လံာ်စီၤၡမူၤအ့လးအခီၣ်ထံးတဘ့ၣ် 23:26 - Sgaw Karen Common Bible

²⁶ စီၤစီလူးဒီးအပှၤတဖၣ်အိၣ်ဝဲလၢတၢ်လူၢ်ခိၣ်တကပၤအိၣ်လီၤဖး ဒီးစီၤဒၤဝံးဒီးအပှၤတဖၣ်လၢအအိၣ်လၢတၢ်လူၢ်ခိၣ်အဂၤတကပၤ န့ၣ်လီၤ. အဝဲသ့ၣ်မၤချ့ချ့ဒ်သိးကဟးထီၣ်ကွံာ်လၢစီၤစီလူးဒီးအပှၤ တဖၣ်အအိၣ်လီၤ. အဂ့ၢ်ဒ်အံၤ, ပှၤတဖၣ်န့ၣ်ဘူးထီၣ်ဒီးအဝဲသ့ၣ်ဒီးဘူးကဖီၣ်န့ၢ်အဝဲသ့ၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:26 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:14

လၢတၢ်န့ၣ်အဃိ, စီၤဒၤဝံးစံးဘၣ်ကယဲၢ်အပဒိၣ်ပပှၢ်ခဲလၢာ်လၢ အအိၣ်ဒီးအီၤလၢဝ့ၢ်ယရူၤၡလ့ၣ်အပူၤန့ၣ်, “ပမ့ၢ်အဲၣ်ဒိးပူၤဖျဲးကွံာ်လၢစီၤအးဘၡါလိၣ်န့ၣ် ပကဘၣ်ဟးထီၣ်ကွံာ်တဘျီဃီန့ၣ်လီၤ. မၤချ့ချ့တက့ၢ်. မ့တမ့ၢ်ဘၣ်န့ၣ်တယံာ်ဘၣ်ဒီးအဝဲကဟဲတုၤဖဲအံၤ, ဒီးမၤနၢၤကွံာ်ပှၤဒီးမၤသံကွံာ်ကယဲၢ်ပှၤအိၣ်လၢဝ့ၢ်ပူၤခဲလၢာ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 20:12

နမ့ၢ်ပကစၢ်ယွၤလီၤ. စံၣ်ညီၣ်အဝဲသ့ၣ်တက့ၢ်. အဂ့ၢ်ဒ်အံၤ, လၢသုးမုၢ်ဖးဒိၣ်လၢအဟဲထီၣ်ဒုးပှၤအမဲာ်ညါန့ၣ်, ပမၤစၢၤလီၤက့ၤပသးတဘၣ်ဘၣ်. ပကဘၣ်မၤတၢ်မနုၤလဲၣ်န့ၣ်ပတသ့ၣ် ညါဘၣ်. မ့မ့ၢ်ပကွၢ်ထီၣ်တၢ်ဆူနအိၣ်လၢတၢ်မၤစၢၤအဂီၢ်န့ၣ်လီၤ.”

စံးထီၣ်ပတြၢၤ 17:11

ဖဲယဃၣ်ဃီၤယသးတပူၤလၢ်လၢ်န့ၣ် အဝဲသ့ၣ်အိၣ်ဝးတရံးယၤ, ကွၢ်ဟုၣ်ကွၢ်စုာ်တၢ်ခွဲးတၢ်ယာ်လၢ အကထုးလီၤဃံၤယၤလီၤ.

စံးထီၣ်ပတြၢၤ 17:9

လၢပှၤတတီတလိၤအတၢ်ထီဒါယၤ, လၢယဒုၣ်ယဒါလၢအအဲၣ်ဒိးမၤသံယၤ အတၢ်ကဝီၤဃာ်ယၤန့ၣ်တက့ၢ်.

စံးထီၣ်ပတြၢၤ 22:12

ဒုၣ်ဒါအါဂၤကဝီၤဃာ်ယၤဒ်ဂီၤဖံးဖါတဖၣ်အသိး, အဝဲသ့ၣ်အိၣ်ဝးတရံးယၤဒ်ဂီၤဖံးဖါလၢအအၢ လၢအအိၣ်လၢကီၢ်ဘၤၡၣ်အသိးန့ၣ်လီၤ.

စံးထီၣ်ပတြၢၤ 22:16

ပှၤအၢပှၤသီတဖုကဝီၤဃာ်ယၤ, ဖှိၣ်အသးဆူယအိၣ်ဒ်ထွံၣ်တဖၣ်အသိး, အ့ၣ်ဖှီယစုဒီးယခီၣ်လီၤ.

