

တုၤနုၤတစုစီၤကံးဒဧိၣ်စံးဘၣ်ကစၢ်ယွၤ, “သးဒိၣ်လၢ်ယၤတဂ့ၤ, ပျဲယကတိၤတၢ်ဆူညါထဲတဘျီဧိၤတက့ၢ်. ဝံသးစူၤပျဲယမၤကွၢ်ကဒီးတၢ်ဆူညါထဲတဘျီဧိၤလၢသိဆူၣ်န့ၣ်တက့ၢ်. အအံၤတဘျီန့ၣ်ပျဲသိဆူၣ်အိၣ်ဃ့ထီဒီးဟီၣ်ခိၣ်ဘၣ်စီၣ်ဝဲတက့ၢ်.”

လံာ်ပှၤစံၣ်ညီၣ်ကွီၢ် 7:7

ဒီးယွၤစံးဘၣ်စီၤကံးဒဧိၣ်, “ယကအုၣ်က့ၤခီၣ်က့ၤနၤဒီး ဟ့ၣ်နၤတၢ်မၤနၢၤလၢပှၤမံးဒယၣ်ဖိအဖီခိၣ်, ဃုာ်ဒီးပှၤသၢကယၤလၢအလ့ၣ်အီထံန့ၣ်လီၤ. တဲဘၣ်ပှၤအဂၤတဖၣ် လၢကက့ၤဆူဟံၣ်န့ၣ်တက့ၢ်.”

လံာ်ပှၤစံၣ်ညီၣ်ကွီၢ် 7:9

လၢမုၢ်နၤအဝဲန့ၣ်ကစၢ်ယွၤမၤလိာ်စီၤကံးဒဧိၣ်စံးဝဲ, “ဂဲၤဆၢထၢၣ်ဒီးလဲၤဒုးပှၤသူၣ်ဒဲအလီၢ်န့ၣ်တက့ၢ်. ယကဟ့ၣ်လီၤနၤတၢ်မၤနၢၤလၢအဝဲသ့ၣ်အဖီခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:22

အဝဲသ့ၣ်သံကွၢ်ယွၤ, “မ့ၢ်ပှၤအဂၤအိၣ်တဂၤဂၤဒံးဧါ.” ယွၤစံးဆၢဝဲဒၣ်, “စီၤစီလူးအိၣ်ဖဲန့ၣ်ဒီးအိၣ်ခူသူၣ်လၢ တၢ်ဖိတၢ်လံၤအကျါလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 23:2

မၤသးဒ်န့ၣ်ဒီးအဝဲသံကွၢ်တၢ်လၢယွၤ, “မ့ၢ်ယကဘၣ်လဲၤဒုး ပှၤဖလ့ၡသးဖိတဖၣ်န့ၣ်ဧါ.” ယွၤစံးဆၢအီၤ, “မ့ၢ်လီၤ, လဲၤဒုးအဝဲသ့ၣ်ဒီးမၤပူၤမၤဖျဲးက့ၤဝ့ၢ်ကံလၤ တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 23:3

ဘၣ်ဆၣ်ဒီးစီၤဒၤဝံးအပှၤတဖၣ်စံးဘၣ်အီၤ, “ပအိၣ်လၢကီၢ်ယူ ဒၤအပူၤအံၤတၢ်ပျံၤတၢ်ဖုးလၢဝဲလၢပဂီၢ်လံ. ပမ့ၢ်လဲၤဆူဝ့ၢ်ကံလၤဒီးဒုးပှၤဖလ့ၡသးဖိအသုးမုၢ်န့ၣ်ကအၢ န့ၢ်အလီၢ်တက့ၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 23:5

လၢတၢ်န့ၣ်အဃိ, စီၤဒၤဝံးဒီးအပှၤတဖၣ်လဲၤဆူဝ့ၢ်ကံလၤဒီး ဒုးပှၤဖလ့ၡသးဖိတဖၣ်လီၤ. အဝဲသ့ၣ်မၤသံကွံာ်ပှၤဖလ့ ၡသးဖိအါဂၤဒီးဟဲက့ၤစိာ်အဆၣ်ဖိကီၢ်ဖိ လၢအဘုၣ်ဝဲတဖၣ်န့ၣ်လီၤ. ဒီးစီၤဒၤဝံးမၤပူၤဖျဲးဝ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:6

မၤသးဒ်န့ၣ်ဒီး, အဝဲသံကွၢ်ယွၤလၢကဘၣ်မၤတၢ်မနုၤလဲၣ်န့ၣ်လီၤ. ဘၣ်ဆၣ်ဒီးလၢတၢ်မံမီၢ်မ့ၢ်ဂ့ၤ, လၢအူရံၣ်ဒီးတူမံၢ်မ့ၢ်ဂ့ၤ, ခီဖျိဝံတဖၣ်မ့ၢ်ဂ့ၤန့ၣ်, ယွၤတစံးဆၢအီၤနီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 30:8

စီၤဒၤဝံးသံကွၢ်ကစၢ်ယွၤ, “မ့ၢ်ယဘၣ်လဲၤလူၤပှၤဂုာ်ဆူၣ်တၢ်တဖၣ်ဒီးမ့ၢ်ယကဘၣ်ဖီၣ်န့ၣ်အဝဲသ့ၣ်ဧါ.” ယွၤစံးဆၢဝဲဒၣ်, “လဲၤလူၤအဝဲသ့ၣ်ဒီးမၤပူၤမၤဖျဲးပှၤဘၣ်တၢ်စိာ်မၢကဲကုၢ်အီၤတဖၣ်တက့ၢ်.”