လံာ်စီၤၡမူၤအ့လးအခီၣ်ထံးတဘ့ၣ် 23:27 - Sgaw Karen Common Bible

²⁷ ဖဲအကတီၢ်န့ၣ်အပူၤ, ပှၤစိာ်တၢ်ကစီၣ်တဂၤဟဲတုၤဒီးစံးဘၣ်စီၤ စီလူး, “ဟဲက့ၤတဘျီဃီတက့ၢ်. ပှၤဖလ့ၡသးဖိတဖၣ်ဟဲနုာ်လီၤဒုးပကီၢ်လံ.”

လံာ်စီၤၡမူၤအ့လးအခီၣ်ထံးတဘ့ၣ် 23:27 Iomraidhean Croise

လံာ်တၢ်ကဲထီၣ်အခီၣ်ထံး 22:14

စီၤအၤဘြၤဟၣ်ယုၢ်တၢ်လီၢ်န့ၣ်အမံၤလၢ, “ယဟိဝၤယံၤရၤ” အခီပညီ, “ယွၤထံၣ်တၢ်ဟ့ၣ်တၢ်” လီၤ. ဒီးတုၤလီၤလၢမုၢ်မဆါတနံၤအံၤဒၣ်လဲာ်ပှၤဂီၢ်မုၢ်စံး, “လၢယွၤအကစၢၢ်ဒီခိၣ်န့ၣ်ယွၤအိၣ်ဖျါထီၣ်ဝဲလီၤ.”

လံာ်စီၤပၤခံဘ့ၣ်တဘ့ၣ် 19:9

တၢ်ကစီၣ်ဟဲတုၤဝဲဆူပှၤအၤၡူၢ်ဖိတဖၣ်အအိၣ်လၢပှၤအဲၤကူပတူး ဖိအသုးမုၢ်လၢအဘၣ်တၢ်ပၢဆှၢအီၤလၢကီၢ်ကူၤၡးအစီၤပၤတံ ရဟၤကၤ, ဟဲထီၣ်လၢကဒုးအဝဲသ့ၣ်န့ၣ်လီၤ. ဖဲစီၤပၤဖးဒိၣ်နၢ်ဟူတၢ်အံၤန့ၣ်, အဝဲဆှၢလီၤလံာ်ပရၢတဘ့ၣ် ဆူကီၢ်ယူဒၤအစီၤပၤဃံးစကံယၤအအိၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 14:13

တယံာ်ဘၣ်န့ၣ်ပှၤဖလ့ၡသးဖိတဖၣ်ဟဲက့ၤကဒါက့ၤကဒီးဝဲဆူကစၢၢ် ကဆူးလၢကစးထီၣ်ဂုာ်ဆူၣ်ပျီဆူၣ်တၢ်ကဒီးအဂီၢ်န့ၣ်လီၤ.

စံးထီၣ်ပတြၢၤ 116:3

တၢ်သံအတၢ်ပျံၤတၢ်ဖုးအိၣ်ဝးတရံးယၤ, တၢ်သွၣ်ခိၣ်အတၢ်လီၤပျံၤလီၤဖုး အိၣ်ဘူးဒီးယၤန့ၣ်လီၤ. ယပှဲၤလုာ်ကွံာ်ဒီးတၢ်ပျံၤတၢ်ဖုး ဒီးတၢ်ဘၣ်ယိၣ်ဘၣ်ဘီန့ၣ်လီၤ.

လံာ်သိၣ်လီၤသီလီၤတၢ် 32:36

ယွၤကမၤပူၤဖျဲးပှၤဂီၢ်မုၢ်, ဖဲအဝဲထံၣ်ဘၣ်လၢအဝဲသ့ၣ်အဂံၢ်အဘါလၢာ်ကွံာ်လံန့ၣ်လီၤ. အဝဲကအိၣ်ဒီးတၢ်သးကညီၤဘၣ်ပှၤတဖၣ်လၢ အမၤအတၢ်, ဖဲအဝဲထံၣ်ဘၣ်လၢအဝဲသ့ၣ်အတၢ်မၤစၢၤလၢာ်ကွံာ်ဝဲလံန့ၣ်လီၤ.

လံာ်လီၣ်ဖျါ 12:16

ဘၣ်ဆၣ်ဒီးဟီၣ်ခိၣ်မၤစၢၤပိာ်မုၣ်တဂၤန့ၣ်လီၤ. အဝဲဒၣ်အိးထီၣ်အထးခိၣ်ဒီးယူၢ်လီၤကွံာ်ထံလၢအဟဲဖျိးထီၣ် တ့ၢ်ဝဲလၢပယိၤအကိာ်ပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:26

စီၤစီလူးဒီးအပှၤတဖၣ်အိၣ်ဝဲလၢတၢ်လူၢ်ခိၣ်တကပၤအိၣ်လီၤဖး ဒီးစီၤဒၤဝံးဒီးအပှၤတဖၣ်လၢအအိၣ်လၢတၢ်လူၢ်ခိၣ်အဂၤတကပၤ န့ၣ်လီၤ. အဝဲသ့ၣ်မၤချ့ချ့ဒ်သိးကဟးထီၣ်ကွံာ်လၢစီၤစီလူးဒီးအပှၤ တဖၣ်အအိၣ်လီၤ. အဂ့ၢ်ဒ်အံၤ, ပှၤတဖၣ်န့ၣ်ဘူးထီၣ်ဒီးအဝဲသ့ၣ်ဒီးဘူးကဖီၣ်န့ၢ်အဝဲသ့ၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:28

လၢတၢ်န့ၣ်အဃိစီၤစီလူးဆိကတီၢ်အတၢ်လူၤဖီၣ်စီၤဒၤဝံး ဒီးက့ၤက့ၤဝဲဒ်သိးအကဒုးပှၤဖလ့ၡသးဖိတဖၣ်အဂီၢ်န့ၣ်လီၤ. မၤသးဒ်န့ၣ်ဒီး, တၢ်လီၢ်န့ၣ်တၢ်ကိးအီၤလၢ “စ့လၤဟးမၤဃလကိး” အခီပညီတၢ်လူၢ်ခိၣ်အိၣ်လီၤဖးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 27:10

စီၤအၤကံၣ်သံကွၢ်အီၤ, “ခဲအံၤတဘျီနလဲၤဒုးတၢ်ဂုာ်တၢ်ဖဲလဲၣ်.” စီၤဒၤဝံးစံးဆၢဝဲလၢ, အဝဲလဲၤလီၤဆူကီၢ်ယူဒၤအကလံၤထံး, မ့တမ့ၢ်ဆူပှၤယရၤဃမအ့လးဖိအဒူၣ်ထၢအလီၢ်ကဝီၤ, မ့တမ့ၢ်ပှၤက့ၣ်ဖိအိၣ်ဆိးအလီၢ်ကဝီၤန့ၣ်လီၤ.