လံာ်စီၤၡမူၤအ့လးအခီၣ်ထံးတဘ့ၣ် 23:2 - Sgaw Karen Common Bible

² မၤသးဒ်န့ၣ်ဒီးအဝဲသံကွၢ်တၢ်လၢယွၤ, “မ့ၢ်ယကဘၣ်လဲၤဒုး ပှၤဖလ့ၡသးဖိတဖၣ်န့ၣ်ဧါ.” ယွၤစံးဆၢအီၤ, “မ့ၢ်လီၤ, လဲၤဒုးအဝဲသ့ၣ်ဒီးမၤပူၤမၤဖျဲးက့ၤဝ့ၢ်ကံလၤ တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 23:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:1

တၢ်အံၤဝံၤအလီၢ်ခံ, စီၤဒၤဝံးသံကွၢ်ယွၤ, “ယဘၣ်လဲၤမၤန့ၢ်ဒီးပၢၤဃာ်ကီၢ်ယူဒၤအဝ့ၢ်တဖျၢၣ်ဖျၢၣ်ဧါ.” ယွၤစံးဆၢဝဲဒၣ်, “မ့ၢ်လီၤ.” စီၤဒၤဝံးသံကွၢ်ဝဲ, “ဝ့ၢ်လၢလဲၣ်တဝ့ၢ်လဲၣ်.” ယွၤစံးဝဲဒၣ်, “ဝ့ၢ်ဃ့ဘြိၣ်” လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:19

စီၤဒၤဝံးသံကွၢ်ယွၤ, “မ့ၢ်ယကဘၣ်ဒုးပှၤဖလ့ၡသးဖိတဖၣ်န့ၣ်ဧါ. မ့ၢ်နကဟ့ၣ်ယၤလၢတၢ်မၤနၢၤန့ၣ်ဧါ.” ယွၤစံးဆၢဝဲဒၣ်, “မ့ၢ်, လဲၤဒုးတက့ၢ်. ယကဟ့ၣ်နၤလၢတၢ်မၤနၢၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 5:23

မၤကဒီးတစု, စီၤဒၤဝံးသံကွၢ်တၢ်လၢယွၤဒီးယွၤစံးဆၢ အီၤ, “လဲၤဒုးအဝဲသ့ၣ်ဖဲအံၤတဂ့ၤ. မ့မ့ၢ်လဲၤတရံးဒီးကတဲာ်ကတီၤသုသးဒ်သိးသုကလဲၤဒုးအီၤလၢ အဂၤတကပၤဖဲအဘူးဒီးပံၢ်သလီအထူၣ်တဖၣ်န့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 14:10

စီၤဒၤဝံးသံကွၢ်ကစၢ်ယွၤ, “မ့ၢ်ယဘၣ်ဒုးပှၤဖလ့ၡသးဖိတဖၣ် န့ၣ်ဧါ. ဒီးမ့ၢ်နကဟ့ၣ်ယၤတၢ်မၤနၢၤန့ၣ်ဧါ.” ဒီးယွၤစံးဆၢဝဲ, “မ့ၢ်, ဒုးတၢ်တက့ၢ်. ယကဟ့ၣ်နၤတၢ်မၤနၢၤန့ၣ်လီၤ.”

စံးထီၣ်ပတြၢၤ 32:8

ယွၤစံးဝဲ, “ယကသိၣ်လိနၤကျဲလၢနကြၢးလဲၤ, ယကနဲၣ်လိဒီးဟ့ၣ်ကူၣ်ဟ့ၣ်ဖးနၤလီၤ.

လံာ်ယံးရမံယၤ 10:23

ယွၤဧၢ, ယသ့ၣ်ညါလၢပှၤကညီတပၢဘၣ်အနီၢ်ကစၢ်ဒၣ်ဝဲ အတၢ်အိၣ်မူအကျဲနီတဂၤဘၣ်. ပှၤတပၢၤဃာ်ဘၣ်အနီၢ်ကစၢ်ဒၣ်ဝဲအသးသမူ နီတဂၤဘၣ်.

လံာ်တၢ်ဂံၢ် 27:21

အဝဲကဘၣ်သန့ၤအသးလၢပှၤလုၢ်တၢ်အခိၣ်စီၤအလၤဧစၢ်, ပှၤတဂၤလၢအကမၤလိတၢ်ဘၣ်ယသးခီဖျိအူရံၣ်ဒီးထူမံၣ်န့ၣ်လီၤ. လၢကျဲဒ်အံၤန့ၣ်စီၤအလၤဧစၢ်ကနဲၣ်န့ၢ်စီၤယိၤၡူဒီးကီၢ်အံၣ်စရ့လး အကမျၢၢ်ဒီဖုန့ၣ်အကျဲလၢကယဲၢ်အတၢ်ဂ့ၢ်တၢ် ကျိၤခဲလၢာ်အပူၤန့ၣ်လီၤ.”

