လံာ်စီၤၡမူၤအ့လးအခီၣ်ထံးတဘ့ၣ် 23:16 - Sgaw Karen Common Bible

¹⁶ စီၤယိၤနၤသၣ်လဲၤဆူအအိၣ်ဖဲန့ၣ်ဒီးဟ့ၣ်ဂံၢ်ဟ့ၣ်ဘါအီၤလၢ ကစၢ်ယွၤအတၢ်ဒီဒၣ်အိၣ်ပှိၤအီၤသပှၢ်တၢၢ်အဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:16 Iomraidhean Croise

လံာ်စီၤနဃ့မယၤ 2:18

ဒီးယတဲဘၣ်အဝဲသ့ၣ်လၢကစၢ်ယွၤအိၣ်ဒီးယၤဒီးမၤစၢၤယၤဒ် လဲၣ်, ဒီးစီၤပၤတဲယၤဒ်လဲၣ်န့ၣ်လီၤ. ဒီးအဝဲသ့ၣ်စံးဆၢဝဲ, “မ်ပကဘှီထီၣ်ကဒါက့ၤသကိးတၢ်တ က့ၢ်.” ဒီးအဝဲသ့ၣ်အိၣ်ကတဲာ်ကတီၤအသးလၢကမၤတၢ်န့ၣ်လီၤ.

လံာ်စီၤယိၤဘး 16:5

ယဟ့ၣ်ဆူၣ်ထီၣ်သုဂံၢ်သုဘါခီဖျိယထးခိၣ်အတၢ်ကတိၤဒီးယနိး ဖံးအတၢ်ကတိၤမုာ်လၢအကတၢၢ်ကတာ်တအိၣ်ဘၣ်န့ၣ်သ့ဝဲလီၤ.

တၢ်ကတိၤဒိ. 27:17

ဒ်ထးကျ့အ့ၣ်အသးအသိးန့ၣ်, ပှၤမၤလိန့ၢ်တၢ်လၢတဂၤဒီးတဂၤ အအိၣ်လီၤ.

တၢ်ကတိၤဒိ. 27:9

တၢ်နၢမူဒီးသိနၢမူမၤမုာ်မၤခုၣ်အါထီၣ်နသးလီၤ. မ့မ့ၢ်တၢ်ကိၢ်တၢ်ဂီၤမၤလီၤကလဲကွံာ်နသးအတၢ်ဃူတၢ်မုာ်လီၤ.

လံာ်ယဃ့းစက့လး 13:22

သုတၢ်လီတၢ်ဝ့ၤတဖၣ်န့ၣ်မၤသးဟးဂီၤပှၤအဂ့ၤတဖၣ်လၢယတသးအိၣ် မၤဘၣ်ဒိဘၣ်ထံးအီၤန့ၣ်လီၤ. သုတြီဃာ်ပှၤဂီၢ်မုၢ်လၢအအၢအသီတဖၣ်လၢကညိကွံာ်အတၢ်အၢတၢ်သီ ဒီးအုၣ်က့ၤခီၣ်က့ၤအသးသမူဒၣ်ဝဲန့ၣ်လီၤ.

လံာ်လူၤကၣ် 22:32

ဘၣ်ဆၣ်ဒီးယဃ့ဘါထုကဖၣ်တ့ၢ်ယဲလၢနဂီၢ်, စီၤၡံမိၣ်ဧၢ, ဒ်သိးနတၢ်စူၢ်တၢ်နာ်သုတဟးဂီၤတဂ့ၤအဂီၢ်လီၤ. ဒီးဖဲနဃၣ်ကဒါက့ၤနသးဆူယအိၣ်န့ၣ်, နကဘၣ်ဟ့ၣ်ဂံၢ်ဟ့ၣ်ဘါနဒီပုၢ်ဝဲၢ်တဖၣ်လီၤ.”

လံာ်လူၤကၣ် 22:43

ကလူးလၢမူခိၣ်တဂၤဟဲလီၣ်ဖျါထီၣ်အသးလၢအီၤ, ဒီးဟ့ၣ်ဂံၢ်ဟ့ၣ်ဘါအီၤလီၤ.

အ့းဖ့းစူး 6:10

တၢ်ကတိၤလၢခံကတၢၢ်, အိၣ်ပှဲၤဒီးဂံၢ်ဘါလၢကစၢ်အပူၤဒီးလၢအစိကမီၤအဂံၢ် အဘါအပူၤတက့ၢ်.

လံာ်သိၣ်လီၤသီလီၤတၢ် 3:28

မၤလိာ်ဒီးဟ့ၣ်စိၤဟ့ၣ်ကမီၤစီၤယိၤၡူ, တက့ၢ်. ဒုးဆူၣ်ထီၣ်အဂံၢ်အဘါဒီးဒုးတံးသဟီၣ်ထီၣ်အဂံၢ်အဘါတက့ၢ်. အဂ့ၢ်ဒ်အံၤ, အဝဲကဆှၢပှၤဂီၢ်မုၢ်ဆူဘးခီလၢနထံၣ်ဘၣ်အီၤန့ၣ်လီၤ.

၂ တံၤမသ့း 2:1

မ့မ့ၢ်နဲဒၣ်ယဖိခွါဧၢ, အိၣ်ဒီးနဂံၢ်ဆူၣ်ဘါဆူၣ်ခီဖျိတၢ်ဘျုး တၢ်ဖှိၣ်လၢအအိၣ်ဒီးပှၤလၢပတၢ်အိၣ်မူလၢယ့ၣ်ၡူးခရံာ် အပူၤန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 23:15

စီၤဒၤဝံးထံၣ်လၢစီၤစီလူးဟးထီၣ်ဒ်သိးကမၤသံအီၤအဂီၢ် လီၤ. စီၤဒၤဝံးအိၣ်ဝဲလၢဃိရဲးလၢပှၢ်မုၢ်ကနၢဘူးဒီးဝ့ၢ်စံဖးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:6

ခဲအံၤစီၤဒၤဝံးန့ၣ်အိၣ်လၢတၢ်ကီတၢ်ခဲဖးဒိၣ်အပူၤလီၤ. အဂ့ၢ်ဒ်အံၤ, အပှၤခဲလၢာ်အသးဆါခၣ်ဒိၣ်ဒိၣ်ကလဲာ်လၢအဖိအမါတဖၣ် လီၤမၢ်ကွံာ်အဃိန့ၣ်လီၤ. ဒီးအဝဲသ့ၣ်မၤပျံၤမၤဖုးစီၤဒၤဝံးလၢကကွံာ်သံအီၤလၢလၢၢ်လီၤ. ဘၣ်ဆၣ်ဒီးယွၤ, အကစၢ်ယွၤဟ့ၣ်အီၤလၢတၢ်သူၣ်ဒူသးဒူန့ၣ်လီၤ.