လံာ်စီၤၡမူၤအ့လးအခီၣ်ထံးတဘ့ၣ် 23:10 - Sgaw Karen Common Bible

¹⁰ တုၤနုၤတစုစီၤဒၤဝံးစံးဝဲ, “ယွၤ, ကီၢ်အံၣ်စရ့လးအကစၢ်ယွၤဧၢ, ယနၢ်ဟူလၢစီၤစီလူးကူၣ်ထီၣ်ကျဲၤလီၤတၢ်လၢအကဟဲဆူ ဝ့ၢ်ကံလၤဒီးမၤဟးဂီၤအီၤလၢနခ့နပှၤယၤအံၤအဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:10 Iomraidhean Croise

လံာ်တၢ်ကဲထီၣ်အခီၣ်ထံး 18:24

ပှၤလၢအတၢ်ကမၣ်တအိၣ်မ့ၢ်အိၣ်လၢဝ့ၢ်ပူၤအဂၤယဲၢ်ဆံန့ၣ်မ့ၢ် နကမၤဟးဂီၤကွံာ်ဝ့ၢ်ဒီဝ့ၢ်ညါဧါ. လၢတၢ်အုၣ်က့ၤခီၣ်က့ၤပှၤအဂၤယဲၢ်ဆံအဂီၢ်န့ၣ်မ့ၢ်နတပျဲပူၤ ဝ့ၢ်အံၤဘၣ်ဧါ.

လံာ်နီၢ်အ့ၤစတၢ် 3:6

ဒီးတုၤအသ့ၣ်ညါဘၣ်ဝဲလၢစီၤမၢ်ဒကဲၤမ့ၢ်ပှၤယူဒၤဖိတဂၤန့ၣ်, အဝဲပာ်လီၤအသးလၢကမၤတၢ်အါန့ၢ်ကစံၣ်ညီၣ်စီၤမၢ်ဒကဲၤ ထဲတဂၤဧိၤတက့ၢ်န့ၣ်လီၤ. အဝဲကူၣ်ထီၣ်ဖးလီၤလၢကမၤသံကယဲၢ်ပှၤ ယူဒၤဖိခဲလၢာ်လၢကီၢ်ပၤရၣ်အဘီအမုၢ်ဒီဘ့ၣ်ညါအပူၤန့ၣ်လီၤ.

တၢ်ကတိၤဒိ. 28:15

လၢပှၤတတီတလိၤအတၢ်ပၢအဖီလာ်န့ၣ်, ပှၤဖှီၣ်ဖိယာ်ဖိတဖၣ်မၤစၢၤလီၤက့ၤအသးတသ့နီတမံၤဘၣ်. အဝဲလီၤပျံၤလီၤဖုးဒ်ခ့ယုၢ်တဒုလၢအကညီၤထီၣ်ရုၢ်ရုၢ်အသိး ဒီးဒ်တၤသူတဒုလၢအဟးဝ့ၤဝီၤစီၤတၢ်အသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:19

စီၤစီလူးဟ့ၣ်လီၤစ့ၢ်ကီးအကလုၢ်လၢပှၤမၤသံစ့ၢ်ကီးကယဲၢ်ပှၤတဖၣ်လၢ အအိၣ်ဝဲဆိးဝဲလၢပှၤလုၢ်တၢ်အခိၣ်အဝ့ၢ်, ဝ့ၢ်နိဘးအပူၤ, ပိာ်ခွါတဖၣ်, ပိာ်မုၣ်တဖၣ်, ဖိသၣ်တဖၣ်, ဖိသၣ်အီၣ်နူၢ်တဖၣ်, ဂီၤဘုၣ်ဂီၤဖံးတဖၣ်, ကသ့ၣ်ယီၤတဖၣ်, ခဲလၢာ်န့ၣ်လီၤ. ဒီးသိဖိတဖၣ်အဝဲသ့ၣ်ခဲလၢာ်ဘၣ်တၢ်မၤသံကွံာ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:11

မ့ၢ်ဝ့ၢ်ကံလၤအခူဖိဝ့ၢ်ဖိတဖၣ်ကဟ့ၣ်လီၤကွံာ်ယၤဆူစီၤစီ လူးအစုပူၤဧါ. မ့ၢ်စီၤစီလူးကဟဲသပှၢ်တၢၢ်ဒ်ယနၢ်ဟူတ့ၢ်အသိးဧါ. ယွၤ, ကီၢ်အံၣ်စရ့လးအကစၢ်ယွၤဧၢ, ယဃ့ကညးနၤလၢနကစံးဆၢယၤ လီၤ.” ယွၤစံးဆၢဝဲဒၣ်, “စီၤစီလူးကဟဲဝဲဒၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 23:8

မၤသးဒ်န့ၣ်ဒီး, စီၤစီလူးကိးအပှၤသုးဖိတဖၣ်ဆူတၢ်ဒုးလၢ အကလဲၤထီၣ်ထီဒါဝ့ၢ်ကံလၤဒီးကဝီၤဃာ် စီၤဒၤဝံးဒီးအပှၤတဖၣ်အဂီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:9

ဖဲစီၤဒၤဝံးနၢ်ဟူဝဲလၢစီၤစီလူးကူၣ်ထီၣ်ကျဲၤလီၤတၢ်လၢ ကဟဲဒုးအီၤဒီး, အဝဲစံးဘၣ်ပှၤလုၢ်တၢ်အခိၣ်စီၤအ့ဘယၤသၣ်, “ဟဲစိာ်အ့ဖိးဆူအံၤတက့ၢ်.”