လံာ်စီၤၡမူၤအ့လးအခီၣ်ထံးတဘ့ၣ် 23:12 - Sgaw Karen Common Bible

¹² စီၤဒၤဝံးသံကွၢ်ကဒီးဝဲ, “ဒီးမ့ၢ်ဝ့ၢ်ကံလၤအခူဖိဝ့ၢ် ဖိတဖၣ်ကဟ့ၣ်လီၤယၤဒီးယပှၤတဖၣ်ဆူစီၤစီလူးအစုပူၤဧါ.” ယွၤစံးဆၢဝဲဒၣ်, “အဝဲသ့ၣ်ကဟ့ၣ်လီၤဝဲလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 23:12 Iomraidhean Croise

စံးထီၣ်ပတြၢၤ 118:8

တၢ်ဃ့ၢ်ဆူယွၤအိၣ်န့ၣ်, ဂ့ၤန့ၢ် တၢ်သန့ၤပသးလၢပှၤကညီတက့ၢ်န့ၣ်လီၤ.

စံးထီၣ်ပတြၢၤ 143:8

ဒုးသ့ၣ်နီၣ်ယၤလၢနတၢ်အဲၣ်ဂၢၢ်ကျၢၤကိးဂီၤဒဲးတက့ၢ်. အဂ့ၢ်ဒ်အံၤ, ယသန့ၤယသးလၢနၤလီၤ. သိၣ်လိယၤလၢကျဲလၢယဂ့ၤပိာ်တဘိန့ၣ်တက့ၢ်. အဂ့ၢ်ဒ်အံၤ, ယစိာ်ထီၣ်ယသးဆူနအိၣ်လီၤ.

စံးထီၣ်ပတြၢၤ 31:8

နတပျဲယဒုၣ်ယဒါသ့ၣ်တဖၣ်ဖီၣ်န့ၢ်ယၤဘၣ်. နဟ့ၣ်ယၤတၢ်သဘျ့လၢ ယကလဲၤဖဲယအဲၣ်ဒီးလဲၤဝဲအလီၢ်န့ၣ်လီၤ.

စံးထီၣ်ပတြၢၤ 62:1

ယသးအိၣ်ခိးထဲကစၢ်ယွၤတဂၤဧိၤလၢတၢ်အိၣ်ဘှ့ၣ်အိၣ်ဘှီၣ်အပူၤန့ၣ်လီၤ. တၢ်အုၣ်က့ၤခီၣ်က့ၤယၤန့ၣ်ဟဲဒၣ်ထဲလၢအအိၣ်လီၤ.

လံာ်ယၡါယၤ 29:15

ပှၤတဖၣ်လၢအကျဲးစၢးပာ်ခူသူၣ်အတၢ်တိာ်ကျဲၤတဖၣ်လၢ ယွၤန့ၣ်, ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်မၤထွဲအတၢ်ကူၣ်တဖၣ် လၢတၢ်ခူသူၣ်အပူၤဒီးဆိကမိၣ်ဝဲလၢပှၤတထံၣ်ဒီးတသ့ၣ်ညါတၢ် လၢအဝဲသ့ၣ်မၤန့ၣ်နီတဂၤဘၣ်န့ၣ်လီၤ.

လံာ်ယံးရမံယၤ 11:18

ယွၤဒုးသ့ၣ်ညါတ့ၢ်ယၤလၢတၢ်ကူၣ်အၢခူသူၣ်တဖၣ်လၢယဒုၣ်ယဒါ တဖၣ်မၤဝဲထီဒါယၤန့ၣ်လီၤ.

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.

လံာ်ပှၤစံၣ်ညီၣ်ကွီၢ် 15:10

ယူဒၤအပှၤတဖၣ်သံကွၢ်အဝဲသ့ၣ်, “ဘၣ်မနုၤသုဟဲဒုးပှၤလဲၣ်.” ဒီးအဝဲသ့ၣ်စံးဆၢဝဲ, “ပဟဲဒ်သိးပကဖီၣ်စီၤၡံၣ်ၡိၣ်ဒီးမၤ အီၤဒ်အမၤပှၤအသိးန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 23:11

မ့ၢ်ဝ့ၢ်ကံလၤအခူဖိဝ့ၢ်ဖိတဖၣ်ကဟ့ၣ်လီၤကွံာ်ယၤဆူစီၤစီ လူးအစုပူၤဧါ. မ့ၢ်စီၤစီလူးကဟဲသပှၢ်တၢၢ်ဒ်ယနၢ်ဟူတ့ၢ်အသိးဧါ. ယွၤ, ကီၢ်အံၣ်စရ့လးအကစၢ်ယွၤဧၢ, ယဃ့ကညးနၤလၢနကစံးဆၢယၤ လီၤ.” ယွၤစံးဆၢဝဲဒၣ်, “စီၤစီလူးကဟဲဝဲဒၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 23:20

နဲဒၣ်စီၤပၤဖးဒိၣ်ဧၢ, ပသ့ၣ်ညါလၢနအဲၣ်ဒိးဖီၣ်န့ၢ်အီၤနးနးကလဲာ်အဂ့ၢ်န့ၣ်လီၤ. လၢတၢ်န့ၣ်အဃိဟဲဆူပကီၢ်ဒီးပကမၤလီၤတံၢ်န့ၣ်နၤလၢနကဖီၣ်န့ၢ်အီၤ အဂီၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 23:7

စီၤစီလူးဘၣ်တၢ်တဲဘၣ်အီၤလၢစီၤဒၤဝံးလဲၤလံဝဲဆူဝ့ၢ်ကံ လၤဒီးအဝဲဒၣ်စံး, “ကစၢ်ယွၤပာ်လီၤအီၤလၢယစိကမီၤအဖီလာ်လံ. စီၤဒၤဝံးပာ်လီၤထုလၢအဂီၢ်ဒၣ်ဝဲခီဖျိအတၢ်လဲၤနုာ်လီၤဆူ ဝ့ၢ်တဝ့ၢ်လၢအအိၣ်ဒီးအခိၣ်ဒူဃုာ်ဒီးတြဲၤအဂၢၢ်အကျၢၤတဖၣ်အဃိ န့ၣ်လီၤ.”