လံာ်စီၤၡမူၤအ့လးအခီၣ်ထံးတဘ့ၣ် 22:7 - Sgaw Karen Common Bible

⁷ ဒီးအဝဲစံးဘၣ်အသုးနၢ်တဖၣ်, “ဒိကနၣ်တၢ်တက့ၢ်, စီၤဘံၣ်ယၤမံၣ်အပှၤကညီဧၢ, မ့ၢ်သုဆိကမိၣ်လၢစီၤဒၤဝံး ကဟ့ၣ်စံၣ်ပျီဒီးစပံးအလီၢ်တဖၣ် ဆူသုဝဲခဲလၢာ်အအိၣ်ဒီးဒုးကဲသု လၢသုးခိၣ်သုးနၢ်လၢအသုးမုၢ်ပူၤန့ၣ်ဧါ.

လံာ်စီၤၡမူၤအ့လးအခီၣ်ထံးတဘ့ၣ် 22:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:1

စီၤပၤစီၤဒၤဝံးဒုးအိၣ်ဖှိၣ်ရိဖှိၣ်အပှၤတဖၣ်ဒီးနီၤဖးလီၤအီၤဆူပှၤတကထိ, ပှၤတကယၤအကရူၢ်ဖိတဖၣ်ဒီးပာ်ထီၣ်သုးခိၣ်သုးနၢ်တဖၣ် လၢအဝဲသ့ၣ်အဖီခိၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:1

တၢ်မၤအသးလၢဝ့ၢ်ကံးလကၤလးအပူၤန့ၣ်ပှၤတဂိာ်တသီၣ်ဘၣ်တၢ်အိၣ် ဝဲတဂၤလၢပှၤဘံၣ်ယၤမံၣ်အဒူၣ်အကျါ, လၢအမ့ၢ်စီၤကံးဘြံၤအဖိခွါစီၤၡဘၤန့ၣ်လီၤ. အဝဲအူထီၣ်ကွဲၤဒီးကိးပသူထီၣ်ဝဲဒၣ်, “မ်စီၤဒၤဝံးဘၣ်တၢ်ပာ်လီၤကွံာ်အလီၢ်အလၤတက့ၢ်. ပတပိာ်အခံဘၣ်. ပှၤကီၢ်အံၣ်စရ့လးဖိသ့ၣ်ဧၢ, မ်ပက့ၤကဒါက့ၤဆူဟံၣ်တက့ၢ်.”

လံာ်စီၤပၤအခီၣ်ထံးတဘ့ၣ် 12:16

တုၤပှၤဂီၢ်မုၢ်ထံၣ်ဘၣ်ဝဲလၢစီၤပၤတကနၣ်ဃုာ်အဝဲသ့ၣ်ဘၣ်န့ၣ်, အဝဲသ့ၣ်ကိးထီၣ်ဝဲ, “မ်စီၤဒၤဝံးအဟံၣ်ဖိဃီဖိအလီၢ်လီၤ ကွံာ်တက့ၢ်. အဝဲသ့ၣ်မၤတ့ၢ်တၢ်မနုၤလၢပဂီၢ်န့ၣ်လဲၣ်. ကီၢ်အံၣ်စရ့လးအပှၤကညီသ့ၣ်ဧၢ, မ်ပက့ၤကဒါက့ၤဆူပဟံၣ်ဒၣ်ဝဲ တက့ၢ်. မ်စီၤရဃၤဘၣ်ကွၢ်လီၤထွဲက့ၤအသးဒၣ်ဝဲတက့ၢ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ပူထီၣ်တၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 12:16

ဘၣ်တဘျီပှၤတဖုလၢဘံၣ်ယၤမံၣ်အဒူၣ်ဒီးယူဒၤအဒူၣ်အကျါလဲၤဆူ စီၤဒၤဝံးအအိၣ်, ဖဲအဝဲအိၣ်ဝဲဆိးဝဲလၢတိာ်ပူၤအခါန့ၣ်လီၤ.

