လံာ်စီၤၡမူၤအ့လးအခီၣ်ထံးတဘ့ၣ် 23:18 - Sgaw Karen Common Bible

¹⁸ ပှၤခံဂၤန့ၣ်မၤတၢ်ဒီတံၤဒီသကိးလိာ်အတၢ်အၢၣ်လီၤအီလီၤအစီအဆှံတမံၤလီၤ. စီၤဒၤဝံးအိၣ်ဝဲဖဲဃိရဲးဒီးစီၤယိၤနၤသၣ်က့ၤဆူအဟံၣ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:7

ဘၣ်ဆၣ်ဒီးမ့ၢ်လၢတၢ်အၢၣ်လီၤစီဆှံလၢအဝဲဒီးစီၤယိနၤသၣ် မၤတ့ၢ်ဝဲလၢတဂၤဒီးတဂၤအဘၢၣ်စၢၤအဃိ, စီၤဒၤဝံးပျဲပူၤဖျဲးစီၤမဖံၤဘိၤၡ့း, လၢအမ့ၢ်စီၤစီလူးအလံၤခွါစီၤယိနၤသၣ်အဖိခွါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:1

ဘၣ်မုၢ်တနံၤန့ၣ်စီၤဒၤဝံးသံကွၢ်ဝဲ, “လၢစီၤစီလူးအပှၤဟံၣ်ဖိ ဃီဖိအကျါန့ၣ်မ့ၢ်ပှၤအိၣ်လီၤတဲာ်တ့ၢ်ဒံးတဂၤဂၤဧါ. မ့ၢ်အိၣ်ဒီး, ယသးအိၣ်ဒုးနဲၣ်ယတၢ်သးကညီၤဘၣ်အီၤလၢစီၤယိနၤ သၣ်အဃိန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 18:1

စီၤစီလူးဒီးစီၤဒၤဝံးမၤဝံၤအတၢ်ကတိၤသကိးန့ၣ်လီၤ. တၢ်န့ၣ်အလီၢ်ခံစီၤစီလူးအဖိခွါစီၤယိၤနသၣ်ဘၣ်သူၣ်ဘၣ်သး လၢစီၤဒၤဝံးဒိၣ်မးဒီးအဲၣ်ဘၣ်အီၤဒ်အအဲၣ်လီၤအသးဒၣ်ဝဲ အသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:3

စီၤယိနၤသၣ်မၤတၢ်ရ့လိာ်မုာ်လိာ်အထူအယိာ်အတၢ်ဆိၣ်ဒီးစီၤဒၤဝံး လၢအအဲၣ်ဘၣ်အီၤဒိၣ်နီၢ်မးအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:42

အန့ၣ်ဝံၤဒီးစီၤယိနၤသၣ်စံးဘၣ်စီၤဒၤဝံး, “ကစၢ်ယွၤအိၣ်ဒီးနၤလီၤ. ယွၤကမၤလီၤတံၢ်ဝဲလၢနၤဒီးယၤ, ဒီးနစၢၤနသွဲၣ်ဒီး, ယစၢၤယသွဲၣ်တဖၣ်ကဟံးဃာ်အတၢ်အၢၣ်လီၤစီ ဆှံလၢပမၤတ့ၢ်အီၤယၢ်ခီယၢ်ခီန့ၣ်လီၤ.” အန့ၣ်ဝံၤဒီးစီၤဒၤဝံးဟးထီၣ်ဝဲဒီး စီၤယိနၤသၣ်က့ၤကဒါက့ၤဆူဝ့ၢ်ပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:8

ဝံသးစူၤမၤဘျုးယၤလၢတၢ်တမံၤအံၤဒီးဟံးဃာ်တၢ်အၢၣ်လီၤစီဆှံလၢနမၤအီၤဒီးယၤတက့ၢ်. ဘၣ်ဆၣ်ဒီး, ယတၢ်ကမၣ်မ့ၢ်အိၣ်န့ၣ်မၤသံကွံာ်ယၤလၢနနီၢ်ကစၢ်ဒၣ်နဲတက့ၢ်. ဘၣ်မနုၤနကဘၣ်လဲၤကိးယၤဆူနပၢ်အအိၣ်ဒ်သိးကမၤသံယၤန့ၣ် လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 21:1

စီၤဒၤဝံးလဲၤဆူပှၤလုၢ်တၢ်အခိၣ်စီၤအဃံၤမ့လ့းအအိၣ်လၢဝ့ၢ်နိၤအးအပူၤလီၤ. စီၤအဃံၤမ့လးဟဲထီၣ်လၢတၢ်ကနိးကစုာ်အပူၤဒ်သိးအကထံၣ်လိာ် အီၤဒီးသံကွၢ်အီၤ, “ဘၣ်မနုၤလၢနဟဲဆူအံၤထဲနၤတဂၤဧိၤန့ၣ်လဲၣ်.”