လံာ်စီၤယိၤၡူ 9:14

ပှၤအံၣ်စရ့လးဖိတဖၣ်တူၢ်လိာ်တၢ်အီၣ်တနီၤလၢအဝဲသ့ၣ်ဟဲစိာ် ဝဲ, ဘၣ်ဆၣ်ဒီး အဝဲသ့ၣ်တဃ့တၢ်ဟ့ၣ်ကူၣ်လၢ ယွၤလၢတၢ်ဂ့ၢ်အံၤ ဘၣ်.

လံာ်ပှၤစံၣ်ညီၣ်ကွီၢ် 1:1

ဖဲစီၤယိၤၡူသံဝံၤအလီၢ်ခံန့ၣ်ပှၤအံၣ်စရ့လးဖိသံကွၢ်တၢ်လၢယွၤ, “မ့ၢ်မတၤလၢပပှၤအဒူၣ်တဖၣ်အကျါကြၢးမ့ၢ်ပှၤအဆိကတၢၢ်တဒူၣ်လၢ ကလဲၤထီၣ်ဒုးပှၤကနၤဧၣ်ဖိတဖၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 10:22

အဝဲသ့ၣ်သံကွၢ်ယွၤ, “မ့ၢ်ပှၤအဂၤအိၣ်တဂၤဂၤဒံးဧါ.” ယွၤစံးဆၢဝဲဒၣ်, “စီၤစီလူးအိၣ်ဖဲန့ၣ်ဒီးအိၣ်ခူသူၣ်လၢ တၢ်ဖိတၢ်လံၤအကျါလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:37

မၤသးဒ်န့ၣ်ဒီး, စီၤစီလူးသံကွၢ်ကစၢ်ယွၤ, “မ့ၢ်ယဘၣ်ဒုးပှၤဖလ့ၡသးဖိတဖၣ်ဧါ. မ့ၢ်နကဟ့ၣ်ပှၤတၢ်မၤနၢၤဧါ.” ဘၣ်ဆၣ်ဒီးလၢမုၢ်နံၤအဝဲန့ၣ်ကစၢ်ယွၤတစံးဆၢတၢ်နီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 23:3

ဘၣ်ဆၣ်ဒီးစီၤဒၤဝံးအပှၤတဖၣ်စံးဘၣ်အီၤ, “ပအိၣ်လၢကီၢ်ယူ ဒၤအပူၤအံၤတၢ်ပျံၤတၢ်ဖုးလၢဝဲလၢပဂီၢ်လံ. ပမ့ၢ်လဲၤဆူဝ့ၢ်ကံလၤဒီးဒုးပှၤဖလ့ၡသးဖိအသုးမုၢ်န့ၣ်ကအၢ န့ၢ်အလီၢ်တက့ၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 23:4

မၤသးဒ်န့ၣ်ဒီး, စီၤဒၤဝံးသံကွၢ်ကဒီးတၢ်လၢကစၢ်ယွၤဒီးယွၤ စံးဘၣ်အီၤ, “လဲၤဒီးဒုးဝ့ၢ်ကံလၤတက့ၢ်. အဂ့ၢ်ဒ်အံၤ, ယဟ့ၣ်လီၤသုတၢ်မၤနၢၤလၢပှၤဖလ့ၡသးဖိတဖၣ်အဖီ ခိၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 23:6

ဖဲစီၤအဃံၤမ့လ့းအဖိခွါစီၤအ့ဘယၤသၣ်ပူၤဖျဲးဒီးလဲၤမၤဃုာ်တၢ်ဒီး စီၤဒၤဝံးလၢဝ့ၢ်ကံလၤန့ၣ်အဝဲလဲၤစိာ်အ့ဖိး ဃုာ်ဒီးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:8

စီၤဒၤဝံးသံကွၢ်ကစၢ်ယွၤ, “မ့ၢ်ယဘၣ်လဲၤလူၤပှၤဂုာ်ဆူၣ်တၢ်တဖၣ်ဒီးမ့ၢ်ယကဘၣ်ဖီၣ်န့ၣ်အဝဲသ့ၣ်ဧါ.” ယွၤစံးဆၢဝဲဒၣ်, “လဲၤလူၤအဝဲသ့ၣ်ဒီးမၤပူၤမၤဖျဲးပှၤဘၣ်တၢ်စိာ်မၢကဲကုၢ်အီၤတဖၣ်တက့ၢ်.”