လံာ်ယၡါယၤ 11:1

အစီၤလိၣ်စီၤပၤအတၢ်လီၤစၢၤလီၤသွဲၣ်လၢစီၤဒၤဝံးန့ၣ်လီၤ ဂာ်ဒ်သ့ၣ်တထံးလၢအဘၣ်တၢ်ကူာ်လီၤကွံာ်အီၤအသိးလီၤ. ဘၣ်ဆၣ်ဒီး, ဒ်သ့ၣ်ဒ့အသီတဖၣ်ဟဲဒိးပဒုၣ်ထီၣ်ဝဲလၢသ့ၣ်ခိၣ် ဆၢၣ်အလိၤအသိးန့ၣ်, စီၤပၤအသီတဂၤကဟဲအိၣ်ထီၣ်ဝဲလၢစီၤဒၤ ဝံးအစၢၤအသွဲၣ်တဖၣ်အကျါန့ၣ်လီၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:14

ဒီးအဝဲမၤနၢၤတၢ်လၢကယဲၢ်အတၢ်မၤခဲလၢာ်အပူၤလီၤ. အဂ့ၢ်ဒ်အံၤ, ယွၤအိၣ်ဒီးအီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:27

လၢခံတနံၤ, ဖဲလါထီၣ်သီအမူးဝံၤဝဲန့ၣ်, စီၤဒၤဝံးအလီၢ်လီၤဟိဒံးဝဲဒီးစီၤစီလူးသံကွၢ်စီၤယိ နၤသၣ်, “ဘၣ်မနုၤလၢစီၤဒၤဝံးတဟဲဘၣ်ဆူတၢ်အီၣ်သကိးလၢမဟါတနံၤ ဒီးတနံၤညါအံၤန့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 20:30

စီၤစီလူးသးဒိၣ်ထီၣ်လၢစီၤယိနၤသၣ်အဖီခိၣ်နးနးကလဲာ်ဒီး စံးဘၣ်အီၤ, “နဲဒၣ်ပှၤလၢအဘိးကဒါကွံာ်တၢ်မ့ၢ်တၢ်တီဒီးပူထီၣ်တၢ်တဂၤဧၢ, ခဲအံၤယသ့ၣ်ညါလၢနအိၣ်လၢစီၤဒၤဝံးအအိၣ်တခီဒီးနမၤဟးဂီၤ နသူးနသ့ၣ်ဒီးနမိၢ်ဒၣ်နဲအလၤကပီၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 22:13

စီၤစီလူးသံကွၢ်အီၤ, “ဘၣ်မနုၤလၢနၤဒီးစီၤဒၤဝံးကူၣ် ထီၣ်ဖးလီၤတၢ်ထီဒါယၤန့ၣ်လဲၣ်. ဘၣ်မနုၤလၢနဟ့ၣ်အီၤတၢ်အီၣ်တနီၤဒီးနးတဘ့ၣ်ဒီးသံကွၢ်တၢ်လၢ ကစၢ်ယွၤလၢအဂီၢ်န့ၣ်လဲၣ်. ခဲအံၤအဝဲဃၣ်အသးထီဒါယၤဒီးအိၣ်ခိးဝဲတၢ်အခွဲးဂ့ၤယာ်ဘၣ် လၢကမၤသံယၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 22:9

စီၤဒိအ့းအိၣ်ဆၢထၢၣ်ဖဲန့ၣ်ဃုာ်ဒီးစီၤစီလူးအသုးခိၣ်သုး နၢ်တဖၣ်ဒီးစံးဝဲ, “ယထံၣ်တ့ၢ်စီၤဒၤဝံးဖဲအလဲၤဆူစီၤအဃံးတူာ် အဖိခွါစီၤအဃံၤမ့လ့းလၢအအိၣ်လၢဝ့ၢ်နိဘးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:10

ဒီးလၢခံကတၢၢ်န့ၣ်, စီၤနၤဘလးစံးဆၢဝဲဒၣ်, “စီၤဒၤဝံး, အဝဲမ့ၢ်မတၤလဲၣ်ယတနၢ်ဟူအဂ့ၢ်နီတစုဘၣ်. ထံကီၢ်အံၤပှဲၤဝဲဒၣ်ဒီးကုၢ်တဖၣ်လၢအဃ့ၢ်ဟးထီၣ်လၢအကစၢ်အအိၣ် လၢမုၢ်နံၤတဖၣ်အံၤအပူၤလီၤ.