စံးထီၣ်ပတြၢၤ 31:22

ယပျံၤတၢ်ဒီးယဆိကမိၣ်ယဲလၢ အဝဲဟီထီၣ်ကွံာ်ယၤလၢအမဲာ်ညါလံန့ၣ်လီၤ. ဘၣ်ဆၣ်တုၤယကိးထီၣ်အီၤလၢတၢ်မၤစၢၤအဂီၢ်န့ၣ်ဒီး နၢ်ဟူယတၢ်ကိးထီၣ်န့ၣ်လီၤ.

၂ ကရံၣ်သူး 1:8

ဒီပုၢ်ဝဲၢ်သ့ၣ်ဧၢ, ပသးအိၣ်ဒုးသ့ၣ်နီၣ်ထီၣ်သုဘၣ်ဃးဒီးတၢ်ကီ တၢ်ခဲလၢပလဲၤခီဖျိတ့ၢ်ပဝဲလၢကီၢ်အၤစံအပူၤန့ၣ်လီၤ. တၢ်ဝံ တၢ်ယိးလၢအဘၣ်တၢ်ပာ်ထီၣ်အီၤလၢပလိၤတဖၣ်န့ၣ်, ဒိၣ်ဝဲ ဃၢဝဲတုၤဒၣ်လဲာ်ပတၢ်မုၢ်လၢ်လၢပကအိၣ်မူဒံးဆူညါန့ၣ် လၢာ်ကွံာ်ဝဲစီဖ့ကလ့ၤန့ၣ်လီၤ.

လံာ်လီၣ်ဖျါ 20:9

အဝဲသ့ၣ်ရၤလီၤအသးသကုၤဟီၣ်ခိၣ်ချၢ, ဒီးကဝီၤဃာ်ကစၢ်ယွၤအပှၤဂီၢ်မုၢ်တဖၣ်အဒဲဒီးဝ့ၢ် တဖျၢၣ်လၢအဝဲဒၣ်အဲၣ်ဝဲန့ၣ်လီၤ. ဘၣ်ဆၣ်ဒီးမ့ၣ်အူ ဟဲလီၤလၢမူခိၣ်, ဒီးမၤဟးဂီၤကွံာ်အဝဲသ့ၣ်လီၤ.

လံာ်ပှၤစံၣ်ညီၣ်ကွီၢ် 16:2

ဒီးပှၤဂါစၤဖိတဖၣ်သ့ၣ်ညါဝဲလၢစီၤၡံၣ်ၡိၣ်အိၣ်ဖဲန့ၣ်အဃိ အဝဲသ့ၣ်ကဝီၤဃးတၢ်လီၢ်န့ၣ်ဒီးခိးအီၤသီတနၤကျၢၤလၢဝ့ၢ်အပဲတြီန့ၣ်လီၤ. အဝဲသ့ၣ်အိၣ်ဃိကလာ်ဒီနၤဒီးဆိကမိၣ်လၢအသးပူၤ, “ပကခိးတုၤမုၢ်ဆ့ၣ်ထီၣ်ဒီးပကမၤသံကွံာ်အီၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 19:12

အမါစဲၤလီၤအီၤလၢပဲတြီဖိတဘ့ၣ်, ဒီးအဝဲဃ့ၢ်ပူၤဖျဲး ကွံာ်အသးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:38

အိၣ်ဆၢထၢၣ်ဖဲန့ၣ်တဂ့ၤ. မၤချ့ချ့တက့ၢ်.” ပှၤသးစၢ်ဖိထၢထီၣ်ပျၢ်ဒီးဟဲက့ၤဆူအကစၢ်အိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:25

စီၤစီလူးဒီးအပှၤတဖၣ်ဂဲၤဂီၤထီၣ်အသးလၢကလဲၤဃုထံၣ်စီၤဒၤ ဝံးန့ၣ်လီၤ. ဘၣ်ဆၣ်ဒီးအဝဲနၢ်ဟူတၢ်ဂ့ၢ်န့ၣ်ဒီး, အဝဲလဲၤဆူတၢ်လူၢ်ခိၣ်ပှဲၤဒီးလၢၢ်ဧိၤလ့ဧိၤလၢပှၢ်မုၢ်ကနၢ မၤဧိၣ်အပူၤန့ၣ်လီၤ. ဖဲစီၤစီလူးနၢ်ဟူတၢ်ဂ့ၢ်အံၤန့ၣ်အဝဲလူၤထွဲ စီၤဒၤဝံးအခံလီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:27

ဖဲအကတီၢ်န့ၣ်အပူၤ, ပှၤစိာ်တၢ်ကစီၣ်တဂၤဟဲတုၤဒီးစံးဘၣ်စီၤ စီလူး, “ဟဲက့ၤတဘျီဃီတက့ၢ်. ပှၤဖလ့ၡသးဖိတဖၣ်ဟဲနုာ်လီၤဒုးပကီၢ်လံ.”